عيله الدهاشنه

ببرود انا الى عملت ولا ابنك الى راح عرف عليا واحده وعايز يسبنى علشانها 
صفاء الواحده الى بتتكلمى عليها دى هى اصلا حبيبته ولا انتى كدبتى الكدبه وصدقيتها جاسر عمره ماحبك ولا هيحبك ابدا من هنا ورايح تبعدى عنه ومش عايزه اشوف وشك فى حياته تانى انتى سامعه 
ساره بصلتها پحقد ماشى بس هتندمى قوى انتى وهو وبكره تشوفى 
صفاء بصت لاختها الى واقفه مسهمه بقهره انا ندمت خلاص والى كان كان 
ساره قربت من امها شدتها ومشيت صفاء بصتلهم ودموعها نزلت قربت تالا عليها انا اسفه قوى ياطنط انا السبب
صفاء لفت بصتلها مش انتى السبب ياحبيبتى انا الى عملت كل ده بطيبة قلبى وغبائى 
تالا متقوليش كده عمر طيبة القلب ماكنت غباء 
صفاء لما تبقى مع الناس الغلط تبقى غباء 
الدكتور خرج ووقف قصادهم صفاء اتكلمت ابنى ماله يادكتور 
الدكتور واضح انه
اتعرض لضغط عصبى مستحملوش فافقد الوعى هو عنده اى امړاض نفسيه 
تالا لا يادكتور بس هو فاقد الذاكره 
الدكتور بقاله قد ايه وايه السبب 
صفاء عمل حاډثه من حوالى سنتين ومن ساعتها وهو فاقدها 
الدكتور باستغراب سنتين !!! كل الفتره دى والذاكره مرجعش اكيد فى حاجه غلط 
صفاء بصت للارض بحزن كان بياخد علاج غلط علشان كده الفتره طولت 
تالا بصتلها مش فاهمه حاجه الدكتور اتكلم عموما احنا مش هنقدر نقيم الحاله الا لما يفوق هو قدامه حوالى ساعه ويفوق انا هطلبله دكتور مخ واعصاب يتابع معاه عن اذنكم 
مشى الدكتور وتالا قربت منها يعنى ايه كان بياخد علاج غلط ياطنط 
صفاء دموعها نزلت تانى اختى الى المفروض سند ليا كانت بتبدل العلاج هى وبنتها علشان جاسر ميفتكرش حاجه ويسبها
تالا پصدمه كمان مش مكفيها الى عملته فيه 
صفاء بصتلها قوى قصدك ايه هى عملت ايه فيه 
تالا بحزن عليها هى الى اتسببت فى حاډثه جاسر 
صفاء برقت مش قارده تستوعب الى اتقال اتكلمت بتوتر اااقصدك ان هى الى قطعت فرامل العربيه 
تالا بصت للارض وسكتت صفاء كانت هتقع لحقتها تالا طنط مااالك اجبلك دكتور 
صفاء بزهول كانت عايزه ټقتل ابنى علشان رفض يظلمها ويجوزها وهو مابيحبهاش واختى وافقتها اختى الكبيره الى ماليش غيرها فى الدنيا 
ضحكت بصوتها كله ودموعها نازله كملت بقهره دى استحاله تكون انسانه طبيعيه بس العيب مش فيها العيب فى الى سقتها الغل والقسۏه 
تالا بتحاول تهديها طنط اهدى علشان خاطر جاسر كلها شويه ويفوق لو شافك كده ممكن يتعب اكتر بعدين نتكلم فى الموضوع ده
صفاء بصتها انا اسفه يابنتى انا الى بعته عنك بقله حيلتى وضعفى
تالا ابتسمت متقوليش على نفسك كده جاسر طول معرفتنا ببعض كان دايما يحكيلى عنك وعن طيبت قلبك وحنيتك الى زيك مش كتير فى الدنيا ديه ويمكن علشان كده بيتعبوا مع الناس الى بقوا مابيتعملوش الا بالمصالح وعموما رغم كل الى حصل ربنا كتبلنا نتقابل انا وجاسر صدفه ويحبنى من جديد
صفاء حبك كان فى قلبه مش فى عقله والى فى القلب عمره مايتنسى ابدا 
تالا طيب تعالى ياقمر ندخله علشان لما يفوق يلاقينا جنبه 
صفاء قامت معاها وفضلوا قعدين مستنين يفوق
فى لندن كان سليم خلص شغله ونزل يلف فى البلد شويه دخل كافيه يشرب قهوه طلب القهوه وكان قاعد مستنيها بيبص حوليه فجاه عنيه وقفت پصدمه على واحده قاعده بتشرب قهوه وهى سرحانه قام زى المسحور وقرب منها وقف قصادها ونطق اسمها بزهول هنا !!!!!
