اسكريبت

الجزء الأول 🌹
الحاج حلمى...يا بنتى ده رابع عريس ترفضيه ، وبعدين معاكِ ،أنتِ بتكبرى ولو فضلتى ترفضى كده ، محدش هيبص فى خلقتك  بعد كده .
ومش عارف صراحة بترفضى ليه ؟ ده كل عريس رفضتيه كان أحسن من اللى قبله وأخلاق ودين .
فرحة پبكاء...معلش يا بابا مش مرتاحة .
الحاجة كريمة....خلاص يا حج ده نصيب ،ماتغصبش على البنت وتزعلها .
الحاج حلمى...أنا خاېف عليها يا حاجة ،العمر يعدى ولا يحصلى حاجة وملحقش أفرح بيها.
فرحة بحزن...متقلقش كده يا بابا يا حبيبى ، ربنا يبارك فى عمرك .
الحاج حلمى...بس أفهم مش مرتاحة ليه ؟

فرحة بتلعثم وهى تنظر لأختها التى تفهمها ...مفيش بحس أن قلبى بيتقبض كده لما بشوفه فبرفض .
وسبتهم فرحة ودخلت على اوضتها والدموع فى عينيها .

سارة بمداعبة...سيبك منها يا حاج ، وأنا أهو عندك نفسى مفتوحة للجواز ، فشوفلى عريس نقاوة كده على ذوقك .
الحاجة كريمة...أختشى يا بت ، أنتِ لسه صغيرة ولما نجوز اختك الكبيرة الأول .
الحاج حلمى بضحك ...سبيها يا حاجة ،البت سارة دى مهونة عليه عمايل بتك فرحة ، ياريتها كانت فريش وډمها خفيف كده زيها ، بدل مهى مقفلة ديما على نفسها ووشها حزين وحاسس إنها مخبية حاجة بس مش عارف هى إيه ؟

قوليلى يا سارة أنا عارف إنها مش بتخبى حاجة عليكى ؟
سارة بتلعثم...انااااااا لا لا معرفش حاجة يا حاج ، بريئة يا بيه 
فيضحك الحاج حلمى وتبوسه سارة من خده وتدخل لأختها ( فرحة) 
تلاقيها بتبكى على مخدتها .
سارة بحزن...وبعدهالك يا فرحة ، أنا مش عرفة إزاى ابوكى يسميكى فرحة ، كان مفروض يسميكى أكتئاب والله .
فرحة...أنتِ شكلك فايقة وأنا مش نقصاكى ، وسبينى لوحدى.
سارة...لا مش هسيبك يا فروحتى حبيبتى، بس اللى  بتعمليه ده ملهوش فايدة ، بتبكى على شخص مش حاسس بيكِ ولا بيحبك زى ماأنتى بتحبيه .
فرحة بحزن ممزوج بالألم ...نصيبى ،وياريت أقدر أشيله من قلبى بس مش قادرة .
سارة...إستعينى بالله يا فرحة وأدعى وقولى يارب ميملكش قلبى غير زوجى وأكتب ليه الخير وأصرف عنى كل شړ ولو ليكم نصيب ربنا هيجمعكوا مع بعض.
فرحة...نصيب إزاى ماأنتى عارفة  إنه خاطب طالبة عنده فى الجامعة وكان بينهم قصة حب كمان .
سارة..مش عارفة أقلك إيه ؟ بس أنتِ كمان فكرى فى مستقبلك وأقبلى العريس ال بيقول عليه بابا يمكن تحبيه وتنسى عمر ده خالص .
سارة بدموع...لا مقدرش أظلم إنسان معايا وقلبى مع واحد تانى .
هدعى الأول ربنا يخرجه من قلبى ، قبل مافكر أرتبط بإنسان تانى.
سارة.... وساعتها هتكونى عجزتى وبقيتى كركوبة وتقضوا شهر العسل فى دار المسنّين .
فرحة.. كده طيب .إمشى من قدامى السعادى ، أنا مش نقصاكى.
سارة....معلش يا فروحتى ماأنا قلبى عليكى وخاېفة فعلا تكونى بتمشى ورا سراب وهو يحب ويتجوز ويتهنى وانتِ العمر يجرى وأنتِ لسه على المخدة بتبكى عليه  .
فرحة ...أعمل إيه نصيبى .
سارة.. نصيبك فى الخير يا قلب أختك ، فكرى بس فل العريس اللى بابا جيبه ، انا شفت صورته مز كده ويتحب .
فرحة..مز إيه بس ، فين غض البصر اللى اتفقنا عليه ، ده انا بالرغم من إنى بحب عمر بس مبقدرش أرفع عينى فى عنيه .
سارة...ماياريت كنت بترفعى يا أختى ،يمكن كنتِ غيرتى رأئيك فيه ، هو عادى يعنى ومش عرفة بتحبيه على إيه ؟ 
فرحة...أنا اخر حاجة تهمنى الشكل ، المهم الأخلاق والدين ،وعمر ماشاءالله عليه الكل بيحلف بأخلاقه ومحافظ على صلاة الجماعة فى المسجد وأسمع إنه بدء فى حفظ القرآن كمان ، ربنا يعينه ويثبته. 
سارة...امين يا أختى .
فرحة...أنتِ شوفتى البنت خطيبته ، حلوة ؟
سارة بتلعثم..أهى حاجة كده مليانة ميكب أب وياعالم لما تغسل وشها هيبقى شكلها إزاى ؟
فرحة...بس يا سارة متكلميش كده على الناس عشان متخديش ذنب .
سارة...بدافعى عنها وهى خدته منك ؟
فرحة...لا أنا بدافع عن شرع الله ، اللى أمرنا نمسك لسنا على القيل والقال .
سارة...ربنا يفرحك قلبك يا فروحتى ، بس برده فكرى فى العريس .
فرحة...برده ، طيب يعنى هو بجانب شكله عنده إيه مميزات تانى .
سارة...لا كده فيه تطور ، بدال قلتى مميزات ، يعنى فيه أمل ,ربنا يكملك بعقلك يا فرحة ، أيوه كده سيبك من الحب والأفلام الهندى دى ،موضة قديمة ، أهم حاجة يا أختى تنسترى مع راجل جيبه مليان .
فرحة...أنا مش عارفة يا بنت أنتِ بتفكرى إزاى ؟
سارة...بفكر بطريقة عملية مش زيك خيبة ، هيفيد إيه الحب مع راجل كحيان ،هيفطرك ويغديكى ويعشيكى حب ،ساعتها هتكرهى نفسك وتنسى الحب ده مع الجوع.
فرحة...بصى هو أصلا ماينفعش واحد ميملكش النفقة على أهل بيته يتجوز فلازم على الأقل يقدر على النفقات الضرورية اللى يقدر يعيش بيها .
بس مش لازم يعنى يكون عنده كل حاجة لأن دى طبيعة البشر فى التفاوت .
سارة...ياختى ربنا يكملك بعقلك ، وأظن العريس حسب ماسمعت طراطيش كلام من بابا ، إنه مدرس وعنده شقة مجهزها واسمه عامر .
فرحة...وبيصلى وبيحفظ قرآن 
سارة..لا معرفش دى ،لما يجى أسئليه .
فرحة بحزن...مش عةرفة قلبى مش جايبنى ارتبط بإنسان وأفكر فى إنسان تانى.
سارة...رجعنا تانى النغمة دى، مش يمكن هو ده اللى ينسيكى سى عمر بتاعك ويخليكى تحبيه .
فرحة...مش عارفة .
سارة...لا هتعرفى ، وأنا هطلع أقول لبابا إنك موافقة تشوفيهك ، أنا لسه ماقررتش 
سارة ...لا قررتى وموافقة كمان .
فرحة...مچنونة .
.............
عامر......ألوووو يا حاج حلمى ، مش بترد ليه عليه ، العروسة تقلانة علينا أووووى .
الحاج حلمى...والله يا ابنى مش عارف أقلك إيه ؟ أصبر يومين كده ،يمكن أقدر أثر عليها .
عامر...هو أنا وحش كده أوووى عشان ترفضنى؟
الحاج حلمى....لا يا ابنى ، أنت زينة الشباب ،بس هى ال طالع عليها مش عايزة أجوز ، فاصبر كده وان شاءالله خير.
عامر....ياريت يا عمى، أنا فعلا معجب بيها ونفسى تبقى حلالى.
الحاج حلمى...ربنا يقدم ال فيه الخير.
....
عدلات( أم العريس عامر ) ..مالك مدلوق كده عليهم ، متتقل حبتين ، عشان ميشفوش نفسهم عليك ويتعبوك فى طلباتهم.
عامر...أعمل إيه بس ...بحبها .
عدلات....يا واد أنا قلبى عليك ، الست لما تحس إن الراجل مدلوق عليها بتركبه .
عامر....طيب أعمل إيه ؟
عدلات....متتصلش بيهم تانى ، وأستنى هما ال يكلموك ، التقل صنعة .
عامر...ماشى كلامك يا ست الكل .
*************
والدة عمر .....إيه يا حبيبى ، قاعد سرحان فى إيه ؟ أكيد فى نوران خطيبتك .
عمر مبتسماً....بتحرجينى يا ست الكل.
والدة عمر....ياابنى أنا رضيت بيها علشان مااكسرش قلبك وأهم حاجة أشوفك فرحان ، بس أنا كان نفسى ومنى عينى تاخد بنت خالتك ( فرحة ) 
عمر....تانى يا ماما ، الموضوع ده ، أنا مش عارف ليه كل ام عايزة تجوز إبنها بنت اختها ، وكل اب عايز يجوز إبنه بنت عمه ، الجواز لازم يكون رضى من الطرفين ، وأنا بالنسبالى فرحة أخت وعمرى ماحسيت بحاجة أكبر من كده من ناحيتها .
والدة عمر....خسارة ياابنى ، دى أخلاق ودين وجمال كمان مش علشان بنت أختى بس .
عمر شاردا فى نوران....فعلا ياريت نوران كانت فى أخلاقها ودينها بس أعمل إيه بحبها وأهو بتسمع الكلام لما بقلها تغير من طريقة لبسها الضيق ده وتخفف الميكب شوية وتعدل الطرحة بدل مانص شعرها بيكون باين ، ربنا يهديها .
والدة عمر....لا أنت مش معايا خالص ، ماشى يا ضنايا بدال نوران اللى هتقدر تسعدك، أنا مش هجيب سيرة فرحة تانى .
والدة عمر محدثة نفسها....ياعينى عليكِ يا فرحة، أنا عارفة من وأنتِ صغيرة ميالة لـ عمر ، بس القلب وما يريد ، وأنا مش هقدر أقله كده ، عشان ماصغركيش قدامه ، وربنا يسعدك بالأحسن يا بنتى .
،،،،، يتبع 
يارب يكون الفصل عجبكم 
وعايزة توقعاتكم 
فرحة فعلا هتقدر تحب العريس ( عامر ) وتنسى عمر .
عمر هيقدر يستمر مع نوران ويتغاضى عن حاجات كتير مقابل حبه ليها ؟ 
ان شاءالله هتعرف فى الفصول القادمة أنتظرونى
أم فاطمة 💖
الجزء الثانى من فرحة عمرى 
🌹🌹🌹🌹
سارة...بابا بابا  بابا 
والدة فرحة...مالك يا بنتى مصروعة كده ليه ، فيه إيه؟ بتنادى بابا بابا ،حصل إيه ؟
سارة...ماهو لو قلتلك مش هتصدقينى ، فأنا عايزة الرأس الكبيرة الأول ، أقوله وهو يفهمك .
والدة فرحة...ايوه ماأنتى من يومك بنت ابوكى ، ماشى ،اهو عندك جوه روحيله .
سارة...ماتقوليش كده يا ست الكل ، ده أنتِ الخير والبركة .
طب عيزانى أقلك راعينى 😉
الحاجة كريمة...إيه بت راعينى دى يعنى إيه ، ماتتكلمى عدل بدل ماأنتى بقيتى تكلمى شبه بتوع التكاتك كده.
سارة بضحك...راعينى يعنى روقينى كده بعشرناية من إيدك الحلوة .
الحاجة كريمة....أنتِ يا بنتى هتنطقى بالذوق ولا أنتِ عرفانى لما أقلب  ، قال عشرناية قال .
سارة...خلاص خلاص هقول ، الطيب أحسن يا ست الكل ، عقدة فرحة أتحلت وهتقبل بالعريس اللى أسمه إيه ده مروان .
الحاجة كريمة بفرحة تزغرط...يا ماأنت كريم يارب ، بجد والله ، اوعى تكون بتناغشينا زى عوايدك .
سارة...لا والله بجد ، ادخل بقا للحج يمكن ينولنى هو الحلاوة .
ويخرج الحاج حلمى على صوتهم ويعرف الخبر فيسجد لله شكر على فرحته بإبنته ثم قام بالإتصال على عامر ليحدد معه يوم لأستقباله فى المنزل ففرح الأخير وأسرع لإخبار والدته ( عديلة ) 
عامر بسعادة....يا أمى يا ست الكل .
عديلة...نعم يا حبيبى ، خير شكلك فرحان .
عامر...آه يا أمى ، أخيرا فرحة بنت الحاج حلمى وافقت أتقدملها .
عديلة ... مبروك يا ابنى مقدما ، بس أنت يعنى معاك فلوس ، ده أنت حطيت اللى وراك واللى قدامك فى الشقة وتجهيزها .
عامر ...أيوه ، طب والعمل ، أكيد عايزين شبكة وفرح وخلافه. 
عديلة ..ومواسم وهدايا المحروسة وهيصة يا ضنايا .
عامر .. ايوون ، بس أعمل إيه أنا معجب بيها من فترة ومش عايز تروح منى ، هو ماينفعش جوازة من غير المصاريف دى كلها .
عديلة...أنا عندى حل للشبكة وكمان أمان عشان لو محصلش نصيب يبقى مخسرناش حاجة .
عامر...ألحقينى بيه يا ست الكل !
عديلة ..هظبط مع الجوهراجى الل  نعرفه ، ولما تروح المحروسة خطيبتك تنقى حاجة ، هدفع أنا تمنها ولما هما يتكلوا على الله يمشوا هرجع تانى ليه أدهاله ويعملها هو شبهها دهب صينى ، ولا من شاف ولا مين درى ، وفلوسى ترجع لجيبى.
عامر...يااااه ،ده أنتِ طلعتى دماغ يا ست الكل .
طيب والفستان والكوافير وكده .
عديلة  ...الفستان نأجره من العتبة  برخص التراب ،والكوافير هبعتلها جارتنا أم فهمى بتعرف بتفهم هى فى الاحمر والأخضر وتصفرها شعرها كمان .
عامر...لا كده فل الفل ،ماتحرمش من دماغك العالية دى .
عديلة....أيوه يا ضنايا...وكمان متخرجهاش فى الخطوبة .
عامر...ليه ده انا مستنى اليوم ده بفارغ الصبر .
عديلة...ماهو الخروج عايز مصاريف ،إيشى عصير وإيشى ترمس ولا كوز درة .
عامر...ايوه عندك حق ، طيب ماهو لو مجبتش هتقول عليه بخيل .
عديلة...لا بخيل إيه ، ده كلام برده .
أقلك أنا تعمل إيه 
عامر...قولى يا ست الكل
عديلة...أنت تروح عندهم وتقعد براحتك وتتأنس كمان ومنها بالمرة يغدوك ولا يعشوك وإيشى حلو كمان وعصير .
عامر...الله عليكِ يا ست الكل هو ده الكلام 😂
كل كلامك حكم والله ،مش عارف من غيرك كنت عملت إيه ؟ ربنا يخليكِ ليه .
عديلة بأبتسامة مكر...تعيش يا ابن بطنى وتتهنى .
**********
ريتال ونوران فى الجامعة.
ريتال....وبعدين معاكِ يا نورا ،شيلى عنيكى من عليه بقا ، دكتور عمر ممكن يدخل فى اى وقت وياخد باله .
نوران بحزن...مش قادرة يا ريتال ، بحبه .
ريتال متعجبة...بتحبيه ؟ امال أتخطبتى لـ عمر ليه ؟
نوران....كنت بفتكر لما يشوفنى معاه هيحس بيه أو يغير ويجى يتكلم لكن مفيش فايدة ولا على باله وعجباه البنت المقشفة اللى معاه دى , معرفش ليه ؟
ريتال ....البنت المقشفة اللى مش عجباكى دى قعدة على تل فلوس وأبوها مليونير ، وأظن شريف لعبها صح وهو مش بيحبها ولا حاجة أو راسم عليها عشان فلوسها ، فصراحة مايستهلش النوع ده حبك ، وخليكى احسن فى خطيبك ده نعمة من عند ربنا اوعى تروح منك ، راجل محترم وعلى خلق وكل البنات فى الدفعة بتحسدك عليه .
نوران...لو عجبك خديه، ده قفل اوى ، وكل حياته أوامر ، ألبسى ده ، متلبسيش ده ، بلاش مايك اب ، بلاش ضحك بصوت عالى ، مش ناقص غير يحبسنى كمان فى البيت ، لا خنقة بجد ، أوفر يعنى .
ريتال...يا ستى بيحبك ويغير عليكى ، حد طايل راجل زى ده لسه بيغير فى زمن أنعدمت فيه الرجولة ، وصراحة عنده حق ،مش شايفة نظرات الشباب ليكى إزاى ؟ 
نوران بضحك...أعمل إيه ، مهوا هيجننوا من جمالى ورقتى ،مش ذنبى !
ريتال....يا حبيبتى الجمال فى الألتزام والقرب من الله وحجابك الساتر غير كده كله زائل وصراحة يعنى هما تفكيرهم غيرنا هما بيدققوا أوى أستغفر الله يعنى لما بيشفوكى لابسه  الضيق ده ودماغهم بتروح شمال .
نوران بحرج ...قصدك ايه يعنى ؟
ريتال ..لا مش هقدر أوضحلك اكتر من كده افهمى لوحدك ، وبلاش تكونى سلعة كله عايز يتفرج عليها ،خليكى غالية عشان الكل يحترمك .
نوران....أووف ده أنتِ طلع تفكيرك زى عمر بالظبط ، تصورى لايقين لبعض .
ريتال..انتِ بتقولى إيه ؟ 
حرام عليكِ والله ده بيحبك فمتكسريش خاطره .
نوران....بس أنا مش بحبه .
ريتال.....الحب اللى بيجى مع العشرة بعد الجواز صدقينى هو نعمة وكمان زى المثل اللى بيقول ، خدى اللى يحبك ، ده مثل صح ، عشان اللى بيحبك هيحاول بكل طاقته يسعدك ويعاملك بالحسنى .
نوران...وكمان بتكلمى زى جدتى هههههه ضحكتينى يا ريتال .
