عيله الدهاشنه

ممكن عادى تقوليلى صباح الخير يا حبيبى وبعدها تسالينى ماروحتش الشغل ليه 
مريم ابتسمت صباح الخير يا قلبى 
رفع حاجبه بغيظ ايه
ده !! 
مريم ابتسمت فى ايه
بالراحه بعدت وبصتله بحب صباح الخير ياحبيبى
رد عليها بنفس صباح العسل الى مدوب قلبى فيه 
تعالى بقى افطرى واشربى كبايه اللبن دى كلها 
مريم الضيق بان على وشها اول لما شافت اللبن بصت لبدر بترجى بص ياحبيبى انا هاكل زى مانت عايز بس وحياتى عندك بلاش اللبن انا عمرى ماحبيته ابدا 
بدر قرب الاكل وبدا ياكلها يعنى انتى يرضيكى ابنك ولا بنتك الى فى بطنك يطلع ضعيف وعضمه وسنانه بايظين علشان امه رفضت تشرب اللبن
مريم بصتله قوى وحضنت بطنها پخوف لا 
بدر ابتسم على سزاجتها خلاص يبقى لازم تشربى كل يوم الصبح وبليل والا النونو الغبان ده هيبقى ضعيف وهفتان 
مريم لا خلاص هشرب 
اخد بدر كبايه اللبن وشربها كل الكبايه وهى مغمضه عنيها خلصت الكبايه وهى لسه مغمضه وباين على وشها الضيق قرب منها بدر واخد اثار اللبن من على وهو بعد شويه وبصلها بحب احلى طعم لبن دوقته فى حياتى هقوم اعملك الغدا بقى 
مريم ياحبيبى صدقنى انا بقيت كويسه سبنى اقوم احضره انا كفايه انك بقالك يومين سايب شغلك 
بدر مين الى قال انى سايب شغلى انا روحت الصبح جب كل
الشغل الى محتاج يخلص معايا هخلصه هنا وانا معاكى 
مريم قامت طيب علشان خاطرى سينى اعمل انا الاكل وروح خلص شغلك 
بدر بصلها باستسلام ماشى بس لو حسيتى بتعب تدخلى ترتاحى على طول 
مريم بسرعه حاضر 
سابته وطلعت المطبخ وهو دخل مكتبه يخلص شغله شويه وتليفونه رن ايوا يانادر عملت ايه 
نادر مالوش اثر فى اى فندق ولا حتى بنسيون
بدر بغيظ يعنى ايه ساب مصر ده مرجعش الصعيد 
نادر صدقنى يابدر انا قلبت عليه الدنيا مش موجود عموما انا عندى ماموريه يومين وراجع وهادور تانى 
بدر ماشى يانادر تروح وتيجى بالسلامه معلش تعبتك معايا 
ضحك نادر عيب عليك دااحنا صحاب من ايام الجيزه 
ضحك بدر هو كمان ماشى ياصاحبى سلام 
قفل معاه وهو بيفكر روحت فين ياابن جابر الزفت
فى شاليه فى اسكندرية كان عمار بقاله يومين بيلف حوالين نفسه من ساعت مابيرى بلغته بحمل مريم وقف يتكلم زى المچنون يعنى ايه خلاص اكده روحتى منى يامريم اخدك بدر وهتبجى ام عياله 
شويه والباب اتفتح ودخلت بيرى جرى عليها عمار بغل من بقوه بجى انتى تضحكى عليا وتجوليلى انهم عايشين كيف الاخوات وفى الاخر تطلع حبله منيه وانا نايم على ودانى
زقيته بيرى بعيد عنها قعد كده واهدى علشان نعرف نفكر هنعمل ايه 
بعد عمار عنها وهو بيشد فى شعره نعمل ايه فى ايه ماخلاص اكده خلصت وبدر هو الى كسب وضحك عليا 
بيرى بغل لسه مخلصت ياعمار وانا مش هسيب حقى 
عمار بصوت عالى حج !! حج ايه ده الى ليكى ومن مين ماخلاص بجيت مارته والى كان كان !! انتى السبب لو مكنتش مشيت وراكى كان زمانى جتلته وخلصت منيه ورچعتها ليا 
بيرى لو فضلت تنوح كتير كده هسيبك وامشى اقعد واهدى علشان نقدر نفكر ولو انت متنازل عن حقك فى مريم انا مش هسيب بدر لغيرى حتى لو هقتله 
عمار بصلها قوى ومسبتنيش اجتله من البدايه ليه 
بيرى زعقت انت غبى كده كده كان خلاص اتجوزها ولا انت فاكر انها حملت فى كام يوم بس!!! احنا فيها الى فى بطنها ده لازم ينزل وهحرق قلبه عليها 
