نوفيلا بسمه امل البارت التاني
المحتويات
وتأخذ حمام دافئ عله يزيل عنها همومها وحزنها الذي أصاباها من إهمال زوجها لها
علي الجانب الأخر داخل شقة مصطفي عساف تحدثت راوية بنبرة ساخطة علي أمل
_ يدوب إن الهانم إفتكرت إن ليها راجل وبنت ليهم حق عليها بسلامتها جاية تسأل عليكم أخر الليل
أجابها وهو يضع الطعام داخل صحن صغيرته بإهتمام
_ هتسأل علينا إزاي بس يا ماما و هي كانت في المعمل طول اليوم
_ وكان لزمته إية المعمل والتحاليل من أصلة يا أبني ولا هي بعزقت فلوس علي الفاضي هي كل اللي تدوخ لها شوية تجري علي الدكاترة وتعمل تحاليل وإشاعات !
وأكملت بنبرة غاضبة
_ طبعا ليها حق تعمل فيك أكثر من كده طالما شيفاك مدلوق عليها وما بترفضلهاش طلب
وأكملت بضيق وتذمر
زفر مصطفي وتحدث معترض علي حديث زوجته الغير إنساني بالمرة
_ يا راوية إتقي الله وخافي ربنا وإنت بتتكلمي عن الولايا ده بدل ما توصي إبنك وتقولي يخلي باله من مراته ويهتم بيها وهي تعبانه علشان ربنا يكرمة ويكرمك تقومي تقوميه عليها بكلامك الفارغ ده
_ هي مين دي اللي تعبانة يا راجل هو أنت بيخيل عليك كهن الستات ده دي زي القردة وصحتها أحسن مننا كلنا ده دلع بنات ماسخ يا أخويا
تنهد أمير وتحدث معترض علي حديث والدته وهو يتابع نظرات صغيرته التي تتنقلها بين الجميع بترقب وذكاء
_خلاص يا ماما لو سمحتي بلاش كلامك ده قدام البنت وياريت متنسيش إن اللي بتتكلمي عليها دي تبقا مامتها
_ خلاص يا سي أمير هتخرص في بيتي وأسكت ومش هجيب سيرة الكونتيسة أمل علشان ترتاح إنت وأبوك
تنهد بأسي هو ووالده وأكملا طعامها حتي إنتهي العشاء أخذ طفلته وتحرك بسيارته الذي إبتاعها بضمان من
متابعة القراءة