هنا رفعت عنيها تشوف مين بينادى عليها وقفت پصدمه هى كمان مش معقول انت 
سليم لسه على صډمته اانتى عايشه !!! ازاى 
هنا استغربت كلامه ضحكت باستهزاء دى لعبه جديده جاى تلعبها عليا 
سليم لعبه ايه الى بتتكلمى عنها وازاى انتى لسه عايشه انا قلبت عليكى الدنيا فى لبنان لحد ما صاحب البيت الى كنتى عايشه فيه قالى انك عملتى حاډثه واتوفيتى 
هنا بصتله بقرف ولسه ليك عين تكذب وانت فى السن ده 
سليم اتعصب ااكذب ايه وليه 
هنا بعصبيه علشان تدارى الى عملته فيا وظلمك ليا 
سليم انا ظلمتك انا سافرت اقنع ابويا بجوازنا ولما صمم على رأيه سبت البلد وجتلك وعرفت الخبر
هنا بصتله قوى هى عارفه سليم كويس لو كدب بيبان عليه قعده بزهول وهى بتكلم نفسها بصوت عالى ازاى و الرسايل الى جاتلى من رقمك. والراجل الى جالى لبنان يهددنى انى اسيب البلد ومحولش اتصل بيك كل ده مش انت 
سليم برق انتى بتقولى ايه ورسايل ايه 
هنا بصتله بعد ماسفرت بحوالى اسبوع جالى رساله من رقمك بتقولى فيها انسينى انا هتجوز بنت عمى زى ماابويا كان عايز علشان ورثنا ميرحش بره العيله وانك مش هتقدر تغضب ابوك وفى اخر الرساله كتبتلى انتى طالق حاولت كتير اتصل بيك بس مكنتش بترد عليا 
سليم مصډوم من الى سامعه افتكر ان الوقت الى هى بتقول عليه ده تليفونه اختفى بس مركزش وراح جاب غيره غمض عنيه بۏجع وڠصب عنه دمعه نزلت منه ابويا الله يرحمه ويسامحه عمل لعبه علينا علشان انفذ الى طلبوا منى واتجوز سهيله 
هنا پصدمه وعدم تصديق قصدك ايه!!! 
بعد مارجعت مصر كلمته فى موضوعنا اتعصب عليا وحلف انى لو ماتجوزتش سهيله هيطردنى من البيت والشركه انا رفضت اتجوزها وفضلنا كام يوم على نفس الموضوع وبعد اسبوع كنت رايح الشركه ونسيت التليفون مش فاكر فين قلبت عليه الدنيا ملقتوش روحت جبت واحد تانى وروحت لبابا احاول معاه لاخر مره لان كان صعب عليا اخسره بس هو صمم على موقفه ومكانش قدامى غير انى اسيب كل حاجه واجيلك واول ماوصلت لبنان وعرفت من صاحب البيت انك موتى وانهم دفنوكى كمان كنت حاسس انى ھموت وبقيت زى التايه رجعت مصر وفضلت سنين رافض اتجوز لحد مابويا تعب والدكتور حظرنى ان الزعل ممكن يتسبب فى مۏته اتجوزتها وانا من جوايا مېت 
هنا كانت بتسمع كلامه وهى بتجمع الى بيقوله بالحصل معاها بعد ماجاتلى الرساله بيوم جالى واحد شكله مرعب هددنى انى لو فضلت فى البلد هيقتلنى وقالى انه جاى من طرفك علشان انت خاېف ابوزلك جوازتك خۏفت بس مش عليا على الى كان فى بطنى 
سليم سهم پصدمه جديده انتى بتقولى ايه !! قصدك انك كنتى 
هنا
كملت بدموع حامل فى الشهر الاول كنت مستنيه رجوعك علشان افرحك بس ملحتش بعتلك رساله قولتلك انى حامل رديت وقولتلى روحى شوفى حملتى من مين انا اكيد مش ابوه ساعتها كرهتك وکرهت حياتى كلها سبت البلد وجيت هنا عند ناس قريبنا وعشت باقى حياتى خاېفه ارجع لبنان او انزل مصر لحسن ټقتل بنتى 
سليم بنتى !!! انا ليا بنت منك ياريتك جيتيلى انا عشت طول السنين الى فاتوا وانا مېت من غيرك حاولت احب سهيله بس معرفتش وهى كمان مكنتش بتحبنى 
هنا انا عشت عشرين سنه وانا كل يوم بحاول انسى الى انت عملته فيا وكل لما احن ليك اجرى اجيب التليفون القديم الى عليه الرسايل اقراها علشان اكرهك اكتر 