عمار ايه ناويه تجتليها هى كمانى 
بيرى ببرود وليه لا انت لسه باقى عليها بعد مااختارت غيرك 
عمار سكت ودور وشه كملت بيرى كلامها باستهزاء ليه حق بدر يشوفك فى نظره قليل 
لف عمار مره واحده وضربها بالقلم فوجى لحالك مش عمار الزينى الى حرمه تجوله اكده ولا تتحكم فيه 
بيرى بغل ازاى بقى اذا كان حته عيله متحكمه فيك ومخلياك مريل عليها 
عمار لا عاشت وكانت الى تخلينى اريل عليها وانا هسبتلك حديدى ديه 
سابها وخرج من الشاليه وهى ابتسمت بغل وحطت اديها على خدها اقسم بالله لادفعت حق القلم دهه غالى قوى
فى بيت الدهاشنه كان صالح قاعد فى مكتبه وقدامه ورق وصور كتير بص لعليش الى واقف قصاده عرفت طريج الارض ديه فين كويس
عليش ايوا ياسيد الناس انى بجالى كام يوم مراجبه زين فى كل خطوه لحد ماراح عيند الارض الجبليه وهناك لقيت ناس كاتير بيحفروا وكان فى كمانى راچل شكله كباره جوى واجف معاه وناوله شنطه لما فتحها لجيت فيها فالوس كاتيره من الى بيجولوا عليها دررات 
بصله صالح بس كويس انك عرفت تصور كل الى انت شوفته طلعت مش سهل ياعليش 
ابتسم عليش بفخر اومال ايه ياحاچ مانى لازمن اتعلم كل حاچه ميشان وجت العوزه 
صالح معاك حج خلاص روح انت دلوقيت
عليش امرك يا حاچ
اخد صالح تليفونه واتصل على رقم ايوا ياسيادة اللواء كله تمام ومعايا كل الادله الى حاضرتك طلبتها هتكون عنديك بكره الصبح انشاء الله 
قفل معاه وهو بياخد نفسه براحه هانت ياچابر اخرتك جربت جوى ورينى هتطلع منيها ازاى المرادى 
فى ارض بعيده عن العمار فى جنوب الصعيد كان العمال شغالين حفر وواقف معاهم دجال بيحدد ليهم اماكن الحفر بعد مابيقرأ طلاسم ويبعد اى لعنات موجوده 
كان جابر واقف لبعيد شويه مراقب كل حاجه وواقف معاه راشد الطحاوى اكبر تاجر اثار فى البلد وعضو فى مجلس الشعب الى بيدارى فيها تجارته قرب منهم الشيخ وافى وهمس فى ودن جابر ورجع تانى مكانه بصله راشد قوى فى ايه بيقولك ايه وافى 
جابر ولا حاچه كان محتاچ زيبج تانى ميشان الى حداه خلص 
راشد بزهق وهو مبيجبش حاجته ليه مره واحده لازم يزهقنا جنبه
راشد بتكبر مايسمع هيعمل ايه ياعنى هو مش عارف انا مين وممكن اعمل فيه ايه 
جابر عارف طبعا اومال ايه بس هو برضك مش جليل وسلطته عاليه جوى اسألنى أنى.. انى بجالى سنين شغال معاه وياما چابلى رزج كاتير من تحت الارض 
راشد المهم عندك زيبق ولا لسه هنبعت نجيب 
جابر لاه ماتخافيش عامل حسابى وجايب بزياده انى هبعت عويس البيت يروح يچيبه وياچى
ندا على عويس الحارس بتاعه وبعته البيت لحسيبه واتصل هو بيها الو ايوا ياحسيبه عويس چايلك هتلاجى فى الخزنه لفه ادهاله
حسيبه فيها ايه اللفه دى ياچابر
جابر مالكيش صالح نفزى وخلاص سلام 
قفل معاها ورجع كمل مراقبه للعمال
من بعيد واقف مجموعه كبيره من العساكر والامن المركزى ومعاهم الرائد نادر الباشا 
رفع نادر جهاز الارسال الخاص بيه وبدا يعطى كل فرقه مهامها خليكم مستعدين عند الاشاره 
الكل فى الجهاز
تمام يافندم