ريتال...ربنا يهديكى يا نورا.
وخلاص نبطل كلام دكتور عمر اهو على الباب وانتِ كفاية بص على شريف وركزى معاه .
نوران ...هحاول .
شاهد عمر ..نوران فى المحاضرة تعبث فى محتوياتها كثيرا وكذلك نظراتها الشاردة والأدهى ما ترتديه لا يلقيق تماما مع حجابها الذى وضعته بعشوائية وخصلات شعرها تتدلى منه ، فكتم غيظه وحاول السيطرة على نفسه أثناء المحاضرة،حتى يستطيع التركيز مع طلابه .
ولكن ما أن انتهت المحاضرة حتى نداها بغيظ ( أنسة نوران لو سمحتى عايزك فى مكتبى) 
نوران بضيق ..أومأت رآسها بالموافقة .
ريتال....أستلقى وعدك ، انا حذرتك ، تركزى وبطلى بص يمين وشمال.
نوران...هو فيه إيه يعنى ؟ أنتِ فكرانى هخاف منه ولا إيه ؟ 
إحنا لسه على البر ، ولو زودها معايا ، كل واحد يروح لحاله .
ريتال بنفور...مفيش فايدة فيكِ مش مقدرة النعمة اللى أنتِ فيها ، روحيله الله يهديكِ وحاولى كده أراضيه بالذوق ، دكتور عمر ابن حلال ومايستهلش منك المعاملة دى .
نوران ..اووف ،ادينى رايحالُه ،لما نشوف أخرتها.
........
دلفت نوران لمكتب عمر فى الجامعة وما أن كادت تغلق الباب ورائها حتى نهرها قائلا سيبى الباب مفتوح .
نوران بتعجب...وليه إن شاء الله ، عشان نكلم براحتنا يا عمورة.
عمر ...مينفعش نقفل علينا الباب ،عشان متبقاش خلوة وكده حرام فهمتى .
نوران بغيظ...زى ماتحب ، المهم كنت عايزنى فى إيه ؟
عمر...أنا مش نبهت عليكِ بلاش اللبس الضيق ده وتظبطى حجابك شوية.
نوران...الله ما واحدة واحدة مش كده ، قلتلك اه هعدل بس براحة عليه .
ثم تصنعت البكاء لتلين قلبه .
نوران پبكاء....أنت قاسى عليه يا عمورة .وشكلك مابقتش تحبنى زى الأول ؟
رق عمر كعادته لبكائها فتراجع عن إنفعاله عليها متودداً بكلمات....أنا برده يا نورا مش بحبك ، أنا بعشق التراب اللى بتمشى عليه ولو ماكنتش بحبك ماكنتش صبرت أبدا على كل اللى بتعمليه ده .
فتبسمت نوران بخبث وانتصار فهى تدرك مقدار حبه لها ولكن فى ذات الوقت تمنت لو كان شريف هو الذى يكن لها هذا الحب الصادق.
.......
مازن صديق شريف فى الجامعة ..
مازن....أنت يا ابنى معندكش ډم بصحيح 
شريف ..ليه يا حيوان ؟
مازن...بقا تسيب  ( نوران )  اللى عينيها كانت هتطلع عليك وتبص للبت اللى وشها زى ضهرها دى وملهاش ملامح .
شريف بحزن...اسكت ماتفكرنيش دى كمان ډمها يلطش .
مازن...أمال إيه ماصبرك عليها ؟ 
شريف...اللى مصبرنى على المُر هو الأمر منه ( الحوجه ) الإيد بصيرة يا مازن يا خويا ونفسى أقب على وش الدنيا واتمتع بالفلوس زى البشر ، فهعمل إيه بحلاوة ( نوران ) لكن عفت متريشة وأهو بستنفع منها ولما أتجوزها هكوش على كل حاجة سعتها بس أفكر فى الحلاوة .
مازن....بس هتكون ( نوران ) طارت منك واتجوزت الدكتور عمر .
شريف...طيب والعمل ؟ 
مازن...أقلك أنا بس طرطأ ودناك كويس ألا حد يسمعنا 
شريف...قول يا مصېبة منه عرفك من يومك شيطان 
....
يتبع يا قمرات ..
يا ترى مازن هيقوله إيه ؟ 
والعريس ( عامر ) 😂 وأمه هيعملوا إيه مع الغلبانة ( فرحة ) 
وعمر هيفضل كده مخدوع فى ( نوران ) 
ده اللى هنعرفه من خلال الأحداث
نرجع لقصتنا فرحة عمرى وعايزة تفاعل كبير تفتحوا نفسى أكمل 😀
الجزء الثالث 
من فرحة عمرى
🌹🌹🌹
مذاق الحب من طرف واحد مذاق عجيب .. حلو مرّ مدمّر منعش .. كل المتناقضات في ظل شعور واحد .. لا تستطيع أن تبقى ولا تستطيع أن ترحل .. لا تستطيع أن تنسى ولا تريد أن تتذكر .. لا تريد أن تفرض نفسك .. وتعجز عن إنكار ما في نفسك.
سارة ولجت إلى اختها فرحة تُندن وتغنى لخطوبة ( فرحة ) ...يا دبلة الخطوبة عقبالنا كلنا ..ونبنى طوبة طوبة فى عش حبنا .
ولكن فرحة كانت فى عالم تانى من الشجن والحزن والدموع تتلألأ فى عينيها .
نظرت ( سارة ) إلى أختها بحزن فهى تعلم ما فى قلبها ولكن تريد أن تخفف عنها.
سارة بمداعبة...أخبار عروستنا إيه ؟ 
فرحة بلا مبالاة...أهو كويسة.
سارة...وإيه لسه ملبستيش العريس جاى كمان شوية هو ووالدته يتفقوا ويقروا الفاتحة وبعدها قال هتنزلوا تنقى شبكتك يا عروسة ، لولوووووووى.
فرحة...هو مستعجل كده ، ليه ، ده أنا ماشفتهوش غير مرة واحدة، وم كنش عارف يتكلم كلمتين على بعض وأمه هى اللى لوكلوووك لوكلووك وهو بس فالح يأمن على كلامها .
سارة.....معلش يمكن مكسوف يا فروحتى ، ماأنتى كمان كنتى قاعدة ساكتة خالص فهو شكله أتكسف علشان ماردتيش عليه لما كلمك أول مادخلتى.
فرحة...ربنا يعدى اليوم ده على خير .
سارة...هيعدى بس فكيها حبتين بالله عليكِ ، علشان حتى أمه اللى عنيها تدب فيها رصاصة مش بتشيلها من عليكِ ولما بتشوفك مكلضمة بتفضل تمصص فى شفايفها وتبرطم .
فرحة...عيب تقولى على ست فى سن أمنا الكلام ده ،هى مهما كان ست كبيرة ولها احترامها حتى لو مش مرتاحلها نفسيا بس هعاملها بالمعروف كأنها والدتى .
سارة.....والله أنتِ قلبك طيب يا فرحة، ربنا يسعدك يا قلب أختك بس حذرى منها وفى نفس الوقت خديها على قد عقلها.
ويلا ألبسى كده الحتة اللى على الحبل وانا هظبطلك الميكب .
فرحة....أنا عادى هلبس عبايتى وخمارى ومش هحط اى ميكب مينفعش طبعا علشان هو لسه أجنبى عنى ومفيش ارتباط رسمى .
سارة...متحبكهاش يا فرحة، دى ليلتلك ، افرحى كده وادلعى.
فرحة...صدقينى الفرحة فى رضا الله عز وجل.
سارة...ربنا يكملك بعقلك يا حبيبتى ، بس على الأقل أختارى عباية فاتحة وخمار فاتح بلاش الاسود والبنى والكحلى ، عايزاكِ تنورى.
فرحة بخجل...هى خالتى جية ووووووو عمر جى.
سارة بغيظ...لسه بتسألى عليه ، إنسيه بقا ،وفكرى فى سى عامر .
فرحة....ربنا وحده القادر ،لا يجعل سلطان على قلبى إلا لزوجى .
سارة ..على العموم هما جايين ، علشان سمعت ماما بتكلم خالتى وبتقلها لازم تيجى هى وعمر .
علشان كمان خالتى تساعدها فى تقديم الأكل بعد قراية الفاتحة .
فرحة....ولو إنى مش حابة موضوع الأكل ده ،بس ماما ربنا يبارلكلها بتحب تكرم الضيف على الاخر .
سارة..طيب يلا إنجزى إلبسى وانا هطلع علشان ماما بتنادى ، أساعدها .
بس أفتكرى إنى ريحتك النهاردة من شغل البيت ،علشان تردهالى لما أتأهل زيك .
فرحة بضحكة بدون روح....ان شاءالله يا حبيبتى ، ربنا يسعدك بواحد تحبيه ويحبك ..
.......
والدة عمر...يلا يا حبيبى إنجز هنتأخر على خالتك وعايزين نروح قبل العريس مايجى .
عمر....حاضر يا ماما ، خلصت أهو.
والدة عمر..ياما نفسى كنت أنت تبقى العريس ، أهى طارت منك .
عمر..يا ماما كل شىء نصيب وانا اخدت نصيبى وهى ربنا يسعدها ، هى فعلا بنت حلال وتستاهل كل خير .
........
مازن ....اسمعينى كويس وافهم أنا هقلك تعمل إيه مع ( نوران ) 
شريف...كلى أذان صاغية، أشجينى يا سيدى.
مازن ...الاول تسبلها بعنيك وخصوصاً إنها أصلا على طول بتبصلك .
هتحس ساعتها إنك بتفكر فيها وبتحبها بس يمكن مش قادر تكلم علشان هى مخطوبة .
شريف....أه وبعدين .
مازن....هجبلك رقمها 
وتفضل بقه على الواتس رسايل حب وغرام وفيما معناه إنك مش قادر تواجهها وجها لوجه لإنها مرتبطة 
وبكده يا صاحبى هتولع من الحب ومش بعيد هى اللى تيجى تقلك بحبك كمان.
شريف...طيب وهستفاد إيه من الفيلم ده ، طالما كده كده مش هقدر أتجوزها وهتجوز ڠصب عنى عفت .
مازن....أنت شكلك على نياتك ، ماتتجوز عفت يا سيدى ، وصاحب  نوران من ولو زنقت أووى وعملت فيها شړ*يفة أديها ورقة عرفى تريح ضميرها ، ولما تزهق منها أقطعها ههههه.
شريف..يا ابن اللذينة، كان غايب عنى ، كل ده فين ؟
مازن... علشان بس تقدر صاحبك ، وماتنسنيش لما تكوش على فلوس عفت .
شريف ..بس كده ، عيونى بس أتلم عليها .
..........
عامر....بقلك يا ست الكل ، واحد صاحبى ، قالى معلومة غريبة كده ، قال لازم وانا رايح عند قراية الفاتحة أخد معايا الجاتو والساقع .
عديلة...تاخد إيه يا واد؟ 
خده ربنا صاحبك ، ده شكله جعان وعايز ياكل على حسابك .
عامر...والعمل ؟ هتنخش كده فاضيين ! 
خاېف يزعلوا .
عديلة...لا طبعا ، عاملة حسابى ماتقلقش .
عامر بفرحة...بجد يا أمى، ازاى طيب فهمينى؟
عديلة...إحنا بس أمرنا لله مضطرين نشترى علبة الكرتون  زى بتاعة الجاتو بس فاضية طبعا .
وانا عندى حتتين كيكة الشيكولاتة ال كانت عملاهم جارتنا ام فهمى ، على حتتين كانت بعتاهم جارتنا ام السيد واهو نسد بيهم الليلة دى ،بس على الله يطلعوا  ناس مش بُخلا ويحطلونا منها ،عشان انا موتى وسمى البخيل🤪
عامر...اه عندك حق يا ست الكل .
يعنى أروح اشترى العلبة الكرتون.
عديلة...اه يا ضنايا ، بس هاتها صغيرة ، وفاصل مع الراجل ، ماتخلهوش يضحك عليك .
عامر..لا متقلقيش من الناحية دى ، أنا بفاصل لغاية مالراجل بيطلع عينه ويبقى يقرب يقلى خدها ببلاش .
عديلة بضحك...طالع شاطر زى أمك .
.........
الحاجة كريمة...أهلا يا أم عمر يا حبيبة أختك نورتينا ، ونورت يا عمر يا ابنى ، عقبال ليلتك الكبيرة كده .
عمر...ربنا يخليكى يا خالتى، عاملة ايه والف مبروك ، ربنا يتمم بخير
الحاجة كريمة...ربنا يبارك فى عمرك.
أدخل أنت أقعد مع الحج جوا ، والعريس خلاص على وصول .
وأنتِ تعالى معايا معلش يا اختى علشان محتاسة فى المطبخ .
أم عمر...معاكِ يا حبيبتى ربنا يسعدها ويعينك .
وتدخل معاها المطبخ 
ام عمر...ها عملتى إيه أصناف ؟
الحاجة كريمة...عملت والله ، محشى وباشميل ورقاق وكفتة ولحمة باردة وفراخ مشوية وسلطات مشكلة والحلو جلاش وبسبوسة وعصاير مانجة وفروالة بس مش عرفة حاسه كده إنى مكترتش وخاېفة الست ام عريس تتريق وتقول هما ده اللى عاملينه بس .
أم عمر...لا والله ، ده كتير ماشاءالله وحلو اوى كده ، وكمان محدش بيعمل اكل دلوقتى فى قراية الفاتحة غير الناس ولاد البلد الأُصيلة ، دلوقتى بيمشوها جاتوه وساقع بس والعريس كمان اللى بيجيبه .
الحاجة كريمة...والله الحج حلمى جاب كمان ، وقال هما يجيبوا واحنا كمان ، احنا معندناش اغلى من فرحة دى فرحة عمرنا .
ام عمر...ربنا يسعدها واغلى فرحة طبعا ،ربنا عالم انا بحبها قد إيه وياما كان نفسى بس أقول إيه النصيب غلاب .
..........
عامر ..يلا أمى أتاخرنا على الناس ولسه كمان هنستنى الأتوبيس اللى  هيوصلنا .
عديلة..مكانش ليه لازمة الأتوبيس كنا اتمشينا وخلاص ، اهو المشى رياضة .
عامر...معلش المرة دى علشان منتأخرش اكتر من كده .
عديلة..طيب بس متكررهاش تانى .
عامر ..وصيتى الراجل بتاع الدهب زى ماقلنا ؟
عديلة...اه طبعا ودى حاجة تتنسى.
عامر..تمام ، لازم منطولش الخطوبة ونتجوز قبل مااتقفش أنه اتغير لونه ولا حاجة .
عديلة..ماشى ، هنتفق النهاردة على كل حاجة ، وكويس اوى انها متدينة يعنى هترضى بقليلها وكمان طبعا الفرح فى المسجد دى اهم حاجة عشان التكاليف .
عامر..اه طبعا .
عديلة...يلا بينا على بركة الله .
..............
وصل العريس ووالدته إلى منزل العروس .
سارة بلهفة....فرحة فرحة ، العريس وصل وصل ، وماما بتقلك اجهزى بسرعة واطلعى وبابا جاى ياخدك .
سارة بتأفف..اوووف طيب اهو مفضلش غير الخمار ، وارتدت فرحة عباية من اللون النبيتى وخمار من اللون الوردى الفاتح الذى زاد وجهها جمالا .
الحاج حلمى...تعالى يا بنتى ، وماشاء الله عليكِ قمر ، ربنا يحفظك .
دلفت فرحة على خجل غرفة الضيوف ، حيث كانت عديلة منهمكة فى أكل الجلاش وترتشف بعض العصير والكل ينظر إليها بتأفف .
والدة عمر...أهلا بعروستنا الحلوة ، ماشاءالله تبارك الله .
انتبه عمر على كلام والدته فرفع بصره لينظر إليها ، واتسعت عيناه عندما رآها على تلك الهيئة .
عمر... ماشاءالله اول مرة اخد بالى من ملامحها ، الخمار جميل اوى عليها ،والعباية واسعة وساترة ، ربنا يحفظها ويزدها ، كان نفسى اوى نوران تكون بالأحتشام ده ، ربنا يهديها .
جلست فرحة تفرك فى أصابعها من الخجل، وعامر ېختلس لها النظر من بين لحظة وأخرى .
عديلة....اللهم صل على النبى ، عسل عروستنا وعشان كده إحنا مش هنطول فى الخطوبة وشهرين تلاتة كده بالكتير ونعمل الډخلة وابنى شقته وحاجته جاهزة ، فظبطوا حالكوا انتوا .
الحاج حلمى...متقلقيش يا حاجة ، الحال مستور والحمد لله ونقدر نجهزها فى يوم بس يعنى المدة مش قصيرة اوى ، عشان يعنى محتاجين فترة يخدوا فيها على بعض.
عديلة بخبث..أنا إبنى زى الكتاب المفتوح وزى ماأنت شايف قدامك ، طيب وملهوش حس فماتخفش منه ، وكمان العروسة عاقلة ماشاءالله فمش محتاجين تطويل  .
الحاج حلمى..على بركة الله 
عديلة ..احنا هنقرا الفاتحة وبعدين نروح نشترى الشبكة ، وهنخدها هنفرجها لحبايبنا وبعدين هاجى انا وعامر يوم نلبسلها .
الحاجة كريمة..قصدك فى الخطوبة.
عديلة بعبوس...ولازمته إيه خطوبة والډخلة قربت، ان شاء الله نعمل الفرح بالمرة فى الډخلة .
يلا نقرا الفاتحة .
كل هذا وفرحة فى وادِ اخر تفكر فى القابع أمامها ، كم تمنت أن يكون هو بدل هذا العامر وخالتها الحنونة بدل تلك القاسېة عديلة.
وتمت قراءة الفاتحة.
عمر ..ألف مبروووك يا فرحة .
فرحة بإنكسار...الله يبارك فيك .
ولم تستطيع الجلوس أكثر من هذا فأسرعت لغرفتها تبكى .
عديلة...خير ، عروستنا قامت ليه .
الحاجة كريمة بحرج...معلش اعذريها يا حاجة مكسوفة ، وتعالوا اتفضلوا العشا جاهز ، وانا هدخلها تجهز نفسها عشان ننزل نشترى الشبكة.
عديلة بفرحة...مكانش ليه لزوم التعب ده ، وكفاية الجاتوه اللى احنا جبناه من افخر محلات الحلويات.
كريمة محدثة نفسها...افخر ، ده ريحته حمضانة ورميته فى الژبالة وكويس إن الحاج جايب ، أنا بديت اتغوووش من الست دى ،ربنا يعدى اليوم ده على خير.
الحاجة كريمة..اتفضلوا اتفضلوا ،البيت بيتكم ، نورتوا وشرفتوا.
