رواية چرح الحياة لكاتبتها رنا سليمان
اسال نفسي اشمعنا انا!.اشمعنا انا مش زيهم .اشمعنا انا اللي ابويا سابني ومفضلش معايا وعيشنا مع بعض اللحظات الحلوة دياشمعنا انا اللي مليش ذكريات مع ابويا وامي افتكرها لما اكبر واتبسط بيها وافتكر ان اية احنا كنا عيلة بتحب بعض ومبسوطين..لية انا اللي من وسط كل الاطفال دي ابويا يسبني وامي تتجوز غيره وكل واحد يعيش حياته وينسوني لية محدش فيهم حبني ولا فكر في يوم يسال فيا كنت دايما اسال نفسي انا فيا اي وحش علشان يحصل فيا منكم او حتي لما حبيت شخص وقولت اكيد دا اللي هيعوضني عن اللي شوفته رفضني هو كمان ودلوقتي علي بيرفضني وعايز اننا نطلق علشان شايف اني انانية..انانية علشان مش قادرة اسامح وانسي اللي فات! هو مش حاسس ب اللي مريت بيه علشان كدة بيقول اني انانية بس الحقيقة مش كدة بس انا معنديش استعداد اني اشرح لحد وجهة نظري لحاجة..مبقتش عايزة اشرح لحد انا حاسة ب اية وانا بعمل اية حتي لو كان علي لان محدش هيفهمني زيه
_علي بيحبك يا هاجرحتي لو قال كلام يضايقك ف دا علشان بيحبك وخاېف عليكي
_خايف عليا من اية!
هزيت راسي ب ماشي سحبت ايدي من ايده ومسكت شنطتي قومت ومشيت من غير ما اقول اي حاجة او اسمع منه اي كلام تانيملقتش حد تاني اروح ليه غيره ..كنت محتاجة اني اتكلم معاه كنت حاسة نفسي تايهه وقولت يمكن هو يساعدني خرجت من عنده بعد ما حسيت اني ارتاحت شوية..يمكن قدرت اقول اللي كان نفسي اقوله واللي ممكن يكون السبب في اني اسامحه فضلت ماشية في الشارع مش عارفة ارجع البيت دلوقتي ولا ولو رجعت هنتكلم انا وهو في اية اصلا فضلت ماشية ومش عارفة اعمل اية
_جاهزة!
_لا يا كرم انا خاېفه
_تحبي نأجل الموضوع ليوم تاني
_لو فضلنا ناجله يبقي مش هنروح اصلا يا كرم انا مش عايزة اروح واسال عمو كلامها دا
_عارف يا فرح بس مينفعش بردو انك تفضلي خاېفة ومتوجهيش الحقيقة لازم تكوني اقوي من كدة وتروحي وتسالي عمك اذا كان كلام عايدة هانم صح ولا لا..وانا هاجي معاكي ومش هسيبك يلا بقي يا فرح
_انت مش هتيجي معايا
_هستناكي هنا احسنمش هينفع ادخل لازم تتكلمي مع عمك وعيلته لوحدكم
_بس انا محتاجة انك تبقي معايا يا كرم
بصتله وفضلت ساكتة نزلت من العربية وفضلت باصة للبيتبدات اقرب من البيت وانا خاېفة وقلبي بيدق جامد بدات اطلع علي السلم لحد ما وصلت للشقة خبطت علي الباب واستنيت لحد ما الباب اتفتح..اول ما شافتني بصيت الناحية التانية وفضلت ساكتة
_ليكي عين تيجي لحد هنا بعد ما طردتينا
_انا جاية علشان اتكلم مع عمو في موضوع مهم يا ميار ويمكن يغير حاجات كتير اوي
_موضوع اية دا يا فرح هانم اللي جاية تتكلمي مع بابا فيه
_مين علي الباب يا ميار فرح!
_ازيك يا عمو انا كنت جاية علشان اتكلم مع حضرتك في موضوع ..ممكن ادخل علشان نتكلم
_اتفضلي يا فرح
_تتفضل فين يا بابا..انت نسيت هي عملت فينا