عند جابر وصل عويس بعد نص ساعه ومعاه الزيبق اخده منه وافى وبدا يحرقه ويعزم على باب المقبره الى ظهرت قدمهم بعد الحفر خلص وافى وامر العمال يفتحوا الباب بعد مافتحوه قرب جابر والسعاده ماليه وشه اول مابداوا يطلعوا بعض الاثار كبيره الحجم من المقبره بص لراشد بفخر مش جولتلك ياباشا وافى ديه جلاب الخير كله مالى عينك ياباشا دهب اصلى من ايام چدودنا 
قرب راشد وعنيه بتلمع بطمع ايه الجمال ده التمثال ده لوحده بالمقبره كلها
فجاه سمعوا صوت بيقرب مره واحده ولاقوا نفسهم متحوطين من كل حته وقف جابر مزعور بعد ماشاف القوات الى حواليه 
انا ماليش صالح بحاچه من ديه 
قرب نادر من راشد الى واقف راسم القوه على وشه بس من جواه عارف ان خلاص ضاع راشد باشا منور الصعيد ايه ياراجل مش تقول انك عايز تزور الاثار وكنا جبناهم لحد عندك بدال ماتيجى بنفسك تسرقهم من البلد 
راشد انت اټجننت مش عارف بتكلم مين
ابتسم نادر ببرود لا عارف سياده عضو مجلس الشعب راشد الطحاوى الى المفروض بيحافظ على البلد وامانها هو الى بيسرق خيرها علشان يبيعه للاغراب ينسبوه لنفسهم 
راشد بصوت مهزوز لا لا انت شكلك كده ماتعرفش انا ممكن اعمل فيك ايه !! انا هوديك فى
________________________________________
ستين داهيه
ضحك نادر مش لما تخرج نفسك من الداهيه دى الاول 
راشد بثقه
انا معايا حصانه متقدرش تعمل حاجه وكل اجرائتك باطله
بصله نادر قوى اخص عليا هو انا مقولتلكش 
طلع ورقه من جيبه ده قرار من النائب العام برفع الحصانه عنك يعنى انت دلوقت قصاد الحكومه شايف بقى البوكس الى هناك ده يالا ياشاطر خد شريكك فى ايدك وروح اركب بالزوق يالا 
نادر شاف العربيه مطلعه دخان وقف عربيته وساعاتها شاف جابر وهو بيجرى طلع يجرى وراه ومعاه باقى الحرس فضل يجرى وهو بيحظره اوقف عندك ياجابر هضرب فى المليان 
جابر وقف لبعيد بعد ماتعب بحكم سنه ولف بص لنادر وهو موجه الرشاش نحيته مش چابر الزينى الى على اخر الزمن يجدى باجى عمره فى السچن باعد احسنلك 
نادر نزل ياجابر مافيش فرصه انك تهرب احسنلك سلم نفسك 
جابر جولتلك باعد بس الظاهر انك بايع نفسك انت والى معاك 
بعد فتره قليله تم نقل نادر والعساكر المستشفى وتم نقل جابر المشرحه بعد ۏفاته
وصل الخبر لحسيبه بعد حوالى ساعه
كانت قاعده بتحاول تتصل بعمار الى مش بيرد عليها دخل عليها عويس وهو بينهج ووشه اصفر 
وقفت قصاده بزهق ايه هو بعتك تاخد حاچه تانيه مانى مواريش غير سى چابر وجرفه 
عويس اتكلم وهو بينهج الحجى ياست حسيبه سى چابر اتجبض عليه 
حسيبه بصتله بزعر اايه تجبض عليه كيف وميتى 
عويس بعد ماروحت من اهنه بهبابه طلب منى اروح اچيب حاچات تانيه من البلد ويادوب رچعت تانى ولسه هجرب من الارض لجيت الحاكومه ماليه المكان وماسكين سى چابر وكل الى معاه اچيت چرى ابغلك 
قعدت حسيبه على اول كرسى وفضلت ټضرب بكف ايديها على رجلها يامورك ياحسيبه الى كنت خاېفه منيه طول عمرى حصول اعمل ايه دلوقيت 
شويه والباب خبط فتح عويس واټرعب لما شاف الحكومه دا بيت جابر الزينى 
قربت حسيبه بسرعه وهى مړعوبه ايوا ..ايوا ياحضرتك الضابط 
الضابط انتى مين ياست انا عايز حد من اهله 
حسيبه انى مارته يابيه 
الضابط البقاء لله جابر اټصاب وهو بيحاول يهرب وماټ فى الحال ياريت حد يبقى يجى يخلص الاجرائات ويستلم جثته
مشى الضابط وحسيبه لسه واقفه مسهمه ومش مستعوبه هو قال ايه فاقت على صوت الخدامه وهى بتصوت وعويس واقف