عديلة عينيها بحلقت على منظر الأكل اللى على السفرة وعامر مزبهل وقعدوا أول ناس ومستنوش الباقى يقعد .
وأكلوا بشراهة كأنهم بقالهم سنة مأكلوش .
والكل عمال يبص ويضحك بس عمر كان زعلان.
عمر....مش عارف مش مستريح للشخص ده وحاسس إن فرحة تستاهل واحد احسن من كده.
........يتبع يا قمرات
وعايزة توقعاتكم الحلقة الجاية 
وايه رأيكم فى حلقة النهاردة 
يارب تكون عجبتكم ⁦♥️⁩
أم فاطمة .
الجزء الرابع
فرحة عمرى
🌹🌹🌹
عديلة وابنها بياكلوا من كل الأصناف المحطوطة بسرعة بدون كسوف او حرج .
عديلة...أنت يا واد يا عامر ، تعال كده عليه شوية عشان محدش ياخد باله ، عايزة اطلع كيسة من الشنطة اخد فيها شوية أكل ،خير ربنا كتير وإحنا اولى بيه .
عامر ...ماشى ، بس بسرعة عشان محدش ياخد باله وكترى من الكفتة دى وحطى الفرخة اوعى تسبيها.
الحاجة كريمة ...بقلك إيه يا حج ، معلش عايزاك جوه فى كلمة.
الحاج حلمى دخل وراها...خير يا حاجة ، خلتينى اسيب الناس وأقوم ليه ؟
الحاجة كريمة...مش عرفة ، قلبى وكلنى يا اخويا ، الناس دى شكلها مفجوعة، شوف خلصوا على الأكل إزاى ولا كأنه بيتهم.
الحاج حلمى..أنتِ بتبصى عليهم ، ده كلام يا حاجة ، امال انتى عاملة الاكل منظر مش عشان يتاكل .
الحاجة كريمة..مش القصد ، بس مش عرفة مش مرتاحة ليهم.
الحاج حلمى...احنا لسه فى البداية والأكل مش حكم وصراحة مصدقت بنتك وفقت على الجوازة فمتقفيش انت فيها ، سبيها تفرح ، ولو لا قدر الله شفنا منهم حاجة وحشة نبقى نفضها.
الحاجة كريمة ..ربنا يسترها يا حاج.
الحج حلمى ..طيب خشى لبنتك شوفيها جهزت عشان ننزل نشترى الشبكة ونخلص .
الحاجة كريمة..أمرك يا حج.
ام عمر..هنستأذن احنا يا حاجة ،وألف ألف مبروك.
الحاجة كريمة..ملسه بدرى ، مستعجلين ليه ، وتعالوا معانا نجيب الشبكة .
أم عمر...لا ميصحش ، دى حاجة شخصية بينكم وبين العريس عشان ميضيقوش وتخدوا رحتكم.
ان شاءالله نيجى الأسبوع الجى لما يلبسلها ، وربنا يتمم بخير.
يلا السلام عليكم
الحاجة كريمة..وعليكم السلام ورحمة الله وبركاته.
......
وتدخل كريمة لبنتها تلاقيها نايمة على المخدة بټعيط.
الحاجة كريمة..بت يا فرحة ،انتِ بتعيطى ، فيه عروسة ټعيط بدل مترقصى.
فرحة بحزن..لا يا ماما مش بعيط ولا حاجة ، ده عينى بس شكلها أطرفت .
الحاجة كريمة...معقول الشيخة فرحة تكدب برده، ياما نفسى اعرف مالك يا بنتى ؟
فرحة...مالى منه زى الفل اهو.
الحاجة كريمة..مش باين يا بنت بطنى.
على العموم خشى اغسلى وشك وأعدلى نفسك كده ، عشان خلاص نازلين نشترى الشبكة.
فرحة...حاضر ..
الحاج حلمى...يا ست عديلة ، تحبوا نروح عند الجواهرجى ال بنتعامل معاه ديما ، ولا انتوا تحبوا حد معين .
عديلة...لا بتعكوا إيه ، إحنا عندنا واحد نعرفه ، عنده كل الأشكال وتنقى العروسة برحتها ومش هنختلف.
الحاج حلمى..ربنا يكرمك يا ست عديلة.
واتفضلوا عربيتى إهى .
عديلة فرحانة وهى راكبة العربية ، ووطت على ودان إبنها ( خلى حماك يا واد يعلمك السواقة عشان تبقى تاخد منه العربية نقضى به مشوارنا ) 
عامر..ماشى يا ست الكل .
ودخلوا عند الجواهرجى وغمزتله عديلة بعنيها .
الجواهرجى..أهلا ست عديلة ، أنتِ من احسن الزباين ال بنتعامل معاها صراحة.
الحاج حلمى...شوفتى يا كريمة الراجل بيقول ايه ؟ كنتِ هتظلمى الست .
كريمة....مش عرفة برده لما نشوف اخرتها.
الجواهرجى...مبروك يا عروستنا 
اكتفت فرحة بإيماءة رأسها بدون كلام .
عديلة ...يلا يا فرحة يا حبيبتى ، نقى كل اى حاجة تعجبك وميهمكيش الفلوس .
فرحة..شكرا يا طنط.
عديلة...لا طنط إيه ، قوليلى يا ماما.
فرحة..شكرا يا ماما.
فرحة من غير نفس اختارت دبلة وخاتم وأسورة بسيطة .
عامر....مبروك يا فرحة.
فرحة بخجل...الله يبارك فيك.
الجواهرجى..ذوقك جميل يا آنسة .
عديلة..احسبلنا بقه عاملين كام واكرمنا كده.
الجواهرجى ..عيونى.انتِ زبونة المحل .
ودفعت عديلة الفلوس وهى حطة إيديها على قلبها ....هترجعولى تانى يا حبايبى معلش .
الحاج حلمى...اتفضلى يا ست عديلة نوصلك للبيت .
عديلة بتلعثم...لا لا أتفضلوا انتوا ، احنا البيت قريب من هنا مش محتاجين عربية ، وعلى اتفقنا ان شاءالله، الأسبوع الجى هنلبسها الشبكة ، ودلوقتى هنخدها نفرجها للحبايبنا. 
الحاج حلمى...ماشى يا ست عديلة ، ربنا يهنيهم.
وأول مطلعوا بالعربية،هووب دخلت عديلة للجوهرجى.
عديلة..هات فلوسى بسرعة ، قلبى هيقف عليه 
الجوهرجى بضحك...يا ستى ده يدوبك دققتين .
عديلة..اخلص ، وخد دهبك أهو ، وزى مقولتلك ، يومين واجيلك تكون عامل شبهم دهب صيني ، بس راعينا فى السعر.
الجواهرجى...ماشى كلامك ، عشان احنا بس جيران.
............
وفى الجامعة
حسب اتفاق شريف ومازن 
نوران بسعادة...ريتال ريتال .
ريتال...فيه إيه ؟ يا نورا.
نوران ...مش عرفة ، تصورى شريف بيبصلى ، اخيرا خد باله منى ، ياااه نظرته ليه دوبتنى ، حسه هيغمن عليه .
ريتال...أنتِ ملحوسة يا نورا، شريف إيه وزفت إيه ، حرام عليكِ والله ، الدكتور عمر ميستهلش منك ده ، كذا مرة أقلك خلى بالك ، الدكتور عمر نعمه وأوعى تروحى منك ، وسيبك من الواد شريف ده ، شكله ميطمنش ، وأنتِ اهو شيفاه بعينك لازق لـ عفت وكل زمايلنا بيحكوا انهم هيتخطبوا بعد متخلص الدراسة، ففوقى لنفسك يا بنتى.
نوران...بقلك نقطينى بسكاتك ، انا غلطانة ال قولتلك .
ريتال....ربنا يهديكِ وبكرة تقولى يارتنى سمعت الكلام.
تبادل شريف ونوران النظرات وكان قلبها يرقص بسعادة فأخيرا حبيب القلب شعر بحبها ولم تكثرت لخطوبتها لـ عمر .
وفى المساء وبينما كانت شاردة على فراشها تفكر فى شريف ، أعلن هاتفها بوصول رسالة على الواتس ، فأسرعت لترى محتواها:
العين تعشق صورتك، والقلب يجري فيه دمك، وكل ما أسمع صوتك، شفايفي تقول أحبّك.
نوران بإبتسامة...إيه الكلام الجميل ده ، يا ترى مين بعته ؟ معقولة يكون عمر ، بس عمر لبخ اوى ومش بيعرف يكلم كلمتين فى الحب ،وكمان ده رقم غريب ، مش رقمه .
ثم وصلها رسالة أخرى ..
سأظل أحبك و إن طال إنتظاري... فإن لم تكن قدري فقد كنتِ إختياري.
نوران.....لا أنا مقدرش على كده ، فبعثت له رسالة
أنت مين ؟ 
فبعثت لها...
اسئلى قلبك مين جواه ؟ هيقلك مين ؟ وقوليلى.

نوران قفزت من فراشها....ده اكيد شريف حبيبى ،مفيش غيره .
فبعثت له رسالة....شريف .
فضحك شريف محدثا نفسه( يا دماغك يا واد يا مازن ، البت واقعة واقعة يعنى ) 
فبعث لها شريف....كنت متأكد إنك هتحسى بقلبى ، زى منه حاسس بيكِ، بس أنا مش قادر أعبرلك عن مشاعرى وقلت أسيبك فى حالك طالما مخطوبة ، وفضلت ابعد ، بس صدقينى مش قادر أبطل افكر فيكِ ، أنا بحبك يا نوران .
نوران بصت للرسالة ومش مصدقة وقعدت تلف فى الأوضة وكان فاضل تطير من الفرحة
( معقولة بيحبنى بس ساكت عشان مخطوبة ، بس خلاص هدى عمر أستمارة ستة ، المهم شريف حبيبى ) 
نوران بعثت له رسالة..
انا بحبك انت يا شريف، وأتخطبت لعمر لإنى كنت فاكرة إنك مش بتحبنى ، بس خلاص هفركش الخطوبة ، ونكون لبعض.
شريف بمكر بعث لها ...لا مش دلوقتى تفركشى الخطوبة ، عشان محدش يجيب سيرتك بكلمة كده ولا كده لما يشوفنا مع بعض ، فانتِ اصبرى يمكن تيجه منه هو ، وكده محدش يقدر يكلم .
نوران...بس انا هصبر إزاى يا شريف ، أنا محتاجة أكلم معاك لوحدنا .
شريف...هنكلم ونشوف بعض كمان يا عيون شريف ،بس من غير محد ياخد باله برا الجامعة ، لكن جوا الجامعة إحنا زملا بس .
نوران....بس 
شريف....من غير بس ، اهى بس فترة عقبال متخلصى من شريف وانا كمان أشوف طريقة ابعد بيها عن عفت.
نوران...ماشى يا شريف ،بس ياريت منطولش.
شريف...لا يا حبيبتى، هتكون فى أقرب وقت مع بعض 
.............
والدة عمر...كانت زى القمر النهاردة ( فرحة ) ربنا يسعدها.
عمر ....فعلا ، بس خطيبها وأمه دول شكلهم ميرحش .
والدة عمر....اه فعلا ، بس المهم هى ترتحله ، ولو أن يا عينى ، مش باين عليها الفرحة.
عمر ..ليه ؟ لو مش عجباها مكنتش قبلته.
والدة عمر..مش يمكن مضطرة؟ 
عمر...إيه ال يجبرها؟ خالتى وجوزها طيبين جدا ومأظنش أجبروها على الخطوبة دى إلا لو كانت موافقة .
والدة عمر بتلميح...أو يمكن ملقتش رجا فى إنسان بتحبه وهو ولا دارى ، فقلبت وخلاص.
عمر بتعجب...معقول ويا ترى مين ؟
والدة عمر بغمز....ملهوش لزمة خلاص ، كل واحد فيهم أختار ال يريحه.
ثم تركته وغادرت.
عمر...يا ترى ماما قصدها إيه ؟ وفعلا فرحة بتحب ؟ ومين هو ؟ 
...............
مضى الأسبوع المتفق عليه وجاء فعلا عامر ووالدته إلى منزل فرحة ومعهم الشبكة المستبدلة بدهب صينى .
أصرت فرحة أن والدة عامر هى من تلبسها الشبكة متعللة إن عامر مازال أجنبى عنها ولا يحل له لمس يديها .
عمر كان مستمعاً لكلماتها وقارن بينها وبين ( نورهان ) التى لا تدع مناسبة وإلا تتعمد لمس يديه بدون حياء .
بدون قصد تلاقت أعين ( عمر ، فرحة ) 
نظرة فرحة كانت نظرة عتاب وكأنها تقول ( ليه سبتنى أرتبط بغيرك ، ليه مش حاسس بيه ) 
أما هو ( عنيكى بتقول حاجة أنا مش فاهمة يا فرحة ، يارتنى اعرف أنتِ بتفكرى فى إيه ؟ 
عديلة... مبروك يا حبيبتى 
فرحة...الله يباركِ فيكِ يا أمى.
الحاج حلمى ..قام وحضن فرحة( مبروك يا بنتى ،ربنا يسعدك ) 
فرحة بكت وعمر خد باله من عياطها ،وأثرت فيه دموعها وحس إنها مش دموع الفرح ابداً وحس إنها حزينة بس مش عارف بإيده إيه يعمله ؟
عامر...مبروك يا فرحة .
فرحة بحرج..شكرا .
عديلة ...ممكن نسيب العرسان لوحدهم شوية يكلموا برحتهم .
فرحة عنيها كانت بتتوسل بابها عشان ميوقفكش ، بس لقيته بيقول
اه طبعا من حقهم يلا بينا بره شوية يا جماعة.
عمر حس إنه مضايق يسبها لوحدها مع عامر ، ومش عارف ليه حاله الإحساس ده ، مهو ساعات كتير بيقعد مع نوران لوحدهم وبيكون مبسوط.
عامر مبسوط وفرحان وقرب من فرحة، لاقاها هى بتبعد 
عامر...إيه مالك بتبعدى ليه ؟ إحنا خلاص مخطوبين !
فرحة..اه مخطوبين بس مينفعش نقعد كتير لوحدنا او تقرب منى كده ،
عامر..فرحة ،أنا بحبك وعايز اعبرلك عن مشاعرى ،فليه تصدينى كده ؟
فرحة...لو سمحت ، مينفعش الكلام ده دلوقتى .
عامر...امال امتى؟
فرحة...بعد كتب الكتاب إن شاءالله .
عامرمحدثا نفسه....إيه العقد ده ، خسارة فيها لتر الحاجة السقعة ال جبته معايا ، ولما اروح امى هتتعارك معايا عشان محطلناش منه وجبلنا بتاع كده بيقولوا عليه كنز .
عديلة...هو فيه ايه النهاردة مش هيعشونا ده على لحم بطنى من الصبح انا وعامر عشان نعمل الواجب ونخلص على الأكل بنفس ، اه يا مصارين بطنى ال بتتقطع.
الحاجة كريمة...مالك يا حجة ، أنتِ تعبانة ولا إيه ؟ عديلة ،،لا مفيش يا حبيبتى ، اصلوا عندى السكر وبيعملى دوخة كده ، وبكون محتاجة اكل اى حاجة.
الحاجة كريمة بغيظ...استنى هجبلك حتة جبنة قديمة تفوقك .
عديلة فى نفسها..جبنة قديمة لا ده انا بقالى اسبوع باكل فيها ، هو فيه إيه الليلة دى هتروح علينا كده  ، معقول .
لا أنا هاخد الواد وأمشى ، عشان بعد كده يعملولنا قيمة ويحضروا أكل كويس ، امال انا وفقت يخطب ليه ،حاجة تسد النفس .
عديلة...يا عامر يا ابنى .
عامر...نعم يا ماما 
يلا يا بنى نروح ..عشان تعبانة 
عامر يبصلها بس يا ماما لسه ملحقتش أقعد مع فرحة.
عديلة .. بقولك يلا 
عامر پخوف...ماشى ، يلا بينا .
وبعد ممشيوا...
الحاج حلمى...جبنة قديمة إيه بس ، معملتيش بس الواجب يا حجة؟
الحاجة كريمة...معلش يا حج ، أنا مفروسة منهم من المرة ال فاتت وقلت المرة دى يمكن يجيبوا حاجة عليها القيمة ، تصور جايبين لتر حاجة سقعة وشكلها كمان عامل زى المية ، كأنهم مزودنها مية .
الحاج حلمى...وأنتِ من امتى بتبصى على الحجات دى؟
الحاجة كريمة...مش من عادتى بس قلبى وكلنى ، وخاېفة يكونوا بُخلة والبت تتمرمط معاه ، كله إلا البخل يا حاج.
الحاج حلمى ..عندك حق .
بس استنى نختبرهم مرة كمان ونحكم لو أتأكدنا كله يروح لحاله .
الحاجة كريمة ...ولو إنى متأكدة بس هسمع كلامك ونشوف أخرتهم إيه ؟ 
الحاج حلمى ...بصى إحنا أتفقنا هنروح نشوف شقته ، هو بيقول جاهزة وجايب العفش وفاضل الأجهزة والمطبخ إحنا ال هنجيبه ، فنشوف شكل الشقة والعفش ، ده هيساعدنا كتير نعرف أكتر حقيقته.
الحاجة كريمة ..تمام يا حج.
هو قلك العنوان إيه ؟ 
الحاج حلمى...اه مش عارف ، مدينة إيه كده ، هو قلى منطقة جديدة بتاعة شباب ،فبكرة إن شاءالله وإحنا راحين هتأكد ده منه من العنوان .
........
توقعاتكم يا قمرات 
فرحة هتكمل ولا هتفسخ الخطوبة ؟ 
أيه رئيكم فى موقف ( نوران ) 
وعمر هيفوق ويحس بفرحة ولا ؟ 
ان شاءالله الحلقة الجاية فيها أحداث كتير جداً ، فأنتظرونى 
أم فاطمة 💖 .
الجزء الخامس 
فرحة عمرى
🌹🌹🌹🌹
ريتال ونوران طلعوا من الكلية ومستنيين موصله توصلهم للبيت
ريتال...مالك كده مش على بعضك يا نوران بتتلفتى كتير ؟
أنتِ مستنية حد ؟
نوران...لا هستنى مين يعنى ؟
ريتال...طيب يلا فيه ميكروباص فاضى اهو ، خلينا نركب عشان أتأخرنا .
نوران ...
أه صح أنا نسيت الأسكيتش بتاعى فى المدرج هروح اجيبه وأجى.
ريتال...كده هتأخر اوى يا نورا ، لسه هترجعى ده كله ؟
نوران..خلاص اركبى أنتِ عشان متتأخريش ، وأنا هرجع أجيبه وأركب أى حاجة مش مشكلة .
