رواية خادمه قلبي

الآداب قسم اللغة التركية افتكر أما كانت بتتخانق مع وليد وهي بتقوله تركي دا وإلا مش تركي
ابتسم على الذكري دي بس كمل بتصميم ايه يخلي واحدة زيها كدا جميلة ومتعلمة تكذب وتزور كدا وكمل بخبث ماشي يا ملك يا انا يا انتي
ملك صحيت من النوم بصت في الساعة هبت من على السرير وقالت ينهار ملحوث انا نمت دا كله زمانهم مشيوا عشان الشغل قبل ما يفطروا بس انا تعبت من شغل امبارح وما صدقت نمت أحسن حاجة أقوم أرجع ملك شوية قبل ما يبجوا
جت تنزل من على السرير لقت نفسها مش عارفه تتحرك بصت وراها لقت الملاية لازقة فيها
بقت تحاول تقوم من على السرير ولكن مش قادره لمت الملاية في اديها وهي بتقول انا مش عارفه ايه الملاية الرخيصة دي مش عارفين يجيبوا حاجة بتستحمل افرض كان عندهم بيبي صغير وحط الشوكولاته على الملاية أو حتي عمل بيبييه الملاية تلزق فيه يلا عوضنا على الله
لمت الملاية في اديها وبمجرت ما حطت رجليها على الأرض صړخت ووقفت على السرير من صوت الفرقعه وهي بتقول حريقة الحقوناي بصت على الأرض ملقتش حاجة
نزلت من على السرير پغضب وهي بتقول لا بقي يا سعادة البيه كنافة بالمنجة انت زودتها أوي والله لانتقم منك بس صبرا عليا انا تعمل فيا كدا هتشوف ملك هتعمل فيك إيه 
جت تخرج من باب الاوضة جردل مليان دقيق وقع عليها ملك صړخت وهي بتقول عاااا دا انت بټنتقم بجد وحقيقي بقي مشيت وهي متعصبة على حمام الاوضة ومن غير ما تاخد بالها جردل ماية وقع عليها
ملك پغضب تعال اعجني واخبز أمي في الفرن وريحني دخلت الحمام پغضب وقفلت الباب وراها جت تفتح حنفية البانيو اتخلعت في اديها
ملك لا دا مستقصدني بقي والله لاردهالك يا سعادة البيه كنافة بالمنجة الكلب
وليد بيضحك وبيقول زمانها دلوقتي محتاسة وبتدعيلي اه والله أصل انا كنت طيب أوي معاها ولسه لما تشوف كمية الأطباق اللي هتخسلها في المطبخ عشان تبقي تتحديني تاني يا سيد قشطه انتي
ملك استحمت وبقت ماشية في الاوضة بحزر جدا وبتتلفت زي الحرامية لحسن يكون حاطط ليها حاجة تاني دخلت المطبخ واټصدمت من كمية المواعين
قالت پغضب ولييييييد ماشي أنا وانت والزمن طويل وثقلا ما تبدأ تغسلهم لمحت حاجة على الرخامة فضحكت بخبث وقالت دا اڼتقام ربنا جاي بدري بدري اهو
خادمة قلبي ٨
ملك بقت واقفة تغسل المواعين وهي بتغني بصوتها يا دنيا طفيتي شمعتي 
يا ناس كترتوا دمعتي 
اه والله كتروا دموعي الغالية وخصوصا سعادة البيه كنافة بالمنجة دا دا انت هتشوف ليله النهارده ولا ألف ليلة وليلة عشان تبقي تتحداني تاني
و كملت وهي بتفتكر كل المواقف اللي حصلت وشغلها خدامة دمعة نزلت منها وهي بتقول 
انا مش عارفنى
انا كنت منى
انا مش انا
لا دى ملامحى
ولا شكلى شكلى
ولا ده انا
ملك والله مش انا أهي اهي شيلت الهم بدري والله انتي قلبتيها غم كدا ليه يا ملك اغني حاجة بقي رومانتيكي
ملك ماسكة السفنجة والطبق وغنت بصوت جميل وهي سرحانة بس اديها شغالة 
في جوه قلبي حاجة مستخبيه كل اما أجي أقولها مش بقدر قدام عنيك بقف وانسي ايه يتقال
اذكروا الله
مالك وصل البيت ودخل يتسحب سمع صوت جميل بيغني وبيقول حبييييتك يوم ما اتلقينا لما حكينا أول كلام حبييييتك واحلف على ده تسمع زيادة
ده انا مش بنام