سليم بصلها بۏجع سنين وعرفتى تكرهينى ياهنا 
هنا سكتت وبصت للارض ودموعها زادت سليم مسك ايديها سامحينى ياهنا انى مقدرتش احميكى سامحينى على بعدى الى كان ڠصب عنى 
هنا بصتله بشوق انا حاولت كتير اكرهك بس معرفتش كنت بټعذب وانا بتخيلك فى واحده غيرى وعايش مبسوط معاها وانا هنا لوحدى انا وبنتى 
سليم بلهفه هى فين عايز اشوفها ودينى عندها 
هنا نزلت مصر 
سليم مصر!! ليه 
هنا انا من صغرها خبيت عليها الحقيقه وفهمتها انك مېت 
سليم غمض عنيه بۏجع وهنا كملت من فتره عرفت الحقيقه لما سمعتنى بتكلم مع واحده صحبتى من زمان كانت عايزانى انزلك مصر واوجهك خصوصا لما عرفت ان مراتك اټوفت واول ماسمعت حاصرتنى بالاسئله لحد ماحكيت لها على كل حاجه ومن ساعتها صممت انها تنزل مصر ليك وتعرف منك عملت كده فيها ليه 
سليم وقف قومى معايا 
هنا استغربت على فين 
سليم هنرجع مصر قعدتك هنا معدش ليها لازمه هترجعى. معايا 
هنا ارجع معاك ليه 
سليم ماتنسيش انك لسه مراتى 
هنا
وقفت انت طلقتنى 
سليم محصلش قولتلك مش انا ومشفتش واحده بتطلق برساله موبيل يالا معايا ننزل نشوف البت فين 
هنا اترددت كتير هى صدقته فى كل كلمه بس لسه موجوعه من جواها سليم حس بترددها هنا فكرى فى البت الى بينا والى عمرى ماشوفتها ادينى فرصه اعوضكم عن كل الى شوفتوه 
هنا هزت راسها باه وراحت معاه تجهز شنطتها
عند بدر كان راجع من الشركه حاسس بتعب دخل لقى مريم بتاكل يونس قعد جنبهم بعد ماسلم عليها وسند دماغه لورا مريم بصتله وشه كان احمر مالك يابدر انت تعبان
بدر رد وهو زى ماهو مش عارف شكلى اخدت برد 
مريم قربت ايدها بتردد تشوف حرارته واه انت سخنان جوى 
جوم ادخل اوضك وانى هچبلك علاچ وكمادات 
اجى يقوم مقدرش قامت نيمت يونس ورجعت سندته لحد الاوضه طلعت على المطبخ جابت مايه برده وخافض حراره ورجعتله لقيته بيترعش حطت عليه كذا بطانيه وقعدت جنبه تعمله فى كمادات بعد ماعطيته الخافض بعد فتره فتح بدر عنيه وهو زى التايه كانت مريم لسه جنبه بتعمل الكمادات بصلها وابتسم رفعت ايدها تشوف الحراره نزلت ولا لا بدر ربنا يخليكى ليا 
مريم سحبت ايدها بتوتر ووقفت قصاده والكلام طلع منها مقطع احمم ال ح ررراه نززلت الحمد
لله اانا راحه اعملك حاجه خفيفه تكولها 
خرجت مريم وبدر فضلت عنيه عليها لحد ماخرجت وغمض عنيه تانى ونام لان كل ده ماكنش حاسس بنفسه هو بيعمل ايه
________________________________________
مريم وقفت فى المطبخ وقلبها عمال يدق جامد اهدى كده يامريم قولتلك قبل كده عادى بدر زى اخوكى وايه ياعنى لما يشكرك على تعبك معاه !! طب انا قلبى بيدق كده ليه انا خاېفه ولا ايه !! لا انا مش خاېفه اومال قلبى بيدق ليه 
سمعت عياط يونس جريت عليه وهى عماله تكلم نفسها ومش فاهمه سبب لدقة قلبها لحد دلوقت
فى المستشفى بعد حوالى ساعتين فاق جاسر كانت تالا جنبه من نحيه وصفاء من النحيه التانيه نايمه على الكرسى غمض عنيه بيحاول يجمع الى حصله ورجع فتح تانى وبص لتالا كانت سانده دماعها على ايده رفع ايده وملس على شعرها قامت بسرعه بصتله بلهفه جاسر حبيبى