ريتال...طيب معلش ، خلى بالك من نفسك ، سلام .
نوران...سلام يا حبيبتى.
شريف كان واقف منتظرها 
شريف...إيه كل ده منتظرك ؟
نوران..معلش يا شيفو ، عقبال معرفت أخلص من ريتال .
شريف...ماشى ، بس حولى تصرفى معاها ومش لازم تخرجوا مع بعض كل مرة.
ريتال...إزاى بس يا شريف، دى صاحبتى الأنتيم وراحين وجايين ديما مع بعض.
شريف بمكر....يعنى هى أغلى عندك منى ؟
نوران..لا طبعا يا شيفو ، أنت حبيبى .
شريف ..خلاص ،زحلقيها بأى طريقة وأبعديها عنك ، ومتخليش اى حد يعرف عننا حاجة ، لغاية متخلصى من عمر وأنا اخلص من عفت .
نوران....متسبها المقشفة دى ، مش عارفة أنت خاېف على زعلها ولا إيه ؟
شريف بمسكنة...ڠصب عنى يا نورا ، انا سالف منها مبلغ كبير ولو خليت بها ممكن تحبسنى فلازم أصبر لغاية مقدر أسد المبلغ.
نوران..كده ،لا خلاص بعد الشړ عليك ، انا هصبر لغاية متقدر تسد المبلغ ده ، ويارتنى انا كان معايا ، كنت سديته عنك .
شريف ابتسملها ولمس إيديها واتمشوا شوية وقعد معاها فى كازينو وهى مبسوطة ولا حاسه إنها هتقع فى مقلب كبير .
عمر بيتصل عليها ، فتتوتر وتخاف .
شريف ...إيه مالك ؟ مين ال بيتصل ؟
نوران ...ده عمر .
شريف...وإيه عادى ، ردى عليه ولا كأن فيه حاجة .
نوران..ألووووو
عمر...نورا ،وحشتينى .
أنتِ فين ،ليه مستنتيش أوصلك بالعربية ،بعد المحاضرة .
نوران....معلش عشان بس ريتال مسبهاش لوحدها ، وانت عارف أنها صاحبتى الأنتيم .
عمر... عارف ومش عارف بدال صحبتك وبتحبيها كده ،ليه بتحاولى تقلديها فى لبسها وكلامها 
نوران بغيظ...قصدك ايه؟ 
هى يعنى عجباك أكتر منى ؟
عمر..مش قصدى يا حبيبتي ، انا قصدى ماشاءالله ريتال بتلبس محتشم واسع وطويل وحجابها جميل .
نوران...قصدك إنى مش محترمة ؟ خلاص يا عمر ، سبنى وأجوز ريتال المحترمة 
وقفلت السكة 
عمر ....انا شكلى لغبطت فى الكلام ولا إيه ، أنا مش قصدى حاجة 
هتصل بيها أصالحها المچنونة دى .
بس للأسف نوران قفلت تليفونها.
شريف ..بتعملى إيه ؟
نوران ..قفلت تليفونى ، عشان انا عرفاه مش هيبطل زن وهيتصل تانى .
شريف...متزعليش ، عمر ده أصلا ميناسبكيش ، النوع ده مش بيقدر الصنف الحلو ولسه عايش فى زمن بتاع زمان الحرملك وان الستات ملهاش قيمة .
نوران....عندك حق ، كل حاجة عنده حرام وعايزة اغطى نفسى وادفن بالحيه وأنا لسه فى عز شبابى وعايزة استمتع بالحياة  وأعيش بحرية .
شريف محدثا نفسه( وانا عايز استمتع طبعا بجمالك ده فأوعى تخبيه ) 
شريف...متخبيش ، أنا معاكِ وبحب الحريه وهسيبك تعملى كل ال بتحبيه .
نوران ..ربنا يخليك ليه يا شيفو.
وكفاية كده ، عشان متأخرش على البيت .
شريف...ملسه بدرى ، ملحقناش نقعد مع بعض .
نوران ...معلش عشان فى البيت هقلهم إيه ؟ 
شريف...خلاص أنا عندى فكرة ، بكرة نزوغ أصلا من الكلية ونقضى اليوم مع بعض كله .
نوران...فكرة حلوة تمام ، من الصبح هنكون مع بعض.
شريف...قشطة .
وبعد ما سبته ومشيت ، أتصل بـ مازن 
مازن..إزيك يا حبيب ، طمنى ؟
شريف...الخطة ماشية زى الفل ، وبكرة المعاد ، ظبطت اللى قولتلك عليه .
مازن...أه تمام ، 
........
وجه معاد زيارة أهل فرحة للشقة واستناهم عامر وعديلة فى الشقة .
وكل شوية والد فرحة يتصل بيه..ايوه يا ابنى فين عمارات الإحسان بتاعة الشباب دى ، قلت حلوان ولفيت مش لاقيها.
عامر....قدام شوية ورا المقاپر كده 
الحاج حلمى بفزع...مقاپر هو انت داخل دنيا ولا داخل أخرة؟
عامر... دنيا يا عمى متخفش جمد قلبك ، وهى المساكن ال وراها على طول 
الحاج حلمى...طيب يا ابنى ربك يسترها.
وبعد لف كتير وصل الحاج حلمى ومراته وفرحة للمكان ال كان شبه مهجور وكانت الحاجة كريمة وفرحة لزقين فيه من الخۏف .
وعامر شفهم نزل ورحب بيهم وسلم على فرحة وهى ردت عليه بفتور ، وخدهم وطلع .
عديلة ...اهلا نورتوا ، بيتك ومطرحك يا فرحة يا بنتى ،وشوفى اهو مش محتاجة حاجة واحنا جايبين العفش كله .
الحاجة كريمة بصت لمنظر العفش ال اغلبه كان خرابيش وفيه شوية تكسير .
الحاجة كريمة...إيه ده ، مش معقول ده جديد ، مش باين عليه ابدا.
عديلة بغمز ولمز...جديد إيه ال نجيبه ، ده ورق يا حبيبتى ، مفيش احسن من القديم ومتين ،وياخد وش كده ويرجع زى الفل .
الحاج حلمى ورينى كده ال زى الفل ده ...فجه يفتح الدولاب ،راحت طلعت  الدرفة فى إيده .
عديله وقعت من طولها ...وعامر ..أمى أمى وراح مفوقها .
عديلة بصوت عالى...مش تخلى بالك ، وحق تصليح الدرفة ده عليكم ، احنا ملناش فيه .
الحاج حلمى پغضب ..إحنا فعلا هنصحح غلطتنا ، بص يا ابنى كل شىء نصيب .
فرحة يا بنتى ...نعم يا بابا .
اقلعى الشبكة 
فرحة بفرحه 😀 حاضر يا بابا أتفضل اهو .
الحاج حلمى....شبكتك اهى يا ابنى وما أظنش جبت هدايا عشان نرجعها ، فكل شىء قسمة ونصيب.
عامر...ليه كده ، أنا بحب فرحة ، حرام عليك تبعدنا عن بعض.
عديلة...حرمت عليك عشتك يا واد ، سبهم ، ال باعك بيعه ، دول حتى قرفتهم وحشة والعفش كان يروح مننا بسبب عنيهم الۏحشة ، مع ألف سلامة .
الحاج حلمى...يلا بينا .
عامر..استنى يا عمى ، استنى يا فرحة .
عديلة تمسكه من إيده ...يا واد متبقاش خرونج كده ، سبها وأنا بكرة اجوزك ست ستها .
عامر بحزن...كنت بحبها يا امى.
عديلة ..حبك برص ، اهى بعتك ولا نطقت ولا قالت لأبوها كلمة ، زى متكون مصدقت .
عامر...عندك حق ، بس أنا هسبها كده تعيش حياتها وأنا أتقهر ؟
عديلة...لا عاشوا ولا كانوا ال يقهروك ، انا هجيب منخيرهم العالية دى الأرض ، وهتشوف انا هعمل إيه ؟ 
عامر ..هتعملى إيه ؟ 
عديلة ..كويس أن عمك الجواهرجى جارنا محدش منى الفاتورة لما رجعتله الدهب ، فأنا هروح بيها القسم مع الدهب الفالصو ده وأشتكيهم وأقول غيروه وهتبقى فضحيتهم بجلاجل ، وهنطالب بتعويض كمان ، امال يتحرق دمك بلوشى كده .
عامر...عفارم عليكى يا ست الكل ، أديهم فوق دماغهم .
عديلة ...يلا بينا على القسم .
عامر...يلا بينا 
وتم عمل محضر بالواقعة وفيه إحضار المدعو حلمى منصور والد فرحة للتحقيق .
......
حاول كثيرا عمر الأتصال بنوران ولكن للأسف لم تستجيب لأتصالاته .
فبعث له رسالة:
نوران أنا بحبك صدقينى بس بغير عليكِ ، ردى عليه 
ولو مردتيش هعتبر إنك مش بتحبينى ومش عايزة نكمل الخطوبة وأنا مش هجبرك .
فى الوقت ده دخلت والدته ولقيته مهموم وسرحان .
والدة عمر...مالك يا حبيبى ، شيفاك سرحان كده ومش مبسوط ، هو فيه حاجة حصلت بينك وبين نورا ؟
عمر ...لا لا مفيش 
والدة عمر...مش باين !
عمر...منا عارف لو حكتلك بتيجى عليها بزيادة.
والدة عمر...كده يا عمر ، انت شايفة إنى حما ووحشة كمان.
عمر...مش قصدى يا امى ، بس انا فعلا زعلان ومش عايز الزعل يزيد أكتر.
والدة عمر...طيب احكيلى وصدقنى ، انا هقف مع ال هشوفه صح .
عمر..ماشى هحكيلك .
أنا النهاردة كلمت نوران وقارنت بينها وبين صاحبتها ماشاءالله ملتزمة وبتلبس محتشم فهى زعلت وقلتلى لو مش عجباك انا أخطبها هى .
والدة عمر...أقلك الحق يا عمر .
عمر ...ياريت
والدة عمر...مبدئيا هو أختيارك وعشان أختيارك و إن الحب مش بإيدينا ، فأنت عايز تغيرها ،يبقى مينفعش بالمقارنات لأن المقارنة مش بتجيب نتيجة بالعكس بتسبب عناد وشحناء اكتر ، فأنت عايز تغيرها يكون بالحب ووحدة وحدة كده معاها وبالتفاهم مش جبر .
وافتكر قول الله تعالى
( إنك لا تهدى من أحببت ولكن الله يهدى من يشاء) 
فالهداية من عند ربنا يا ضنايا ، فادعلها وربنا يريحك قلبك .
عمر ارتاح لكلام والدته ووحس إنها على حق فقام وباس إيديها 
عمر...امى .
والدة عمر...نعم يا حبيبى 
عمر...اخبار إيه صح فرحة وخطيبها ،ماشى الحال ؟
والدة عمر ..وأنت بتسئل ليه ؟
عمر ...عادى يعنى ، بنت خالتى وزى اختى بطمن عليها .
والدة عمر... اختك ، مفيش فايدة ،يا عينى عليكِ يا فرحة يا بنتى .
عمر بفزع...إيه حصل حاجة؟
والدة عمر....مفيش نصيب بينهم والحمد لله ربنا نجاها وإنها جت على قد كده ، ربنا يتولاها .
عمر ..... فعلا كل شىء قسمة ونصيب وهو فعلا مكنش يستاهلها ، 
والدة عمر...وتفتكر مين يستاهلها ؟ 
عمر بص لوالدته بإستغراب ، قصدك إيه ؟ 
والدة عمر ..مفيش يا ابنى ، يلا اسيبك تخلص شغلك .
عمر سرح شوية فى فرحة لما شافها يوم قراية الفاتحة وقد إيه كانت رقيقة وجميلة ، وبعدين استغرب نفسه هو ليه بيفكر فيها ومفروض يفكر فى حل مع مشكلته مع نوران .
وقطع تفكيره رسالة من نوران ..حيث اضطرت لبعث رسالة له حتى لا تكون هى السبب فى فض الخطبة كما أشار لها شريف .
الرسالة...لا يا عمر طبعا عايزة اكمل معاك بس ياريت تسبنى يومين كده إهدى شوية .
عمر.....أنا آسف يمكن اسلوبى مكنش ظريف بس ، لكن انا بحبك .
نوران ...وأنا كمان ، وخلاص مش زعلانة بس محتاجة اريح شوية ،سلام .
....
ثم وجد والدته تدخل عليه مستنجدة ....يا عمر يا عمر ، إلحق .
قام عمر مڤزوع...إيه خير يا امى ؟
والدة عمر....عمك ابو فرحة خدوه القسم وخالتك وبناتها منهارين فى البيت .
عمر...لا حول ولا قوة الا بالله ، ليه ؟ ده طول عمره ماشى جمب الحيط ومحترم .
والدة عمر...منهم لله نسايبهم اتهموه بعد مفسخوا الخطوبة إنهم بدلوا الدهب الحقيقى بفالصوا .
عمر...استغفر الله العظيم ، يستحيل ، ده إفترى ، اكيد فيه حاجة غلط ، انا هلبس وهروح لعبد المنعم صحابى المحامى وهخده وهروح القسم ومتقلقيش ، مش هرجع إلا وهو معايا .
والدة عمر..ربى يخليك يا ضنايا.
عمر...أقلك ألبسى أوصلك لخالتى تقفى جمبهم وتواسيهم ، وكمان اطمن على فرحة ، قصدى فرحة وسارة .
والدة عمر...بسرعة هلبس يا ابنى ، جيب العواقب سليمة يارب ، دول غلابة وطيبين اووى ،وميستهلش الحاج حلمى الپهدلة على اخر العمر كده .
عمر...متقلقيش ،خير ان شاءالله .
.......
ووصل عمر والدته عند فرحة ال فتحت الباب وهى مڼهارة واترمت فى حضڼ خالتها ، وعمر أتأثر اوى بدموعها ، وكأنه عايز يطبطب عليها ويقلها متقلقيش أنا معاكِ مش هسيبك بس دموعك دى متنزلتش ، دى غالية عندى اوى .
فرحة ..شوفتى بابا يا خالتى ، أنا حاسه إنى السبب فلى حصله ، وكنت رضيت وخلاص بالجوازة دى ،مكنش حصل كده .
عمر بعصبية...يعنى إيه ؟ كنتِ عايزة ترمى نفسك فى الڼار ، ده إنسان ميستهلش ضفرك حتى.
فرحة مكنتش مصدقة ال سمعته منه ومش عرفة تبتسم وتفرح بس ال فيه باباها مأثر عليها .
والدة عمر محدثة نفسها...والله شكل قلبك هيحن يا ضنايا، يارب قرب البعيد ونور بصيرته كمان كمان ، هما شبه بعض وطيبين ولازم يكونوا لبعض .
عمر..معلش أنا هستأذنكم دلوقتى أنزل لصحابى عبد المنعم عشان مستنينى تحت هو محامى شاطر واكيد فيه سوء تفاهم وهنرجع بعمى الحاج حلمى إن شاءالله .
جه يفتح الباب لقه عبد المنعم قصاده .
عبد المنعم بحرج...معلش يا عمر لقيتك أتأخرت قلت اجى استعجلك وكمان أفهم شوية حجات كده من الحاجة مراته عن الموضوع ومن الآنسة فرحة قبل منروح .
الحاجة كريمة ..اتفضل يا ابنى .
دخل عبد المنعم وعنيه جت فى عين سارة ، فأعجب بيها اوى من أول نظرة وهى اكسفت وبصت فى الأرض .
عبد المنعم ...احكيلى بس شوية تفاصيل عن الجماعة دول .
فحكت الحاجة كريمة التفاصيل. 
عبد المنعم...يا ستير يارب ، إيه الناس دول ، الحمد لله إنكم عرفتهوهم على حقيقتهم قبل مالفاس كانت تقع فى الرأس ، وأنا حاسس كده إنهم هما عملوا كده عشان رد فعل لفسخ الخطوبة .
الحاجة كريمة...والعمل يا ابنى .
عبد المنعم قعد يفكر شوية وبعدين فجأة بس لقيتها .
عمر ...ايه يا متر لقيت إيه نورنا عشان نفهم الوضع .
عبد المنعم ...هفهمك على كل  حاجة دلوقتى .
صلوا بينا على النبى 
( صل الله عليه وسلم ) 
...
يا ترى هيقول إيه المتر عبد المنعم ؟ 
وشكل السنارة غمزت مع اسراء إيه رأيكم نجوزهم 😂.
ويا ترى عمر قلبه عامل زى الرمان هيحب اتنين ولا إيه حكايته ، هيتصرف إزاى ؟
ونوران هتعمل إيه مع الذئاب المفترسة دى ؟ 
يارب تكون عجبتكم 
وهى مفروض إسكريبت او قصة صغيرة ولكن قلبت على نوفيلا ومش عارفه أخلصها فمعلش أصبروا معايا شوية يا قمرات ⁦♥️⁩
أم فاطمة 💖
الجزء السادس 
فرحة عمرى
🌹🌹🌹
ولابد دوماً من ضوء ينير عتمة الظلام ،فهذه سنة الله فى الكون .
عبد المنعم قعد يفكر شوية وبعدين فجأة بس لقيتها .
عمر ...ايه يا متر لقيت إيه نورنا عشان نفهم الوضع .
عبد المنعم ...هفهمك على كل  حاجة دلوقتى .
صلوا بينا على النبى 
( صل الله عليه وسلم ) 
بصوا دلوقتى فيه حاجتين ...الدهب المغشوش ده يا اتعمل عند الجواهرجى نفسه أو حد تانى ولو حد تانى هيكون الأمر صعب شوية لأننا منعرفهوش لكن لو الجواهرجى هيكون سهل لأننا ممكن نوقعه فى شړ أعماله بقرشين .
الحاجة كريمة ..إن شاءالله يكون هو ، ده شكله زيهم كان مكنش يطمن ، حسبى الله ونعم الوكيل فيهم.
عمر...متقلقيش يا خالتى ،ربنا معانا وهيتولانا ،أنا عندى ثقة فى كده .
فرحة بإبتسامة رضا....ونعم بالله .
عبد المنعم ...هو بس ال علينا دلوقتى ، نخرج الحاج حلمى بكفالة بسيطة ، ومن بكرة إن شاء الله نفكر فى حيلة ندخل بيها على الجواهرجى ده وان شاءالله هيصدق الحيلة دى ونسجله الكلام وساعتها هتكون المشكلة أتحلت .
سارة بإعجاب..يسلم أفكارك يا متر.
عبد المنعم بحرج..متشكر يا أنسة .
ويلا دلوقتى بينا يا عمر على القسم وهفهمك فى الطريق هنعمل إيه بكرة مع الجواهرجى ويمكن نحتاج والدتك معانا لأن من الطبيعى الستات هما الأكتر فى التعامل مع بتوع الدهب.
