رواية چرح الحياة لكاتبتها رنا سليمان
المحتويات
_اللي بيني وبينك عمره ما كان حب انا عمري ما حبيتك ولا هفكر في يوم اني احب مريضة بتتعالج عندي انتي اللي وهمتي نفسك بشيء عمره ما هيحصل لان اللي بيني وبينك علاقة دكتور بمريضة عنده لا اكتر ولا اقل
_وهمت نفسي!.انا كنت فاكرة انك بتحبني من تصرفاتك
_تبقي غلطانة يا هاجرانا كل اللي عملته معاكي كان مجرد علاج علشان تخرجي من الحالة اللي انتي فيها لكن انا عمري ما حبيتك ولا هيجي يوم واحبك فيه مكنتش فاكر ان دا ممكن يحصل في يوم انا اسف
_مكنتش متخيل انك ممكن تحبيني في يوم يا هاجر انا معملتش حاجة تخليكي تحبيني انا كل اللي عملته اني كنت بحاول اعالجك وبس
_وانت فاكر انك كدة عالجتني تبقي غلطان انت بعد اللي عملته دا رجعتني لنقطة الصفر من تاني اللي انت عملته معايا دا اكدلي ان كلكم واحد واني كنت غلطانة لما فكرت في يوم ان احب تاني واثق في حد تاني انا حقيقي كرهتك وکرهت اليوم اللي حبيتك فيه شكرا لانك خلتني افقد الثقة في كل اللي حواليا تاني يا دكتور ادم..اوعدك انك مش هتشوف وشي تاني واني هنسي في يوم اني عرفت واحد اناني زيك
دخلت الاوضة بتاعتها .بصيت عليها من بعيد وهي قاعدة بتكلم نفسها وبتعيط..قربت منها وبدات اتكلم
_صباح الخير يا هاجر
سكتت وبصاتلي پخوف وبعدت عني
_انتي مش عايزه تعرفي انا مين
هزيت رأسها پخوف ب لا وبدات ټعيط سحبت كرسي وقعدت علي الكرسي ال قدام سريرها
_ممكن تهدي علشان نقدر نتكلم..احب اعرفك بنفسي انا دكتور ادم الدكتور بتاعك الجديد
اية رايك!
فضلت باصه عليا شويه وبعدين اديتني ضهرها ونامت اتنهدت وفضلت باصص عليها .يمكن اكون من اشطر الدكاتره ال نفسين في مصر ودا بشهادة معظم الدكاترة كل ال بيجولي بقدر اعاجهم ودا كان السبب ال خلي دكتور رأفت دكتوري في الجامعة يكلمني و يطلب مني اني اجي واعالج مريضه عنده في المستشفى بقالها خمس سنين في المستشفى وكل الدكاتره فشلوا انهم يعالجوها وافقت علي طلب دكتور رافت وروحت علشان احاول ابدا معاها في العلاج واحاول اخرجها من حالة الصمت اللي هي فيه دا. عدا تلات شهور وانا بحاول اتكلم معاها واخليها تكلمني او ترد عليا بس مفيش فايده كانت طول الوقت باصه للسقف وساكته مش بتتكلم ساعات كنت افضل باصص عليها وافكر في اللي حصلها واللي وصلها للحالة دي .كان نفسي اعرف اي ال خلاها توصل للحالة دي
_بس يا ستي ومن ساعتها وانا هو صحاب و
اتكلمت وهي باصه للسقف
_متتعبش نفسك يا دكتور
_ايه دا انتي بتتكلمي زينا كدة ..اومال بقالك تلات شهور ساكتة ليه
_بلاش تتضيع وقتك معايا يا دكتور لان كل محاولاتك هتفشل زي اللي قبلك
_بس انا مش متعود اني افشل في أي حاجة عايز احققها
_يبقي هتجرب احساس الفشل دا معايا ل اول مرة
_ال يسمعك دلوقتي ما يسمعكيش اول ما شوفتك وانتي عماله تقولي انا مش مجنونه انا مش مجنونه
_مانا فعلا مش مجنونه بس مش عايزه اتعالج
_ودا ازاي يعني يعني ايه مش مجنونه ومش عايزة تتعالجي
_معني اني اتعالج اني هخرج من هنا للمجانين الحقيقين ال برا
كل ال برا المصحه دول مجانين بدون استثناء مجانين وكذابين ومنافقين انا وجودي هنا ارحم بكتير من خروجي واني ارجع اقابلهم
ف علشان كده بقولك يا
متابعة القراءة