مالك أول ما سمعها بتقول كدا قلبه دق وكل ما بتغني قلبه بيدق زيادة رجله خديته وعلى المطبخ بقي يمشي بشويش وسرحان في صوتها
ملك واقفة ملخومة في الغني ومش حاسة بحاجة ولكنها بتغني بإحساس عالي جدا لدرجة إنها سابت الطبق اللي في اديها وبقت تغني وهي بتلف ومغمضة عنيها
مالك شافها وعنيه لمعت أول ما شافها اټصدم من جمالها الطبيعي مش اللي مخبياه ورا الميكب شعرها الناعم اللي بيدور معاها
حاول يجر رجليه لبرا بس مش قادر عاوز يخليه باصص ليها كدا وكأن الوقت وقف على اللحظة دي
حس إنها خلاص هتفتح فبسرعة خرج بره الشقة وحط ايده على قلبه وهو بيقول بتدق ليه دلوقتي استحالة دا يحصل دي خدعتني وزورت هويتها غير كدا مينفعش أنا أخدت قرار إني مدخلش حد حياتي ابدا كفاية عليا أخواتي
مالك حاول يقنع نفسه بالكلام دا ونزل جري رجع الشركة
اذكروا الله
ملك ضحكت بابتسامة هادية حالمة وهي بتقول انتي بقي يجي فارسي على حصانه الابيض ويخطفني وراه
بصت على المواعين بحسره وقالت ماشي يا سعادة البيه كنافة بالمنجة صبراك عليا أوي يعني الحساب بيتقل
بصت في الساعة وجريت على اوضيتها وهي بتقول يلهوي زمانهم راجعين 
خلصت الميكب ولبست لبسها وهي بتحط اللينسيز جتلها فكره وابتسمت بخبث وقالت طب والله فكره واهو اربيهم كلهم من أول وجديد بقي عاملين فيها رجال أعمال صبرا
و قامت خرجت نص ساعة ورجعت بكيسة سمرا في اديها
ملك استعنا على الشقا بالله ويا رب قدرني على فعل الخير وميقتولونيش بعد ما يعرفوا
ملك خلصت الأطباق والغدا وبدأت تحط الأطباء على السفرة
جه حازم وهو بيقول اذيك يا جميلة عامله ايه النهارده
ملك بخير يا سعادة البيه كريم شانتيه وبصت ل وليد بخبث وقالت يسلم لسانك اللي بينقط شهد 
مالك جه بص عليهم بغيرة خفيفه قال نسكت بقي ونتفضل ناكل وانتي يا جميلة يلا كلي تعبتي النهارده انتي وبص ل وليد نظره فهمها
حازم إلا قوليلي يا جميلة ايه الأكل دا رحته حلوه أوي
ملك بخبث دي أكلة تركية جبتها من على الانترنت يا سعادة البيه كريم شانتيه دوق هتعجبك أوي
حازم بدأ يأكل هو ومالك ووليد
حازم طعمها غريب بس جميلة تدخل على القلب كدا
وليد شوف يا شيخه ربنا يديم عدم القبول بينا بس الأكل طعموا حلو مش خسارة فيكي المجاملة
ملك بسخرية مجاملة طيب يا سعادة البيه كنافة بالمنجة كمل أكل كدا وسم الله
مالك بهيام خفيف الأكل جميل زيك يا جميلة
ملك بكسوف إن شالله تسلم يا سعادة البيه الحليوة دا من خيرك برضوا
بعد ما خلصوا اكل وحرفيا مسحوا الأطباق
حازم هي الأكلة دي إسمها أية يا جميلة دي حلوه أوي ابقي اعمليها كل يوم 
ملك عنيا ليك يا سعادة البيه كريم شانتيه هعملكم كوارع كل يوم 
وليد كان بيشرب تف الماية على مالك اللي مسح وشه وبصله پغضب
وليد پصدمة اييه انتي بتقولي ايه لا مستحيل
ملك وهي بتاكل حتت خيار وايه بقي اللي هيخليه مستحيل يا سعادة البيه كنافة بالمنجة دا انت بذات نفسك قولت عليها جميلة تبقي جميلة مالها الكوارع افهم بس 
حازم حط ايده على بوقه وجري على الحمام وهو بيقول منك لله يا شيخة انتي ناوية تموتيني يوما ما 
ملك قامت وراه وهي بتقول بعيد الشړ عليك يا سعادة البيه كريم شانتيه متقولش على نفسك كدا يا أخويا دا أنت الخير والبركة طب مين يجبلي اندومي من بعدك 