عمر ..تمام ربنا يدبر الأمر.
....
وفعلا قدر عبد المنعم يخرج الحاج حلمى بطريقته بكفالة ، ورجع البيت وسط فرحة بناته وزوجته بس كان حاسس بإنكسار وحزن عشان دى أول مرة يدخل فيها قسم ويتعرض لإهانة زى دى .
فرحة وهى تقبل رأسه...حقك عليه يا بابا متزعلش .
الحاج حلمى .. والله حقك عليه أنا يا بنتى ، أنتِ اصلا مكنتيش عايزاه من الأول ، بس أنا زى أى أب نفسى أفرح بيك ِ ، والحمدلله إننا عرفناهم من الاول قبل مكنتى تجوزيه وتتعذبى معاه ، وربنا يخرجنا من الغمة دى على خير .
الحاجة كريمة...قلتلك يا حاج دول ناس مش سهلة ابدا ومصدقتنيش ، بس النصيب .
الحاج حلمى...ملهوش لزمة الكلام يا حاجة وده قدر ومكتوب ،( قل لن يصيبنا إلا ما كتب الله لنا ) .
فرحة...خلاص يا ماما سبيه بعد إذنك ، يدخل يستريح شوية ، وان شاءالله بكرة يكون المتر عبد المنعم ، عرف يوصل لأخبار جديدة تخرجنا من المشكلة دى. 
الحاجة كريمة....يارب يا بنتى .
.....
دخلت فرحة وسارة اوضتهم 
سارة كانت سرحانة شوية ، وفرحة أخدت بالها .
فرحة....الجميل سرحان فى إيه ؟ 
سارة....ها ، لا أبدا ، عشان بابا بس ولى حصل .
فرحة بمداعبة...والله عليه الكلام ده ؟
سارة بتلعثم ...قصدك إيه ؟ 
فرحة...يعنى مش عشان الواد الحليوة ده المحامى .
سارة وشها جاب ألوان وبصت للأرض 
فرحة...متكسفيش يا بيضة، أنا كمان حسيت إنه معجب بقمر الزمان سرسورة حبيبة قلبى.
سارة ....بجد معجب.
فرحة....أه ، أنا احساسى مبيخيبش ، بس تنتهى مشكلة بابا وهتلاقيه جى يخبط على الباب .
سارة بخجل...بس حتى لو أتقدم ، بابا وماما مش هيوافقوا عشان أنت الكبيرة ومينفعش انا ارتبط قبلك .
فرحة...ده كلام غلط ولازم يعرفوا أن الزواج رزق ربنا كاتب لكل وحدة معادها فى وقت محدد والسن ملهوش دعوة .
ويا ستى بس هو يتقدم وسيبى الموضوع ده عليه ، أنا هقدر أقنعهم .
سارة قامت وحضنت فرحة ...ربنا يخليكي ليه يا أحن اخت فى الدنيا وأنتِ ان شاءالله هيجيلك راجل بجد يسعدك ويعوضك خير .
وأنا مستبشرة خير وخصوصاً إن ال فى بالى حساه كده بدء يفتح .
فرحة....وبعدين معاكِ ، مينفعش خالص ، ده إنسان مرتبط بإنسانة ومهما كان ال فى قلبى ، ربنا يسعده مع الأنسانة ال اخترها ..
.....
عمر فى البيت بيسئل نفسه ..
مالك يا عمر ، متأثر ليه اوى كده بـ فرحة 
....عادى يعنى بنت خالتى وزعلان على ال حصلها .
.... لا أنت متأثر زيادة وقلبك فيه حاجة متغيرة ، لدرجة إنك مسئلتش على نوران تانى .
....أنت مش بتحب نوران ؟
....أه بحبها .
..متأكد!
مش عارف 
ليه ؟
...حاسس إن فيه حاجة وقفة بينا ، حاجز ولا هى عايزة تقرب ولا أنا عارف أتجاوز عن تصرفاتها .
..والعمل ؟
هتصل بيها واشوف عاملة ايه ، يمكن قلبى يثبت على حال .
عمر.....برده مش بتردى يا نورا وبعدين معاكِ تعبتينى ، طيب خلاص هسيبك شوية زى منتى عايزة .
......
تانى يوم فى الكلية.
نوران دخلت وسلمت على ريتال عشان تثبت إنها جت الكلية .
نوران ....أنا مصدعة اوى يا رتول ، ومش هقدر أحضر المحاضرات فهروح الكافتيريا اشرب نسكافيه يمكن دماغى تتعدل شوية وأشوفك بعد المحاضرة نروح سوا إن شاءالله .
نوران جالها إتصال من شريف ، فتوترت وبعدت عن ريتال شوية عشان متسمعهاش ، بس ريتال لمحت اسم شريف على الموبيل لما كان بيرن ،وسمعت كلام مكنش واضح اوووى بس الكلمة ال كانت واضحة اووى هى ( حاضر جاية جاية  ) 
ريتال....هو فيه إيه ؟ 
معقولة شريف يكون لعب بعقلها وهى صدقته رغم كل تحذيراتى ليها .
بس أنا قلبى متغووش أوى وخاېفة إبن اللذينة ده يضرها فى حاجة وخصوصا إنه متصاحب على ناس سمعتهم زفت امثال مازن ده .
طيب والعمل ؟ 
أنا هطلع وراها وأشوف هى فعلا هتقابله فى الكافتيريا ولا فين ؟ 
بس إزاى الكافتيريا ؟ هى مش خاېفة عمر يشوفها .
يا لهوى لتكون هتقابله برا ، أستر يارب .
....وفعلا طلعت وراهم وشافتها بتخرج برا الكلية ولمحته واقف مستنيها .
ريتال..إيه ده ؟ ده كمان هتركب معاه عربية ، لا لا كده الأمر خطېر وهى طبعا ماشية ورا قلبها ومش حاسة بألاعيبه ، أستر يارب ، لا أنا مش هسكت بس أعمل إيه ؟ دبرنى يارب .
عمر شاف ريتال وقفة متوترة فقرب منها وهى لما شافته ارتجفت فحس إن فيه حاجة أكيد والحاجة دى متعلقة ( نوران ) 
عمر...إزيك أنسه ريتال؟
ريتال بتلعثم ...الحمممد لللله.
عمر..أنتِ كويسة ؟ ونوران مجتش لسه ؟ 
ريتال ..نوران ثم بدئت دموعها تنزل.
عمر...هو فيه إيه ؟ انا حاسس إن فيه حاجة ؟ 
نوران ملها ؟
ريتال ...لو قلت ممكن العلاقة بينهم تنتهى ، بس لو مقولتش هى ممكن يحصلها برده وكده كده العلاقة بينهم هتنتهى ، فهاخد أخف الضررين وتنتهى بدون ضرر ويلحقها أفضل .
فحكت له ريتال الموضوع ، عمر حس بدوار وكان هيقع فى الأرض من الصدمة بس لحق نفسه وسند على الحيطة .
ريتال ...أنا اسفة يا دكتور عمر ، بس ياريت حضرتك تحاول تمسك اعصابك وتشوف طريقة نلحقها من المچرم المخدوعة فيه ده .
عمر...أنا ديما بشوفه واقف مع تلاتة ( مازن وعلى وأسر) تعالى نشوفهم موجودين أكيد هو صاحبهم وبيقول ليهم كل حاجة .
دخل عمر مع ريتال ومكنش موجود مازن وعلى لكن آسر كان موجود .
عمر قرب من آسر ، ال لما شافه ارتبك ، فحس عمر إنه عارف اكيد هما فين .
عمر بنظرة ټهديد....أنا عارف كل حاجة ولو مقلتش فين شريف دلوقتى ، هيكون اخر يوم ليك ده فى الكلية وهتترفد .
آسر بحرج....والله قولتلهم حرام ال بتعملوه فى بنات الناس واعتبروها اختكم بس للأسف أتريقوا عليه وقالوا إنى جبان  ومش راجل زيهم .
عمر ... بالعكس انت ال فعلا راجل وهما كلاب ، قول بسرعة هما فين ؟
آسر فى شقة( على )صاحبنا وهما للاسف هيعملوا عليها حفلة وهى مش عرفة ومخدوعة فى شريف باسم الحب .
انا جى مع حضرتك أدلك بالظبط على العنوان .
......
نوران...عربية مين دى يا شيفو.
شريف...دى عربية مأجرها عشان نلف براحتنا وأوديكِ أى مكان تحبى تروحيه.
نوران...بجد يا شيفو، طيب انا عايزة اروح الملاهى وأكل غزل البنات وايس كريم .
شريف محدثاً نفسه... إيه شغل العيال ده ،إحنا اه هنلعب بس لعب تانى تقيل .
شريف بخبث...حاضر ،يا حبيبتى ، هوديك ِ ، أهم حاجة عندى تكونى مبسوطة.
نوران...طول مت انتهد معايا فى اى مكان بكون مبسوطة وسعيدة .
وعلى حسب الخطة ( مازن هيرن عليه ) وهو هيفتح وهيكلم على أساس إنها والدته وإنها تعبت فجأة وعايزاه ضرورى .
شريف...أنا جى حالاً يا ماما ،إرتاحى وخمس دقايق أكون عندك 
نوران...فيه إيه يا شريف ملها والدتك ؟ 
شريف..ماما تعبانة اوى يا نورا ، ولازم أكون عندها دلوقتى.
نوران...طيب خلاص روح يا حبيبى اطمن عليها ، ونزلنى انا فى اى مكان وأنا هركب أى حاجة وأروح .
شريف...لا أسيبك إيه؟ 
لا يا حبيبتي دى فرصة تتعرفى فيها على ماما ، أنا كلمتها كتير عنك ونفسها تشوفك ، فمش معقولة تعرفى إنها تعبانة ومتشفوهاش.
نوران ...بجد يا شيفو كلمتها عنى ، خلاص أنا هاجى معاك اكيد أطمن عليها 
فضحك شريف بخبث...تعالى يا حبيبتى ، هى هتفرح  لما اشوفك .
وطلعت نوران معاه ورن شريف الجرس.
نوران بشك...أنت ليه بترن الجرس ،انت مش مفروض معاك مفتاح ، ووالدتك تعبانة هتفتحلك إزاى؟
شريف بتلعثم.. أصلى نسيت المفتاح .
نوران قلبها ۏجعها فى لحظة كانت عايزة تسيبه وتنزل بس شريف مسك إيديها ولأول مرة تشوف الشړ فى عنيه والباب أتفتح .
نوران شافت مازن أستغربت...أنت هنا يا مازن ليه ؟
مازن....جيت أطمن على والدته ، أصلى بعزها زى أمى بالظبط 
نوران قلبها كان هيقع منها من الخۏف ...طيب هى فين مماتك يا شريف ؟
شريف..أقعدى انت استريحى هنا وهدخل أبص عليها وأجيبها لو تقدر تطلعلك.
وقال لـ مازن ..هات اى حاجة لـ نورا من المطبخ تشربها يا مازن ، انت مش غريب .
مازن بمكر..بس كده عيونى ..
نوران...لا مفيش داعى 
مازن..لا إزاى لازم تشربى حاجة، أنتِ عايزة شريف يزعل منى .
ودخل المطبخ وحطلها منو.م فى كوباية العصير وطلع .
نوران...مكنش ليه لازم تتعب نفسك.
مازن..تعبك راحة ، أشربى أشربى متكسفيش .
شربت ( نوران ) شوية من العصير ، وبعدين شعرت بدوار ومسكت راسها .
مازن...مالك يا نورا ، أنت ِ كويسة؟
نوران...مش عرفة حاسه إنى دايخة، أنا هقوم أروح .
فقامت نوران ولكن للأسف جت تقوم بس مقدرتش ووقعت مكانها .

شل-ها شريف ووداها اوضة النو*م وحط-ها على السرير ولسه جى يقر*ب منها سمع خبط شديد على الباب .
شريف أرتبك وبص ( لعلى ). ...أنت منتظر حد .
على..لا .
بص مازن من العين السحرية ...وبصوت مص-دوم، دكتور عمر 
شريف...أتكشفنا بس إزاى عرف .
مازن...أكيد الزفت آسر ،بس لما أشوفه .
على...هنعمل إيه ؟ 
شريف ...فيه سلم الشغالين، طيب يلا نزوغ بسرعة .
ريتال..أنا خاېفة اوى يكونوا عملوا فيها حاجة.
عمر بغيظ...لازم نكس-ر الباب ، يلا يا آسر معايا .
آسر ...معاك.
وبقوة الأتنين زقوا الباب كذا مرة بقوة لغاية متتفتح معاهم .
ودخل عمر وآسر ووراهم ريتال .
ريتال ..مفيش صوت حد ، أنت متأكد يا آسر ، ان دى الشقة.
آسر..ايوه هى ، أنا جيت فيها قبل كده .
عمر دخل وقلبه بيدق وخاف أن يشوفها فى منظر مش كويس .
عمر أتصدم لما شافها نايمة على السرير بس حمد ربنا إنها كانت بكامل لبسها وإن الحمد لله جه فى الوقت المناسب واكيد الكلاب هربوا بس إزاى ، فرد عليه آسر ، فيه باب من المطبخ هربوا منه.
شريف شعر بغصة مريرة فى حلقه ومقدرش يبصلها اكتر من كده ، نادى على ريتال عشان تحاول تفوقها لإن من نومتها عرف إنها أكيد مخد...رة .

عمر محدثا نفسه...ليه كده يا بنت الناس تعملى فى نفسك كده ، وليه خدعتينى وفهمتينى إنك بتحبينى ووفقتى على الخطوبة ، كل ده عشان كوبرى لواحد زى شريف ، بس تصورى إنى حاسس زى مكون فوقت من حلم إنى بحبك ، ودلوقتى عرفت فعلا إنه مكنش حب ، ممكن كان مجرد إعجاب وراح لحاله لكن حب حقيقى مأظنش ، ثم تذكر للحظة ( فرحة ) فابتسم وقلبه دق (ياااااه ) لو طلع ال فى بالى صحيح ( وكنت ) ( أنا ) ال أمى قالت عليه ، ثم تبدلت الأبتسامة بعبوس عندما بدئت ( نوران ) فى الصحوة من الغفلة التى كانت عليها .
نوران بتمتمة وعدم تركيز ...أناااا فين ؟ 
ريتال پبكاء....أنتِ كويسة يا نورا .
نوران...ريتال ، أنتِ بتعيطى ليه ؟ 
ثم فجأة تذكرت ما حدث ، فنظرت لنفسها وصړخت ..
شريف شريف...هو عمل حاجة فيه ؟
أنا مش فاكرة غير إنى شربت العصير ودوخت .
ريتال....لا مفيش حاجة حصلت يا حبيبتى ، الحمد لله إننا لحقناكى على اخر وقت ، ليه بس تعملى فى نفسك كده ، ياما حظرتك وأنتِ مفيش فايدة ، عجبك الحال ال وصلتيله ده ؟ 
عمر پغضب...طيب أستأذن أنا يا أنسه ريتال .
نوران پصدمة لوجوده ، فلم تكن تنتبه له...عمر أنااااا
عمر..مفيش داعى للكلام يا أنسة نوران.
نوران بآسى....أنسة يعنى خلاص .
عمر خلع دبلته وسبها على السرير ومشى بس الټفت ليها وقال.....كل شىء نصيب ، بس ياريت تحافظى على نفسك لأن مش كل مرة هتلاقى ال يحلقك قبل فوات الأوان .

هنا نوران لط.مت على وشها. ..يارتنى كنت سمعت كلامك يا ريتال ، أنا ال جبت ده كله لنفسى ، وخسړت إنسان حبنى بجد ، ومكنتش شايفة غير نفسى والكل.ب شريف ، منه لله .
ريتال...خلاص يا نورا ، مقعدش ليه لزمة الكلام ده ، المهم دلوقتى تكونى عرفتى غلطتك وتصلحيها ، ومتبصيش لورا وبصى لمستقبلك ، وتوبى لله عز وجل وغيرى من نفسك وألتزمى بحاجبك ولبسك المحتشم وقربى من ربنا وهو قادر يعوضك حتى عن  عمر بأحسن لو شاف ربنا فعلا منك إخلاص فى التوبة .
نوران بآسى.تفتكرى ربنا هيسامحنى؟
ريتال..اه طبعا ، مفيش أحن من ربنا سبحانه وتعالى 
ربنا بعزته وقدرته بيفرح بتوبة العبد 
في الصحيحين عنه صلى الله عليه وسلم أنه قال : \" لله أشد فرحا بتوبة عبده حين يتوب إليه من أحدكم كان على راحلته بأرض فلاة , فانفلتت منه , وعليها طعامه وشرابه فأيس منها فأتى شجرة فأضطجع في ظلها – قد أيس من راحلته – فبينا هو كذلك إذا هو بها قائمة عنده فأخذ بخطامها ثم قال من شدة الفرح اللهم أنت عبدي وان ربك – أخطأ من شدة الفرح – \
نوران بندم....سامحنى يارب ، وتوب عليه ، وأوعدك هتشوف نوران تانية خالص .
..............
عبد المنعم لوالدته الحاجة سميرة..
بقلك إيه يا ست الكل ....انا عايزك فى مشوار كده .
سميرة...مشوار إيه يا حبيبى ؟
يارب يكون عروسة ، نفسى افرح بيك .
عبد المنعم...مهو المشوار ده ، لو حصل زى ال فى دماغى ، المشوار ال بعديه على طول هيكون للعروسة .
( ثم تذكر إبتسامة سارة فابتسم ⁦♥️⁩) 
سميرة...بدال فيها عروسة ، شوف يا حبيبى عايزنى اعمل ايه وأنا أعمله ؟؟؟
......
يارب تكون حلقتنا عجبتكم النهاردة 
متنسوووش لايك وكومنت ⁦❤️⁩
ونكثف الدعاء ( اللهم ارفع عننا الوباء وتحصنا بك منه يا الله ،فاحفظنا من شره ) 
وياترى عبد المنعم عايز والدته فى إيه ؟ 
وإيه رئيكم فى توبة نوران ؟ 
والفرحة قربت توصل لقلب💖فرحة
الجزء السابع 
ياريت تفاعل أكتر عشان الصفحة تستمر ،بيظهر عندى رؤى كتير أوى للقصة لكن التفاعل قليل اوى ، أنا بجتهد وبكتب فياريت أشوف تقدير ولو مكسلة تكتبى كومنت متستخريش حتى لايك 👍👍

فرحة عمرى
🌹🌹🌹🌹خير ما نبتدى الحلقة هو قول الله تعالى:
( ويمكرون ويمكر الله والله خير الماكرين ) 
عديلة....واد يا عامر .
