شيب العذاري الجزء التاسع
المحتويات
ابدا
سلوي ظلماني يا ماما
وانا بريئة من قتل جلال
وكمان معرفش انا حامل من مين
في اللحظة دي
طبطبت ماما عليا
وقالتلي
انا عارفة انك بريئة
وعارفة كمان انك مش بتكدبي
في اللحظة دي
ردت سلوي بعصبية
وقالت..
وايه الي مخليكي متأكدة من برائتها اوي كده
ولا عشان بنتك حبيبتك الدلوعة
يبقي مبتغلطش
فا ردت ماما
وقالت...صدقيني يا سلوي
لان دعاء اختك جتني في الحلم
واكدتلي علي برائتها
وللاسف عرفت من دعاء
اكتر من حقيقة مره
اولهم..
اني عرفت منها
مني اختك
والحقيقة التانية
هي ان شيب العذاري اصاب مني
زي ما اصابها هي وعايدة
والدور الجاي هيبقي عليكي انتي يا سلوي
والغريبة. ان دعاء
كانت جاية و جايبة معاها
دليل مادي جديد علي كلامها
لما ابص علي شعر مني
في اللحظة
بصت سلوي علي شعري فعلا
وبعد ما شافت شعري
لقيتها برقت عنيها
وفضلت متنحالي وهي في منتهي الدهشة
ولقيتها بتبص لماما..
وبتقولها..
يلهوي ..
دا يظهر كلام دعاء طلع حقيقي وبجد يا ماما
في اللحظة دي
سالتهم بتعجب
وقلت...هو في اية
انتوا شايفين ايه في شعري
مخليكم مندهشين اوي كده
شدت امي كام شعراية من شعري الي في نص راسي
وقربتهم من عنيا
وقالتلي...
نصف شعرك بقي ابيض
يعني شيب العذاري اصابك
انتي كمان يا مني
ودا الدليل الي كانت تقصدة دعاء
وطالما دعاء صدقت في المعلومة دي
يبقي دا معناه انها صدقت في اخطر معلومة قالتلهالي
فسالتها بلهفة
وقلتلها...
قولي بسرعة دعاء قالتلك ايه تاني يا ماما
وقالت
دعاء قالتلي..ان الحمل حصل من الكلب الاسود
والكلب الاسود يبقي جوزي
ولو كلام دعاء حقيقي فعلا
يبقي انتي وعايدة
حملتوا من جوز امكم
ومعني كده اننا المره دي لازم ننفذ طلب دعاء الجديد
فسالتها سلوي
وقالت...وايه هو طلب دعاء الجديد
هنقتل الكلب برضوا
فا ردت ماما
وقالت...لا...
دعاء عايزانا نقتل الشخص الي بيتجسد في صورة الكلب
في اللحظة دي
لقيتني بقوم من مكاني وبتوجه لباب الغرفة
واثناء ما كنت برجع للخلف
كنت بحاول اكدب كل الكلام الي سمعتة
وقبل ما اخرج واقفل الباب
رديت علي ماما
بكلمة واحدة
وقلتلها...حاولي تروحي لدكتور نفساني يا ماما
لان حالتك بقت صعبة بجد
وبعدما خرجت من عندهم
روحت علي غرفتي.. وانا بحاول اقنع نفسي
وطلب دعاء الغريب
دا كان بسبب اصاپة امي بمرض نفسي
مش اكتر
ايوه مهو اصل انا لو صدقت ان جوز امي بيتقلب كلب
وان علاج المشكلة دي
هو اننا نقتلة
هبقي انا كمان عايزة اتعالج نفسيا
لا... الكلام الي امي بتقولة مستحيل عقل يتقبلة
لانة واصل لدرجة الهذيان
وانا عقلي رافض لكل الجنان ده
ورجعت فكرت تاني
وقلت...طب مهو برضوا الحمل الي في بطني حصل ازاي ومن مين
وبعدين مهو الكلب الاسود
وانا اغمي عليا ساعتها يعني مكنتش في وعي
ومعرفش ايه الي حصل ليلتها
ورجعت اصارع الافكار العبيطة دي
واقول...لالا
طب ليه منقولش ان عز الدين سليم وهو الي دخل عليا
ليلتها
بدليل انه مقتلنيش ولا حتي ثار عليا من ساعة ما عرف اني حامل
ايوه ايوه ...
اكيد عز الدين هو ابوه الجنين الي في بطني
دا حتي دعاء
متابعة القراءة