وليد بقي انا وليد المليجي رجل الأعمال المعروف اللي محدش قدر يجبرني على حاجه تيجي واحدة زيك تعمل فيا كدا طب طلاق تلاتة ما انا سايبك
ملك جريت استخب ورا مالك ومسكت
في هدومة وهي بتقول الحقني يا سعادة البيه الحليوة اخوك اتهبل على الأخر وبعدين بصت على وليد من وراه مالك وحطت اديها في وسطها وقالت مالها الكوارع يعني مش نعمة ربنا دي وبعدين انتوا المفروض تقولولي تشلبوا ليكي
مالك في دنيا تانية وسرحان في حكاتها وقلبه بيدق عاوز يخودها في مستغرب الإحساس دا أوي أول مرة تحصله الحالة دي 
حازم خارج من الحمام يعني ايه تشلبوا دي يا جميلة حرام عليك يا شيخة قلبتي معدتي طب كنتي سبيني على عمايا
ملك وقفت جمب مالك وهي بتقول تشلبوا يا سعادة البيه كريم شانتيه يا جاهل باللغة الأجنبية يعني شكرا بالفنرنصاوي
وليد تشلبوا وفرنصاوي طب تعالي بقي بالاريل اللي انتي فرحانة بيه دا انا تاكليني كوارع ليه بشحت منك خدي تعاليلي بقي دا انا هخلي الألوان اللي انتي حطاها في وشك دي طبيعي ولسه جاي نحيتها ملك استخبت ورا مالك وحازم مسك وليد
ملك مالك بس يا سعادة البيه كنافة بالمنجة هو كان حد داسلك على طرف دا انت حتي نازل تجريح فيا وفي الفرنصاوي بتاعي ومحدش قالك تلت التلاته كام حتي
وليد وانتي مسميه دا فرنساوي يختي اتوكسي اتكلمي عربي صح الأول كتك نيلة بقي تاكلينا كلنا كوارع مهو العيب مش عليكي العيب على البهايم اللي بتاكل
ملك بفرحة وضحك والله بقي كل واحد عارف نفسة وكويس انك عرفتي عشان ابقي اتوصي بيكم شوية المره الجايه
مالك خلاص بقي انتوا الاتنين ايه متعرفوش تقعدوا هادين شوية
وليد يعني أنت عاجبك اللي هي عملته دا
مالك بصلها لقاها بتبصله ببراءة كانها طفلة مستنية العقاپ
مالك بهيام الصراحة عاجبني أوي
ملك صړخت بفرحة وقالت وهي مطلعة لسانها ل وليد كيدا العزال انا من يومي
حازم پصدمة مالك انت جرالك ايه انت الوحيد اللي كنت متوقع منه يعلقها مش يكرشها بس 
وليد پصدمة أكبر لا مهو انت شكلك اتهبلت أوي انا داخل اتخمد
ملك استني يا سعادة البيه كنافة بالمنجة مين اللي هيشيل طبقك بس 
مسمعتش رد غير قفلت الباب في وشهم
ملك هشيله انا وأمري لله وكملت في سرها البس بقي يا معلم عشان تبقي تتحداني أوي ھموت واعرف دخلت الاوضة إزاي 
اذكروا الله
وليد رايح جاي في الاوضة ومتعصب جدا مسك كوباية الماية وشربها كلها وقال انا أحسن حاجة أنام بدل ما أطبق في زمارة رقبتها
في نص الليل
وليد صحي وهو بيقول ااااااه
خادمة قلبي ٩
في نص الليل
وليد صحي وهو بيقول ااااااه 
و قام جري على الحمام اللي في اوضته
أول ما خرج شتم ملك في سره وقال أكيد من الكوارع بتاع الهانم
نام تاني مكملش ربع ساعة وصحي جري على الحمام
وليد مش شغلانة هي بقي 
اذكروا الله
ملك قاعدة في اوضيتها بتضحك جامد على وليد اللي كل شويه يفتح النور ويطفيه وقالت ولسه انت شوفت حاجة دا انا متوصية بيك في بودره الصراصير يا سعادة البيه كنافة بالمنجة والله يا وليد بحق بهدله اليوم لتوصي بيك صبرك عليا بس
و نامت على السرير وهي فرحانة بانجازها الصغير اللي عملته وانتقامها من وليد 
اذكروا الله
وليد طول الليل في الحمام فين وفين على ما معدته هديت
وليد بقي انا تعملي فيا كدا يا سيد قشطة صبرك عليا يا معفنة انتي قال جميلة قال صبرك عليا هخلصه على
جتتك ونام من كتر التعب 
اذكر الله
تاني يوم