عامر...نعم يا امى.
عديلة...رديت أعتبارك يا واد ، وحماك شرف فى التخشيبة.
عامر...يستاهل هو وبنته ال كسرت قلبى .
عديلة....أجمد كده ومتبقاش عامل زى البنات وبكرة تاخد ست ستها.
عامر بفرحة ....بجد يا ست الكل ، طيب شوفيلى عروسة كده نقاوة واحلى منها ..
عديلة....أنا حطة عينى على وحدة ،هتعيشك فى نعيم ومريشة على الآخر ومش هتخليك تغرم جنيه .
ولا حتى مواصلات .
عامر بعين متسعة من الفرحة...بجد يا امى.
قوليلى عليها ،الله يكرمك .
عديلة بتردد....هى هى الست ( هانم ) جارتنا ال فى وشنا وهى اسم على مسمى هانم بجد .
عامر پصدمة...هانم يا أمى ، دى ولا الشويش عطية وعانس ويمكن فى سنك كمان ، لا لا أنا عايزة وحدة حلوة وصغيرة .
عديلة...ويعنى الصغيرة والحلوة ، عملتلك إيه !
يا واد ، أنا قلبى عليك ، هى اه يعنى كبيرة حبتين بس مش مشكلة ، فلوسها هتنسيك ده كله .
عامر...يا امى ، بس النفس برده ، هجوزها إزاى دى .
عديلة....أعصر على نفسك لمونة يا واد ، وهى أولها بس صعب وبعدين هتاخد عليها .
وتعيشك مبسوط وتعملك كل يوم صنف أكل، وممكن تجبلك عربية تروح بيها الشغل بدل پهدلة الأتوبيس والمشى فى الشمس .
عامر...بس أنتِ عرفتى منين إنها مدكنة على فلوس .
عديلة....أنت مش شايف ، كل يوم والتانى تغير فى الدهب ال لابساه ولا كأنها بتغير فى هدومها ، وكمان بشم من مطبخها أكل إيشى سمك وجمبرى وإيشى كفتة وطبيخ وهوبر ، ده من الريحة بس بجيب رغيف وأكل على الريحة.😀
وهى وحدانية من ساعة ما ابوها وامها ماتوا وعايشة على معاشهم ، فأكيد مدكنة تحت البلاط وشطارتك انت تعرف فين الفلوس دى .
عامر....اه طبعا لازم أعرف، عشان اسمع بيقولوا الحياة الزوجية مشاركة .
عديلة ...اه طبعا يا ضنايا ، مشاركة ، هى تطبخ وأنت تاكل .
عامر...خلاص يا امى، امرى لله ،زى بعضه ، هجوزها ، اهى ست وخلاص .
عديلة...عين العقل يا ضنايا ، ربنا يسعدك ، وبكرة ان شاءالله هروح أخطبهالك.
وفعلا راحت عديلة وخطبتها وطبعا هانم فرحت ومصدقت عريس حلو وصغير .
يا ترى هتقع برده فى الفخ زى فرحة ولا هتتطلع نصحه 😀
بس ال فارق إنها رضت خطوبة من غير شبكة ولا فرح ولا اى شىء وده كان مفرحهم أوى .
........
ريتال ...بقلك يا نورا يا حبيبتى ، دكتور عمر كلمنى وقال إنك لازم تعملى محضر فى الزفت شريف وأصحابه .
نوران بحزن..بس للأسف لو عملت محضر ، الكل هيجيب فى سيرتى ، ومش هقدر اتحمل نظراتهم ليه ،وكمان شريف هيقول إنه مجبرنيش إنى أروح معاه وهى فعلا دى الحقيقة ، فأنا أحمد ربنا إنها جت على قد كده ، وربنا يكملها بالستر .
ريتال...بس لازم ياخد عقابه ، عشان ميكررهاش تانى.
نوران ...ربنا سبحانه وتعالى مش بينسى والدنيا دوارة وأكيد هياخد عقابه وأنا فوضت أمرى للذى لا يغفل ولا ينام .
ريتال...ربنا يزيدك رضا وقرب من الله ويعوضك خير يا حبيبتى.
نوران ...أنا بفكر أنقل قسم تانى خلاص عشان مقابلش دكتور عمر أو شريف وصحابه ، مش قادرة صراحة عينى تيجى فى عنيهم .
ريتال....بس انتِ طول عمرك بتحبى القسم ده( الآثار) 
نوران...ايوه بس الظروف ، خلاص مبقاش ينفع .
ريتال...لا منصحكيش ، أنتِ لازم تكونى قوية ، وتجبريهم بأخلاقك وإيمانك بالله إنهم يحترموكى.
أما دكتور عمر...فهو راجل محترم بالعكس هيحترم تغييرك ومع الوقت هينسى ال حصل .
نوران..تفتكرى هيقدر ينسى ويرجعلى .
ريتال بحزن...بصى حبيبتى ، متزعليش منى ، بس فعلا الراجل الشرقى مش بينسى فمأظنش هيرجع لإن حتة الشك هتفضل جواه .
فالأفضل إنك تنسيه حبيبتى ، وان شاءالله ربنا هيكرمك بالأفضل .
نوران...عندك حق ، ربنا يسعده بالأحسن منى ،هو فعلا يستاهل كل خير.
.......
آسر مروح بيتهم بالليل ، فاټصدم لما شاف شريف  قدامه  وعنيه بطلع شرار .
آسر پخوف..شريف .
شريف..اه شريف يا جبان .
آسر حاول يجرى ويهرب منه بس للأسف كان مستنيه مازن ومعاه ( على ) 
آسر...إيه أنتوا التلاتة عليه ،ده مش عدل .
شريف...إحنا هنوريك العدل دلوقتى ، بقا تفتن علينا ، هى دى اخرتها.
آسر...ڠصب عنى والله ، هددنى إنه هيفصلنى من الكلية 
مازن...يفصلك...طيب إحنا هنفصلك من الدنيا كلها.
آسر ...حرام عليكم 
على...حُرمة عليك عشتك.
وتكالبوا الثلاث ذئا..ب عليه وأوسعوه ضر.با ، حتى انكسرت اضلعه واتجرح جلده وڼزف من من كل مكان ، ولم يتركوه إلا بعد سماع صوت سيارة تأتى ، فقاموا بالهرب وتركوه وقد اوشك على الهلاك .
ولكن رحمة ربنا أن صاحب السيارة قد لمحه مفترشاً الأرض فستوقف السيارة ونزل إليه .
الرجل...لا حول ولا قوة الا بالله ، مين بس ال عمل فيك كده ؟
آسر پألم .أرجوك خد موبيلى واتصل بأهلى، ووصلنى على أقرب مستشفى ، الله يخليك بسرعة، أنا بمۏت .
وفعلا بحمد الله وصل المستشفى فى حالة حرجة ودخلوا بيه العمليات عشان يقفلوا الچروح ويعملوا جبيرة لكسر إيده ورجله .
ووصل أهله للمستشفى وتم عمل محضر واتهم فيه آسر أصحابه بالتعد..ى عليه ، فطلع أمر بالقبض عليهم .
وأكيد ربنا هيعاقبهم بالسجن وكمان الفصل من الكلية .
..............
عمر بإبتسامة خجل....أمى حبيبتى.
والدة عمر ....نعم يا حبيبى.
عمر ..كنت عايز أفتحك فى موضوع كده .
والدة عمر بمكر...فهى كانت تشعر أن عمر فعلا قد وقع فى حب ( فرحة ) ولكن كانت تنتظر أن يأتى لها ويحادثها بنفسه وخصوصاً بعد فسخ خطوبته ( نوران )
والدة عمر...خير يا حبيبى.
عمر.....حضرتك ، كنت قولتيلى أن ممكن تكون فرحة بتفكر فى إنسان عشان كده بترفض العرسان ولما قبلت عامر مكنتش مستريحاله .
والدة عمر بمكر...مش فاكرة ، يا عمر .
عمر...يا ماما افتكرى كويس .
والدة عمر...اه اه افتكرت ، وانت إيه يهمك يعنى تفكر ولا متفكرش ؟ 
عمر بخجل...يعنى يا امى ،متعرفيش مين هو ده ال بتفكر فيه ؟ 
والدة عمر بضحك...ال على راسه بطحة يا ابنى .
عمر بسعادة...بجد يا أمى، قصدك .....
والدة عمر....هو ده ال بتفكر فيها أنت ، هى كمان بتفكر فيك ، بس أنت أتأخرت اووى يا حبيبى عليها ،كنت فين من زمان ؟
عمر......كنت مغفل معلش .
والدة عمر...لا يا حبيبى ، هو كله بقدر الله ولعله كل ال حصل خير ، يمكن لو محصلش ده مكنتش خدت بالك منها .
هى يا ابنى بتحبك من وكنتوا لسه أطفال وانا الوحيدة ال كنت حاسه بيها ، ويمكن كمان سارة اختها لإنهم قريبين اوى من بعض .
عمر...بس إزاى أنا مخدتش بالى ؟ هى عمرها ملمحت بحاجة.
والدة عمر...فرحة ست البنات وعرفة ربنا وحدودها فى التعامل ،فهتلمح إزاى ، ودى كمان حاجة مش عايزة تلميح ،دى حاجة تتحس ولا إيه يا دكتور عمر.
عمر....عندك حق يا أمى .
بس إزاى اقدر أفتحها فى الموضوع ولا أكلم عمى الأول .
والدة عمر..الوقت دلوقتى مش مناسب يا عمر ، عشان القضية وكده ، وهى ممكن دماغها يروح فى حتة تانية .
عمر ....حتة تانية إزاى؟ 
والدة عمر...يعنى إنك هترتبط بيها عشان مجرد سمعتهم قدام الناس عشان القضية مش عشان بتحبها ، فعشان كده اصبر هى ياما صبرت لغاية مربنا يكرم وتنتهى القضية ويرفعوا راسهم من جديد .
عمر.. ..امرى لله هصبر أهو ،وهروح أكلم عبد المنعم ،اشوف آخر الأخبار هيعمل ايه؟
والدة عمر..تمام يا حبيبى ،ربنا يدبر الأمر
...........
عمر....يا عم عبدالمنعم ، فينك وفين أراضيك ، مش قلت هتخلص القضية فى يومين .
عبد المنعم...حيلك يا ابنى ، منا بخطط وبرسم أهو ، مستعجل ليه ؟
عمر...ايوه مستعجل ، أنا أكتشفت إنى بحب فرحة ، ومش هينفع ارتبط بيها غير لما القضية تخلص .
عبدالمنعم بضحك...أكتشفت ! 
عمر...تصور 
عبد المنعم ..ومين سمعك يا عمر يا اخويا ، انا كمان فى طريقى للإكتشاف .
عمر....إيه وقعت فى مين يا نمس ؟
عبد المنعم...فى أخت ال أكتشفتها يا خفيف .
عمر...يا ليلة بيضة ، شكلنا هنعملها فى نفس اليوم .
عبد المنعم....ياريت .
عمر...طيب قول إيه الجديد.
عبد المنعم ...إسكت ده أنا هخلى أمى تمثل ولا كأنها الست عبلة كامل .
عمر...يا جنانك إزاى يا متر ؟
عبد المنعم...مهو أنا ألعب مع الجانبين عشان ال يعصلج فيهم يمشى التانى .
عمر ...قول يا فريد زمانك.
عبد المنعم...هخلى أمى تتعرف وتصاحب على عديلة ، وهترسم عليها الدور و هترشيها بهدية حلوة تزغلل عينيها .
عمر...بجد إزاى ؟
عبد المنعم..هتروحلها وكأنها غلطت فى الشقة ، ومعاه طبعا كسين فاكهة وعلبة حلويات .
الست هتشوفها طبعا هتطلب منها تدخل تستريح وكلمة تجر كلمة هتقررها .
عمر...طيب ليه الفيلم ده ، مش قلت والدتى هتروح للجواهرجى وكده.
عبد المنعم ...منه خۏفت الراجل يعصلج وعشان ميعرفكمش ېخاف ويعمل نفسه شريف وملهوش فى المغشوش، فقلت ندخل على الكبيرة ( عديلة) وهى عشان بطنها تبيع إبنها .
عمر بضحك...يخربيت دماغك ، ماشى .
خلص الفيلم ده واحكيلى حصل إيه ؟
عبد المنعم ..تمام يا ريس ، اهو امى بتلبس ونازلين .
عمر..وانت عارف العنوان؟
عبد المنعم...اه اخدته بطريقتى من القسم ، أنت عارف كل حاجة بتمشى بالفلوس .
عمر...اه للاسف .
.............
تخبط والدة عبد المنعم ( سميرة )على عديلة.
عديلة....الله يحرقك يلى على الباب ، براحة على الباب هتكسره فى إيدك .
سميرة بضحك..خاېفة على الباب ،الله يهدك ولية.
عديلة تفتح وتشوفها وتبحلق للكياس ال شيلاها .
عديلة...أنتِ مين يا أختى ؟ وعايزة إيه ؟
سميرة تنهج ...مش شقة الحاج احمد ؟
عديلة...لا يا حبيبتى، بس أنتِ تعبانة ولا إيه ؟ 
سميرة...لا بس من السلم ، شكله مش فى العمارة دى ولا إيه ؟
عديلة عنيها هتطلع على الأكياس بتقول...متخشى يا حبيبتى تستريحى شوية وأنتِ شايلة كده ، إيه ده كله .
وتدخل سميرة...معلش يا حبيبتى ، هتقل عليكِ.
عديلة...أنتِ جايبة الحجات دى كلها لمين؟
سميرة...دى عشان مرات إبنى ڠضبانة عند ابوها  يا ستى ، وعايزة اصلحها .
عديلة...ستات اخر زمن ، وليه ڠضبانة؟
سميرة...طماعة ټموت فى الدهب وكل شوية تقول لإبنى ، انا شفت كذا عجبنى وده عجبنى وابنى كان بيجيب لحد يا عينى ما الحال واقف ومش قادر يجبلها كل طلباتها زى الأول فڠضبت وراحت لأبوها وهو قاعد زعلان عليها ، فقلت اجى أصالحها ورجعها بيتها ، ومش عارفه هعمل ايه معاها دى مريضة حب الدهب ؟
عديلة...ابنك صراحة مدلوق عليها اوى ويستاهل ال بتعمله فيه ، ميسبها تتحرق بجاز.
سميرة ...بيحبها يا ستى.
عديلة ...بلا حب ولا زفت .
عديلة بخبث...ولو قلتلك على حل يريحك ابنك ويرضيها فى نفس الوقت يبقى ليه عندك الحلاوة ؟ 
سميرة...اه طبعا ..
عديلة ..بس أنتِ جايبة إيه فى الكياس دى ، متخلينى ادوق كده ؟
سميرة ..بس كده..أتفضلى .
أكلت عديلة وقعدت تحكى لـ سميرة تعمل إيه !
عديلة...بصى يا ستى كل ممرات ابنك تعجبها حاجة من الدهب ، إبنك يعملها نفس الشكل بس فالصوا فيريح جيبه ويريحها .
سميرة بمكر...إزاى يعنى ؟
عديلة ...أفهمك أنا عملت إيه مع خطيبة إبنى لما حستهم ناس مش ولابد وخفت يضحكوا علينا وتروح علينا الشبكة لو فكرنا نسيبهم .
...فرحت على الجواهرجى جارنا ال على الناصية ده ، وفهمته يعملنا نفس شكل الشبكة فالصو وعملها ولا مين شاف ولا مين درى .
بحيث لما محصلش نصيب يبقى مخسرناش حاجة.
سميرة بضحك..إيه الفكرة الحلوة دى يا حبيبتى ، كده المشكلة أتحلت .
وقامت سميرة وطبعا الكلام كله كان متسجل 
عديلة ....متقعدى يا حبيبتى ، بس فين حلاوة الفكرة.
سميرة..خدى يا حبيبتى كل الاكياس دى ليكِ ألف هنا .
عديلة بفرحة مسكت الاكياس بلهفة ولا عيل صغيرة ملهوف على حاجة حلوة😀.
ونزلت سميرة ال ابنها كان مستنيها على ڼار .
عبد المنعم...إيه الأخبار ؟ سبع ولا ضبع .
سميرة..ايه يا متر ، مش عارف أمك ، ده انا استحق جايزة نوبل ، سبع طبعا ، ومعايا التسجيل فيه اعترافها .
عبد المنعم..عفارم عليكِ يا ست الكل⁦❣️⁩.
أتصل عبد المنعم بعمر ...
عبد المنعم....تعال حصلنى على القسم بسرعة مستنيك .
عمر فعلا وصل القسم وقدم عبد المنعم التسجيل للمقدم المسئول عن البلاغ وامر بضبط وإحضار السيدة عديلة پتهمة البلاغ الكاذب .
وإنهاء ملف الإتهام ببراءة الحاج حلمى مما نسب إليه .
فرح عمر وعبد المنعم وطاروا الأتنين يبشروا والد فرحة بلى حصل .
وكل واحد منهم مقرر ان يفتحه بعد ميبشره فى الخطوبة .
.......
يارب تكون الحلقة عجبتكم 
وعايزة توقعاتكم الحلقة الجاية ؟ 
عامر هيعمل إيه لما عديلة تسجن ؟ 
هيكمل جوازته من جارته ولا هيفشكلها ؟ 
يا ترى فرحة لما تسمع صوت عمر وهو بيفاتح والدها فى الخطوبة هيكون إيه إحساسها ؟ 
تعبنا وزعلنا كتير عايزين نفرح الحلقة الجاية إن شاءالله .
ام فاطمة⁦❤️⁩
الجزء الثامن 
فرحة عمرى 
هو العدد مكملش ( ١٠٠) بس عشان عيون الناس ال قدرت فعلا ومهتمة بس ياريت الحلقة دى ألاقى عليها تفاعل 
وعشان متنسيش اعملى لايك قبل القراءة وكومنت بعدها 
🌹🌹🌹🌹
أفنى البخيل عمره  فى جمع المال ولكن بلا فائدة ، حيث حرم نفسه من متع الدنيا وحرم أهله معه وفى النهاية  سوف يتركه لهم بعد مۏته رغماً عنه .
هانم بدلع...تعال اتغدى معايا يا عمور .
عامر... فيكِ الخير والله يا ست الهوانم ، من ساعة ما أمى اتحبست وأنتِ معوضانى بحنانها واكتر كأنك امى .
هانم بغيظ ...إيه أمك دى ؟ شايفانى كبيرة .
عامر...لا مش القصد يا حبيبتى ، ده أنتِ قطة مقطقطة .
وطبخالنا إيه النهردة؟
هانم بابتسامة ...ايون كده أتعدل ، وطبخالك فضلة خيرك شوربة كوارع ترم عضمك شوية ، بدل ما انت  عامل زى عود الكبريت كده .
