سكريبت يعني ايه

رأسي عن صدره وهمستله بخفوت
_حمزة أنت كنت متجوز..!
تعابير وشه اتغيرت وعيونه وسعت بإندهاش وكدا أكون عرفت الإجابة على سؤالي أو زيادة تأكيد على المعلومة اللي عرفتها وصدمتني ووجعتني جدا رجع لورا وبص في عيوني بثقة ومأنكرش
_أيوه
_أيوه..!! بالسهولة دي
قام قعد ومسك ايدي بس أنا سحبتها منه ولفيت وشي بعيد بس بصيتله لما سمعته بيقول بهدوء

_رهف أنا معملتش حاجة غلط..و
قاطعته وأنا بقوم من على السرير واتنرفزت وصوتي علا
_طبعا الباشمهندس حمزة مش بيغلط الغلط كل الغلط عليا أنا اللي أكيد الشغل واخدني ومقصرة في حق جوزي مش هو دا السبب اللي بيدور في بالك برده علشانك تبررلي سؤالي وانفعالي..!
قام وقف قصادي ومسح على وشه وقالي بنفس الهدوء
_مين اللي قالك..!!
ضحكت بسخرية مريرة وحسيت إني مخڼوقة وقولتله
_مين اللي قالي..!! دا المهم عندك دلوقتي ومش مهم إنك متجوز عليا صح..
محستش بنفسي غير وأنا بقرب منه وبضرب في صدره جامد وهو واقف مغمض عينيه وسايبني لما انفعالي يهدأ صوتي عياطي علا وصوتي انحسر حسيت إني مش قادرة أتكلم مسكني من ايدي وقعدني على طرف السرير وأنا لسه بعيط زي ما أنا ويمكن أكتر..قعد قدامي على الأرض وحط ايده على رجلي وسأل بجدية
_أمي اللي قالتلك مش كدا.
هزيت رأسي بأيوه وسط دموعي ورفعت رأسي بعدها بفترة وركزت مع عيونه وسألته بحسرة وۏجع قلب
_ليه يا حمزة ليه.. أنا أذيتك في أي علشان تعمل فيا كدا..!!
رفع نفسه وباس رأسي وعيوني وقعد جنبي وقال
_الله يسامحك يا أمي رهف بصيلي يا حبيبتي
قومت وقفت وزقيت ايده وصړخت فيه
_متقوليش يا حبيبتي متلوثش الكلمة أرجوك.
جريت فتحت شنطة هدومي وبدأت أحط هدومي فيها بشكل عشوائي وكل ما أحط الهدوم في الشنطة يقوم مرجعهم تاني مكانهم لحد ما وقفت وصړخت فيه بتعب
_عايز اييييييه
_عايز تهدي وتسمعيني وتفهمي الموضوع تم ازاي وليه
حطيت ايدي على ودني وهزيت رأسي پعنف
_لا مش عايزة أسمع حاجة لا
كملت شنطتي وغيرت هدومي لقيته لابس هدومه هو كمان وشايلي الشنطة وقبل ما أتكلم لقيته بيقول بأمر
_يلا
وقفت مكاني من غير ما أرد لقيته فتح باب الأوضة وقال پغضب بيحاول يتحكم فيه
_هوصلك..مأنا مش هسيبك تمشي لوحدك دلوقتي.!
مكنش عندي طاقة للكلام ولا للمجادلة نزلت معاه فعلا وركبت جمبه بصمت والمشوار طويل كنت باصة ناحية الشباك لحد ما سمعته بيقول
_حبيبي خسارة 
تجبلي المرارة 
تعلى الحرارة 
عاملي صداع
ورغم كل اللي أنا فيه حرفيا التفتت تاني بسرعة للشباك وضحكت بصوت واطي اتنهدت ولقيت نفسي بقول في بالي بۏجع وصدق حبيبي خسارة 
وقف العربية قدام بيت بابا الله يرحمه وخرج شالي الشنطة وطلع قدامي قد إيه إنسان مساعد..وصلت عند باب الشقة وطلعت المفتاح ومديت ايدي أخد منه الشنطة بس تلاشى ايدي تماما ودخل.!! 
رزعت الباب جامد ودخلت وراه لقيته حط الشنطة في الأرض اتكلمت بعصبية
_اتفضل
كان قصدي يتفضل يخرج بس