عامر....الله ودى طعمها حلو ، أنا مدقتهاش بس زمايلى فى المدرسة كانوا بيكلموا عليها وقلت لأمى تعملها ، قلتلى لا مش إحنا ضمنين تكون عضم كلا.ب وبيضحكوا علينا .
هانم...هههه ضحكتنى، كلا.ب ايه بس ، ربنا يجازيكى يا عديلة ، تعال لما أدوقك يا عيونى.
عامر....وراكِ يا عيون عامر .
عديلة حطت الأكل ،وعامر قعد ياكل ومش قادر حتى ياخد نفسه من كتر مبيبلع ورا بعضه .
هانم..ايه ابن المفجوعة ده ، بس يلا اسمه راجل ، احسن من مفيش .
هانم بدلع...مبقولك ايه يا عمور .
عامر.نعم يا حبيبتى.
هانم...هو احنا لسه يا اخويا هنستنى الست امك عشان نجوز وأهنيك وتهنينى .
عامر...يعنى بس الناس تقول إيه اجوز وأمه محپوسة.
وإحنا يعنى عاملنا كتب كتاب خلاص يعنى إسمنا مجوزين .
هانم...ده على الورق بس ، إنما نفسى ألبس الفستان الأبيض و نتجمع تحت سقف واحد .
هانم...هو كمان الناس بتبطل كلام ، خلينا نعيش حياتنا ، ولى يقول يقول .
عامر.. عندك حق خلاص نعمل ليلة على القد كده ، بس تمتعينى كل يوم بأكلة دسمة كده .
هانم بضحك...بس كده عيونى ،نجوز بس ، وأعملك كل ال نفسك فيه .
عامر ..ماشى ، شوفى الوقت ال يريحك.
هانم...عقبال بس منوضب ونجيب عفش جديد ، امال انا عروسة ولازم كل جديد فى جديد.
عامر پصدمة...جديد إيه هو أنتِ فاكرة نفسك نوغة ،وانا أصلا عندى شقتى وفيها العفش وكله .
هانم محدثة نفسها( بقا كده ، أنا وراك انت وأمك البخيلة الرِمّه ) 
هانم ...كده يا عمور ، وأنا فكراك بتحبنى ، بتعايرنى عشان أنا يعنى اكبر منك يعنى كده بسنة ونص .
عامر ....بضحك سنة ونص ، لا وأنتِ الصدقة هو نص اه بس نص قرن .
هانم....بلعت الكلمة وقالت تكلم بلى يدخل دماغه ،عشان هى عرفة دماغه.
هانم...أنا يا سيدى ال هجيب كل حاجة بفلوسى ، متشلش هم أيتوها حاجة.
وشقة إيه بتعتك ال فى اخر الدنيا دى ، لا يا حبيبى أنا عندى فاكرة ، إحنا هنفتح شقتك على شقتى ، ونوضبها حاجة ألاجة ونجيب عفش مودرن ونعيش حياتنا .
عامر..بجد
بس أمى متزعلش عشان خدنا كده شقتها.
هانم..( متزعل ولا تتفلق )
يوه مش عندك شقة تبقا تروح تعيش فيها ثم غمزت له ( عشان نقعد أنا وأنت على حريتنا ) 
عامر...ماشى كلامك يا هنومة ، عشان كمان متبصلناش فى الأكل .
...............
فرح الحاج حلمى بظهور برائته ، وسجد لله شكر عند سماع الخبر .
وأطلقت الحاجة كريمة الزغاريد وقامت بإعداد اكواب من الشربات .
والدة عمر ...الفرحة النهاردة مش فرحة براءة الحاج حلمى بس ، لسه فيه فرحة تانية لفرحة ست البنات ومش هى بس كمان لـ سارة ، مهو الفرحة كده لما بتيجى بتيجى بالجملة .
الحاجة سميرة...تقصدى إيه يا حبيبتى ؟
والدة عمر...تكلم أنت ولا أكلم أنا يا عمر ؟ 
عمر بحرج ..انا حولت ومش قادر ، قولى انتِ يا ست الكل .
والدة عمر ...بصى يا ستى ، عايزين نبقا زيتنا فى دققنا وناخد عمر لفرحة وعبد المنعم لسارة  ، ها إيه رئيك ؟
الحاجة سميرة ببشاشة وجه...ده يوم المنى يا حبيبتى ، عمر ابنى قبل ميكون إبنك ، وكمان عبد المنعم شاب أخلاق ومحترم ، والله ده كرم من ربنا كبير ، ألف حمد وشكر ليك يارب .
سارة سمعت الكلام ، دخلت تجرى ،لـ فرحة
فروحتى يا فروحتى يا أجمل فرحة فى الدنيا ، تعالى بسرعة .
فرحة...خير مالك بتنططى كده ، ولا اه عشان المتر بره ، ماشى يا ستى هنيالك ، ربنا يسعدك.
سارة ..مش أنا لوحدى ، فيه جمبه شاب حليوة كده كمان ، طلب إيدك .
فرحة بتعجب....هو فيه حد برا غير عبد المنعم وعمر .
مين هو ده وعرفنى منين ، انا مصدقت خلصت من عامر ، تانى لا لا مش عايزة أجوز .
سارة...مش لما تعرفى مين الأول ؟
فرحة..مين يا حاجة؟
سارة...الدكتور عمر إبن خالتك طالبك للجواز ، مش قلتلك السنارة غمزت .
فرحة إتسعت عيناه من المفاجأة ، وألجم لسان حالها .ولم تدرى بنفسها إلا ودموعها تتساقط .
سارة...يادى النيلة ، هو أنتِ كده تعيطى فى الحزن والفرح 
فرحة ...بس أنا مش موافقة .
سارة پصدمة...إيه يا أختى ؟
فرحة...زى مسمعتى .
سارة...أنتِ هتجننينى؟
مش عمر ده ال كنتِ بتموتى فيه وبتحبيه وبترفضى العرسان عشانه ، فجأة دلوقتى بقا كرهتيه ومش عايزاه.
فرحة بحزن...إفهمينى يا سارة
وكان الوقت ده عمر كان بيقرب من اوضتهم ، زى مقولتله الحاجة كريمة ، إنه يبلغها بنفسه ولسه هيخبط يستأذن سمع كلام فرحة .
فرحة...أنا من ساعدت معرفت يعنى إيه حب ، وانا بحب عمر ، معرفش غيره ولا هعرف غيره ، لكن هو محبنيش بالدليل حب غيرى  وخطبها كمان .
سارة...بس خلاص ده فسخ خطوبته.
فرحة...اه فسخ ، وعايزنى أكيد بديل ،أنسيه حبه ليها ، لكن مش بيحبنى أنا لنفسى ،فهمتى ، وده ال مقبلهوش على نفسى ، عشان كده مش موافقة.
عمر سمع كلامها وحس بحزن شديد مش لرفضها رغم حبها الشديد له ، لكن لتأخيره فى إحساسه بها ، (هو فعلا أتأخر اووى ، بس فعلا هو بيحبها مش بديل أبدا ، بس إزاى يثبتلها الحب ده ، لو كلمها ممكن متصدقهوش ، فلازم يثبتلها بالفعل .
.......
غادر عمر منزل خالته والحزن يملىء وجهه حتى إنه لم يلتفت لنداء والدته وهى تنادى.
والدة عمر....خير يا ابنى خلاص نتفق إحنا وعمك على التفاصيل ونقرا الفاتحة.
الحاجة كريمة...هو ماله يا حبيبتى؟ مش طبع عمر ده أبداً يمشى من غير ميسلم علينا .
والدة عمر...مش عرفة والله ، نسئل فرحة وأنت يا عبد المنعم ألحقه تحت شوف ماله ؟
عبد المنعم ...حاضر ، فوريرة وراه ، هو ده وقت نكد يا عمر ، ثم تمتم ( الله ينكد على عمرك ، ده أنا مصدقت أتأهل ) 
ودلفت الحاجة كريمة مع أختها إلى فرحة وسارة فى غرفتهما.
الحاجة كريمة...فيه حاجة حصلت بينك وبين عمر ولا إيه يا فرحة ؟ 
ليه أخد فى نفسه ومشى كده؟
فرحة بأستغراب..أنا ؟ مشتفتهوش ولا كلمت معاه!
والدة عمر....إزاى يا بنتى ؟ هو مش كان عندكم من شوية عشان يفتحك فى الخطوبة ؟
سارة ...شكله كده سمع كلامك يا فرحة ومشى زعلان .
فرحة پصدمة...سمعنى ؟
الحاجة كريمة...هو فيه إيه فهمونى ؟
سارة...أقول أنا يا اختى ال هببتييه ولا تقولى أنتِ؟
فرحة بحرج...يا جماعة أُعذرونى ڠصب عنى ثم أجهشت بالبكاء .
فتقدمت لها والدة عمر واحضتنتها بحنان .....مالك بس يا فرحة يا بنتى ، أنا لولا عرفة ومتأكدة أنتِ قد إيه بتحبيه كنت أفتكرت إنك مش عايزاه.
ساره.....مهو ده فعلا ، بتقول الهانم إنها مش موافقة على عمر رغم إنها بتحبه وشكله سمع الكلام ده وزعل وحقه طبعا .
الحاجة كريمة....إزاى ده بس يا حبيبتى ، بتحبيه ومش موافقة ، ده كلام برده يا فرحة ، ده حتى أنتِ ست العاقلين .
فرحة بإنفعال ....اه بحبه وياما دعيت ربنا يجعلهولى زوج ليه فى الحلال ، لكن ما حب وخطب غيرى ، قولت نصيب ومش ليه .
والدة عمر....مخلاص يا بنتى سبها وعايزك انت ِ
فرحة.....اه سبها ، بس يا ترى قلبه كمان سبها ، وعايزنى ليه ؟ عشان أنسيه حبه ليها ؟
والدة عمر ...لا يا فرحة إنتِ كده ظلمتيه ، عمر محبش نوران أبدا وإلا مكنش سبها مهما عملت ، هو بس أكتشف إنه كان مجرد أعجاب ومش حب حقيقى أبدا ، ولما أقرب منك فى الأزمة الأخيرة دى ،  شافك بنظرة تانية غير ال متعود عليها وانتوا صغيرين ، وقلبه فعلا أتشدلك وحبك وعرف إنه كان غلطان لما أرتبط بـ نوران وإنه بيحبك أنت بجد .
فرحة....حضرتك ال بتقولى كده ، لكن هو أكيد مش كده .
والدة عمر...لا مش أنا ال بقول كده ، هو ال أعترفلى ده بنفسه .
فرحة بـ فرحة....يعنى عمر بيحبنى فعلا مش مجرد بديل ؟
والدة عمر ...اه والله ، شوفتى ظلمتيه إزاى؟
سارة...معلش غشيمة وملهاش فى الصنف .
فضحك الجميع من كلمة سارة.
فرحة بخجل...طيب إعمل إيه دلوقتى ؟
سارة....تتصلى بيه وتقوليله أنا بحبك تجوزنى 😀
فرحة....تصورى إنك عايزة تتضر.بى 
فختبأت سارة ضاحكة وراء والدتها 
الحاجة كريمة...أختشى يا سارة ، دى أختك بتكسف من خيالها ،مش زى عنيكي يندب فيها رصا..صة ومش قادرة ترفيعها من على عبد المنعم بس تصورى  شكله شبهك ، ما جمع إلا موفق.
سارة....انا يا ماما ، طيب خلاص ، أنا كمان مش موافقة، وخلينا قعدلك كده.
فضحك الجميع مرة أخرى.
والدة عمر....خلاص سبولى أنا عمر هتصرف معاه.
.................
أسرع عبد المنعم إلى عمر فى الطريق ..
عبد المنعم بنهجان....أنت يا عمنا قطعت نفسى ، حرام عليك ،ده أنا مدخلتش دنيا لسه .
عمر...إيه نزلك أنت ورايا ؟
عبد المنعم....ال نزلنى هو إنى مرتبط بحضرتك فى أم الجوازة دى ال وقفلنا زى اللقمة فى الزور ومش عايزة تعدى .
فكها الله يخليك أنت ووالست فرحة ، أشكال نكد بصحيح ،ذنبا إيه بس أنا وكتكوتى ( سارة ) .
إبتسم عمر رغم حزنه...طيب وأنا ومالى ؟
متروح تعشش على كتكتوك  وتعيش حياتك وسبنى أنا فى همى .
عبد المنعم....مهو همك للأسف هيبقى همى ، لو جوزتك وقفت ، الناس دول دقة قديمة ولازم يفرحوا بالكبيرة الأول .
عمر...ده غلط والله وبيوقف حال بنات كتير والموضوع نصيب ورزق ، ال تجلها نصيبها تخده .
عبد المنعم ..هنعمل ايه بس ؟
بس أنت مالك يعنى؟ مكنت مزقطط والحال ماشى ؟ إيه خربها تانى على بختى ؟
عمر....أنااااا شكلى ال أتأخرت اوووى وجيت فى وقت غير مناسب .
عبد المنعم...فزورة دى ولا إيه ؟
عمر....مش فزورة ولا حاجة ، فرحة شكة فى حبى ليها وبتفتكر إنها مجرد بديل مش اكتر لنوران ، ومش عارف أثبتلها إزاى إنى بحبها ومش مجرد بديل ؟
عبد المنعم...لا أنت عيزلك قعدة مينفعش على الواقف كده ، تعال بس نقعد فى اى مكان ، وانا هفهمك الشغل إزاى ، وهخليك تلعب على الوتر الحساس وتخليها تحس إنك مش بتحبها بس ، هتحس ولا كأنك عنتر زمانك وهى هبلة قصدى عبلة 😀
عمر مبتسماً.....ماشى يا حكيم عصرك وأوانك منك نستفيد ، منه عرفك ، كنت مقطع السمكة وديلها مش غلبان زى حالاتى. 
عبد المنعم....لا أزعل منك كده ، أستر عليه ،إلهى تنستر عشان سارة متشمش خبر تفركش الجوازة زى أختها ، أنا خلاص بجد من ساعة مشفتها وأنا تبت إلى الله وعفا الله عما سلف.
عمر...يعنى خلاص عينك دى ،مش هتزوغ كده ولا كده ؟معقولة دى!
عبد المنعم...صدقنى الحب بيغير الإنسان ، وأنا فعلا قلبى حبها من أول مرة شفتها ، ومبقتش شايف غيرها فى عينيه .
عمر....يا واد يا جامد ، ربنا يسعدك معاها .
عبد المنعم ...إيدى على كتفك تعال لما بس أفهمك هتعمل إيه ؟
..............
وقفت نوران أمام المرآة تنظر لما ترتديه من عباءة فضفافة وحجاب طويل ولم تضع أى من مساحيق التجميل .
نوران...مش عرفة لما يشوفونى كده  فى الكلية هيقولوا إيه ؟ ممكن يتريقوا عليه ؟ ويقولوا هى من إمتى كده ، محڼا عرفنها كويس .
نوران...لا يقولوا ال يقولوه مش مهم ، أنا خلاص مش عايزة أرضى غير ربنا سبحانه وتعالى .
ثم غادرت غرفتها لتجد والدتها ،فقبلتها من جبينها وسئلتها ؟
نوران...إيه رئيك يا ست الكل ، شكلى حلو كده ولا الأول أحسن ؟
والدة نوران ...بسم الله ماشاءالله ، والله يا نورا زى القمر والحجاب زادك جمال ووقار كده يا بنتى ، ربنا يبرلكك وينور طريقك كمان وكمان ، ويعوضك خير .
نوران...يارب يا أمى ، بس خلاص مبقتش أفكر فى موضوع الجواز دلوقتى ، أهم حاجة مستقبلى .
والدة نوران...ربى يوفقك ويسعدك يا قلب أمك.
نوران...يارب يا امى ، أهى دعواتك دى ال بتحمينى بفضل الله .
وصلت نوران إلى الجامعة فتوجهت نظرات الطلاب إليها ،ما بين مشجع ومبارك لها وما بين مستهزأ ( إيه ده بقيتى شيخة إمتى ؟
ثم قابلت رفيقتها ( ريتال )
ريتال ... ماشاءالله إيه الجمال ده ، بدر منور والله .
نوران بضحك...يا ستى مين يشهد للعروسة .
ريتال ...لا والله أنتِ اصلا جميلة والحجاب الساتر زادك جمال.
ثم أقترب منهم زميل لهم...بقلكم إيه يا جماعة ، النهاردة إن شاءالله هنروح نزور ( آسر ) فى المستشفى .
نوران پصدمة...إيه ماله حصله إيه ؟
زميلهم ( عادل ).....مش عارف أخوه قلى إن شريف وعلى ومازن ضړبوه ومعرفش إيه السبب ؟ المهم هتيجوا معانا بعد المحاضرة إحنا حوالى ٨ ؟
نوران بحزن...اه طبعا زيارة المړيض واجبة ( خصوصا إنى السبب فى الموضوع ده ، يارب سامحنى ) 
فى المستشفى....تجمع زملاء ( آسر ) حوله .
عادل...ألف سلامة عليك يا آسر ، بس ليه كده ، إيه حصل خلاهم يعملوا فيك كده ده إحنا زمايل وأنتم كنتم قريبين من بعض ؟
آسر بص لـ نوران ال حطت وشها فى الأرض ومكسوفة من ال هيقولوه .
آسر محدثا نفسه...ياااه مكنتش عارف إنها حلوة  بطبيعتها كده اوى كده ، كنت بفتكر عشان كمية الميكب ال بتحطه ، لكن كده احلى كتير وماشاء الله العباية جميلة ربنا يزدها رضا .
آسر....مفيش اتعاركنا عادى ،انت عارف شريف كل شوية يحب يستلف فلوس منى ولما طلبته بيها زعق ومد إيده فلما جيت ادافع عن نفسى لقيت ( على ومازن أتحمقوا على صاحبهم وقعدوا التلاتة يضر.بوا فيه )
عادل...لا حول ولا قوة الا بالله ربنا يهديهم.
وهنا ابتسمت ( نوران ) ونظرت لـ آسر نظرة امتنان وشكر لانه لم يكشف سترها .
.......................
هانم وعامر ..فتحوا الشقتين على بعض وبيجهزوا عشان دخلتهم .
عامر وهو بيشيل كنبة قديمة كده ، حس إنها تقيلة أوى وسمع صوت حاجة بتتحرك جوه السحارة بتعتها ، ففتحها لقى صندوق خشب كبير بقفل .
عامر....يا ترى فيه إيه الصندوق ده ، وهفتحه إزاى من غير مفتاح ؟ مفيش غير إنى هكسره 
وفعلا هبده مرتين تلاتة فى الأرض لغاية متكسر وجت هانم على صوته .
فيه إيه يا عمور ، سمعت حاجة أتكسرت ,انت كويس .
عامر مذهولاً.. ...معقول ....؟؟؟
..........
يارب تكون عجبتكم يا بنات ، وكان نفسى تكون الأخيرة بس محبتش أسرع الأحداث وأديها حقها مهى خلاص مبقتش قصة صغيرة وقلبت نوفيلا 
وهتخلص على عشر حلقات إن شاءالله. 
عايزة رئيكم فى موقف فرحة ؟ 
صح ال عملته ولا كان مفروض متصدق تفرح بـ عمر وخلاص ال فات فات ؟ 
إيه رئيكم فى الكابل ( سارة😀وعبد المنعم )
وكمان موقف ( آسر )
وكمان المتنيل على عينه عامر 😂
ياريت تفاعل وكومنت حلو زيكم ⁦♥️⁩
أم فاطمة 💖.
الجزء التاسع 
فرحة عمرى
🌹🌹🌹
الحب إحساس جميل ⁦♥️⁩ تَسعد به الحياة ، يُزينه الكلمات وتُصدقه الأفعال .
عمر مبتسماً...أدينا قعدنا يا عبدو ، أشجينى قصدى علمنى أخليها تحس إزاى إنى بحبها ، ومنكم نستفيد قول .
عبد المنعم...ورقة وقلم واكتب 
عمر....يا عم أخلص ، انت صدقت إنه درس ولا إيه ! 
عبد المنعم...طيب براحة ، أنت كده مش هتستوعب ، الحجات دى عايزة صبر وحكمة .
عمر...يا صبر أيوب ، متنطق يا ابنى.
عبد المنعم....بص يا سيدى ، صلى بينا على النبى .
عمر ...صل الله عليه وسلم.
عبد المنعم ...البنات ديما بيحبوا الكلمة الحلوة مع شوية دلع وهشتكة وطبعا الكلمة دى مع كرت حلو مع كوز درة اقصد بوكيه ورد كده أحمر يعبر أن قلبك قد إيه ملتهب من كتر الحب .
عمر....كلمة حلوة إزاى يعنى ؟ أقول بحبك كده على طول ،وأدلعها يا فوفه، والورد ماشى مقدور عليها ، ها إيه تانى ؟
عبد المنعم...لا أنت حالتك صعبة خالص ، بص يا ضنايا .
الكلمة الحلوة مش شرط، بحبك كده على طول ، هى هتيجى بس تستحب تكون وجها لوجه اول مرة وأنت مسبل كده ولامس إيديها بس عشان عارف دماغك ودماغها وانتم ماشاءالله ملتزمين مش هتنفع الخطوة دى غير لما تكتبوا الكتاب وتعلوا الجواب .
قبلها بقى شوية اشعار كده تمهيد تنزلها من جوجل 😀.
عمر..متقول انت لسه هبحث ، انت خبرة .
عبد المنعم وهو بيعدل ياقة قميصه بفخر ( ربنا يهديه ولا فخر ولا حاجة كلها ذنوب للأسف ).
يعنى يا عمر....كبداية ممكن دلوقتى على الواتس تبعتلها...
لا تكسر أبداً كلّ الجسور مع من تحبّ، فربّما شاءت الأقدار لكما يوم لقاء آخر يعيد ما مَضى، ويصل ما انقطع، فإذا كان العمر الجميل قد رحل فمن يدري ربّما انتظرك عمر أجمل.
وبعدين نروح دلوقتى نشترى الورد وتكتب على الكرت :
سأكتب ولن اكتب سوى عنك، وسأتحدّث عن جمال  عالمي بك، وعن أحلام سأعيشها معك، وأسأل نفسي كيف فعلت هكذا بي عينيك؟.
..
عمر ...طيب جميل ماشى ده الكلام فين الأفعال عشان شايف إنها أهم .
عبد المنعم ...أقلك فرحة زى مشفتها وفهمت إنها ماشاءالله متدينة  فاشتغل على الجانب ده هتفرح كتير أوى .
عمر ...إزاى؟
عبد المنعم....يعنى لما تكون معاها حسسها إنك مهتم برضا ربنا وده طبعا مش أشتغالة لإنك فعلا يا عمر انسان نضيف من جوه وپتخاف ربنا وانا بحب ده فيك اوى وبحاول فعلا أكون زيك لإن ده ال باقى لينا واى شىء تانى سراب .
عمر....ربنا يعزك يا عبدو وانت اه فرفوش بس كويس يا جدع أمال صحبتك إزاى؟
عبد المنعم...ربنا يديمها صحبة صالحة، أكملك كلامى.
يعنى ...خلصتى وردك القرانى النهردة، اتناقشوا فى حكم فقهى ، قلها مثلا سمعيلى ال حفظته النهاردة ، مثلا كمان ، إيه رئيك نشجع بعض ونصوم أتنين وخميس .
انا عارف إنك بتصلى الفجر ، بس مفيش مانع تقلها رنيلى فى الفجر هتفرح وهتحس إنها بتعمل عمل خيرى 😀.
وخد بقا التقيل 
عمر...إيه يا عم الشيخ زدنى ؟
عبد المنعم...بدل الفرح والمصاريف ال ملهاش لزمة دى على الفاضى وفى الاخر الناس هتطلع تكلم ، الجاتوه مكنش ليه طعم ، فستان العروسة مكنش حلو، وكلمة من هنا وهنا .
فأنت تخدها من قصيرها وتحط فلوسك فى عمرة لبيت الله وتبتدى حياتكم بالبركة .
أتسعت عين عمر بالفرحة ومكنش مصدق أن صاحبه ال بيقطع فى الصلاة وديما يقله صليت ولا لسه ،يخرج منه الكلام الحلو ده كله ، يعنى قلبه فعلا مليان خير بس عايز ال ياخد بإيده ويمكن هو كان مقصر معاه ومش يوصله المعلومة إزى بطريقة محببة .
عمر... ماشاءالله ، الله ينور عليك يا صاحبى ،وجارى التنفيذ.
عبد المنعم بضحك..أبقا عد الجمايل بس .
..........
وبينما فرحة جالسة على فراشها تفكر فيمن إحتل قلبها منذ الصغر وتتسائل هل حقا يحبها مثل ما تحبه ، أعلن هاتفها بوصول رسالة على الواتس ، فقامت بفتحها فإذ بها من عمر فأهتز قلبها ولمعت عينيها .
الرسالة كما قلنا :
لا تكسر أبداً كلّ الجسور مع من تحبّ، فربّما شاءت الأقدار لكما يوم لقاء آخر يعيد ما مَضى، ويصل ما انقطع، فإذا كان العمر الجميل قد رحل فمن يدري ربّما انتظرك عمر أجمل.
فرحة ....ياااه يا عمر ، أنا ياما بنيت جسور وياما حلمت بيك ودعيت إنك تكون من نصيبى ، وفعلا سنين كتير راحت  ،وتفتكر صح سنين عمرنا ال جاية هتكون فعلا حلوة وهتعوضنى عن سنين الأنتظار.
ثم أغلقت عينيها وأحتضنت هاتفها متمتمة ( يارب ⁦♥️⁩يارب ) 
ثم بمرور نصف ساعة كانت أنهت فرحة وردها القرانى وأذن لصلاة المغرب فقامت للوضوء ثم صلت ودعت كثيرا فى سجودها أن يرزقه الله حبها فالحب رزق كما قال المصطفى عن خديجة رضى الله عنها( إنى رزقت حبها ) 
وما إن أنهت الصلاة حتى رن جرس الباب واستقبلت الطارق ( سارة ) فوجدت عامل من محل الورود ومعه باقة جميلة ومعها كارت بإسم سارة .
سارة...يا لعبك يا عمر ، والله بضتيلك فى القفص يا فروحتى ، وربنا عوضك بعد سنين العڈاب والأنتظار ، بس إيه الذوق والجمال ده ، يا ترى يا عبد المنعم أنت كده كمان ولا ؟ 
ثم طارت إلى أختها مبتسمة وسعيدة .
سارة...فروحتى يا فروحتى يا قمر أنت .
فرحة...خير يا سرسورة مالك ، وإيه الورد الجميل ده ؟ شكل المتر عبد المنعم واقع لشوشته .
سارة...عبد المنعم إيه يا أختى ، خدى شوفى بنفسك مين !
أخذت فرحة الكارت لتقرئه :
:
سأكتب ولن اكتب سوى عنك، وسأتحدّث عن جمال  عالمي بك، وعن أحلام سأعيشها معك، وأسأل نفسي كيف فعلت هكذا بي عينيك؟.
المتيم 💖عمر 
فرحة بدهشة....معقول ده ليه من عمر ؟
سارة...ايوه يا ستى هنيالك ، صدقتى بقا إنه بيحبك ولا لسه برده مقلقة ؟
فرحة...مش عرفة بس يعنى قلبى مرتاح ومبسوطة ، ثم تركتها سارة لتسرح فى عالم الحب مع تلك الورود   العطرة تشم ريحقها وتنثر بريق الأمل .
..............
بمررور عدة أيام خرج ( آسر) من المستشفى ولكنه كان يحتاج لبعض المُذكرات من جامعته ليدرُس ، فتوجه إليها بمساعدة زميله ( عادل ) 
وصل آسر فلمح ( نوران ) مع ريتال والأبتسامة تُزين وجهها فأخترق قلبه سحرها ، وبينما كانت نوران تُلقى بنظرها هنا وهنالك حتى توقفت عينيها على آسر شعرت بالخجل فتوردت وجنتيها وخفق قلبها لكن سرعان ما غضت بصرها وتابعت حديثها مع ريتال .
فأقترب آسر مع عادل منهما.
ريتال...آسر حمد لله على السلامة بس ليه جيت أنت لسه تعبان ؟
آسر...معلش كنت محتاج مُذكرات التلخيص عشان أقدر أنجز قبل الأمتحان .
نوران..بلاش تيجى وانت تعبان ولو احتجت شىء نجبهولك وعادل يوصلهولك البيت لغاية عندك.
آسر بإمتنان ..جزاك الله خيرا ، وربنا يديم عليكِ نعمة الستر والأحتشام ،خير ما عملتى وياريت كل البنات تفهم إن الجمال فعلا بالحجاب الشرعى .
ثم تركهم وغادر مع عادل.
ريتال....آسر ده إنسان كويس أوووى والحمد لله ربنا بعد عنه شريف وشلته .
نوران...الحمد لله ، غمة وراحت.
....
عادل...إيه يا عم آسر ،مالك كده متنح لـ نوران .
آسر بحرج...أناااا لا عادى يعنى.
عادل...مش باين .
آسر....مش عارف يا عادل ،كأنى اول مرة اشوفها وانجذبت ليها جامد.
عادل...طيب وإيه يعنى ، الحب مش عيب ولا حرام !
آسر..اه مش حرام بس أنا لسه طالب ولسه قدامى مشوار طويل ، وخاېف أوعدها بحاجة وأخلف.
عادل...بس طيب فتحها وأكلم معاها ولو عندها استعداد هتقف جمبك لغاية متقف على رجلك وتقدر تتقدملها .
آسر...والشيطان بقا يشتغل ،نكلم ونخرج ونتقابل ونحب ، هو ده الحړام لكن بذرة الحب ذات نفسها مش حرام لكن الحړام هو طريقة التعامل مع الحب ده .
عادل..طيب والعمل ؟
آسر..أنا هفتحها بس شوية اكون حسيت إنها بتبادلنى نفس الشعور ، بس هقلها على حقيقة وضعى ولو وفقت هقلها مفيش كلام ولا مقابلات وهتكون وصلة الرباط بينا هى اختى تتطمن عليها من وقت للتانى لغاية مربنا يكرم وأشتغل واجى أتقدملها .
عادل...عين العقل يا صاحبى، وطول منته كده بتتقى ربنا هيكرمك وهيقرب بينكم فى الحلال .
آسر ...يارب ، زى مقال حبيبك النبى ( صل الله عليه وسلم ) لم أرى للمتحابين إلا الزواج ).
................
عديلة فى السچن .
عديلة...والله الحبسة مش بطالة اهو الواحد نايم قايم ياكل ويشرب بلوشى ، بس ال قاطع فيه الواد عامر وحشنى ، ومش عارفه بطل ليه يزورنى ، خاېفة يكون جراله حاجة، طيب أطمن إزاى عليه ، أتصل بيه ؟ بس المكالمة غالية ، لا بلاش ، كلها شهرين تلاتة وأطلعله .
..
عامر لما اتكسر الصندوق واتبحدر على الأرض فلوس كتير أووووى .
عامر پصدمة....كل دى فلوس يَمه كنت مخبياها وبتحرمينى من اللقمة الحلوة والهدمة ال عليها القيمة ، طول عمرى محروم والعيال كانت بتضحك عليه فى الريحة والجاية من منظرى بهدومى المقطعة وكان بيبقا نفسى فى حجات حلوة وانا عيل زى العيال فتضربينى وتقوليلى لا الحجات دى مضرة عليك ، وياما تعبت وكنت ھموت ومكنتيش ترضى تودينى لدكتور وأخرك تدخلى تعيطى لدكتور بتاع الصيدلية وتفهميه إنك غلبانة فيحن عليكى بأى علاج وزى ميجى يجى ، يااااه حرمتينى كتير حتى من مشاعرك كأم ياما قسيتى عليه لغاية مكبرت واتعلمت منك القسۏة والبخل وبسببهم ضاعت منى فرحة الإنسانة الوحيدة ال حبتها وفى الأخر جوزتينى ست زى أمى عشان فلوسها ، طيب ليه معندك الخير أهو كتير ، ليه متنهناش بيه ، بدل معمرنا ضاع فى الحرمان ،والله حرام عليكِ يا امى ، حراااااام .
هانم...إيه ده ، أمك كانت مخبية الفلوس دى كلها على قلبها ،يا ستير يارب ، إيه البخل ده كله ، شوفت بقا لما قټلك سيبك منها ونوضب ونجوز كان عندى حق ، دى مكنتش أم كانت أم أربعة وأربعين ، حرباية رِمة وكانت حرماك من كل حاجة .
يلا يا حبيبى ، تعال لم معايا الفلوس دى ، وخلينا نعيش حياتنا ونستمتع بيها .
عامر...نستمتع ، قصدك أسمتع أنا بيها ، دى فلوسى ، وأنتِ خلاص مبقاش ليكِ لزمة يا عجوزة يا كُهنة ، أنا دلوقتى أروح أتجوز أحسن بنت جمال ودلال وشباب مش زيك.
هانم أتعصب.ت وبصت يمين شمال لقت ق.زازة ،راحت مسكتها وكسر.تها وقربت منه ، وهو بعد عنها پخوف.
عامر...فيه إيه يا مچنونة أنتِ هتعملى إيه ؟
هانم..أديك قلت مجنو.نة ، يعنى لو صورتك قت.يل دلوقتى ، هيقولوا مجنو.نة ومش هتحبس .
فقدامك خيارين يا زينة الشباب يا ابن عديلة .
يتمم الجوازة ونعيش يأما هد.فنك مع فلوسك دى ، أنا مش عايزاها ، خليه تنفعك فى قبر.ك لو ينفع.
عامر خاف منها وبدء يحن تانى عشان كدا كدا معاملة عديلة ليه خليته عديم الشخصية .
عامر...لا أنا أقدر على بعدك يا هانم ،أنتِ حبيبتى ، دول بس كلمتين من وجعى على حرمان أمى ليه من الفلوس دى كلها .
لمى لمى معايا وخلينا نخلص ونفرش ونجهز ونستعد ليلة عمرنا ، دى هتكون ليلة ولا ألف ليلة .
هانم بدلع...يا حبيبى يا عمورة، ايوه كده أتعدل لأعدلك.
وهات الفلوس معايا ضمان عشان متقلش بأصلك زى أمك كده ولا كده يا حبيبى .
وفعلاً بعد عدة أيام إتجوز عامر من هانم ، ال عرفت إزاى تربطه بيها وبقت تديله الفلوس زى مصروف كده يكفيه بس عشان ميبصش كده ولا كده عليها 😀
....
دلفت والدة عمر إليه فى غرفته فوجدته غارقاً فى أفكاره.
والدة عمر....الجميل سرحان فى إيه ؟ 
ولا أقلك أجاوب أنا ، فى فرحة طبعاً.
عمر....ايوه فرحة يا أمى ، خلاص تعبت لما بشوفها بتأكد من عينها إنها بتحبنى بس بترجع نظرات الشك تانى ليه وبتحسسنى بكلامها ديماً إنى عايز أرتبط بيها عشان مجرد هى بنت خالتى ومناسبه وكده مش عشان خاطر إنى بحبها .
والدة عمر...يا ابنى برده عندها حق ولازم تتأكد من مشاعرك وده دورك انت متيأسش وخليك وراها وأثبتلها بالمواقف إنك بتحبها مش مجرد كلام وخلاص ، حسسها إنك هتكون دنيتها كلها ، خليها تشوف فيك عز وحنان الأب وسند الأخ وأتعلق بيها زى الطفل مبيتعلق بأمه ، خليك راجل ليها مش عليها ، أحتويها وفهمها بنصيحة مش بأمر ، الست مننا يا ابنى لما بتحب وبتلاقى معاملة طيبة بتفنى عمرها كله مع الإنسان ال بتحبه  وهى سعيدة ومرضية .
عمر...هحاول يا أمى والله بس هى تدينى فرصة أقرب منها .
والدة عمر...أقلك تعال بكرة ان شاءالله دار الأيتام وناخد معانا شوية لعب وحلويات للأطفال وطبعا هى معانا ،لإنها بتحب اوى تزورهم ، ولما تحس إنك بتحب تشاركها فى الحجات ال بتحبها ، هتحس إنك فعلاً مهتم بيها وبتحبها .
غير إنى كمان سمعت إنها نفسها فى يوم من الأيام يكون عندها دار لتحفيظ القران.
فإيه رئيك نعمل الدور الأول دار تحفيظ  .
عمر..بس حضرتك قلتى كنتى هتنزلى تعيشى فيه لما أجوز ، عشان رجلك متتعبكيش فى الطلوع والنزول وأنا أعيش هنا .
والدة عمر ..منه عندى رأيى برده ، هعيش فيها وهخصص أوضة ليه والباقى لخدمة حفاظ كتاب الله ، هو فيه أحسن من كده عمل أختم بيه حياتى .
عمر مقبلاً يدها ...متقوليش كده يا ست الكل ، ربنا يبرلكنا فى عمرك ويديكِ الصحة والعافية .
والدة عمر...انا نفسى أطمن بس عليك أنت وفرحة وأشوفكم متهنيين وأفرح بيكم وأشوف ولادكم ، ده أملى ودعائى ديماً.
ويلا يا ولد يا بكاش أنت ، اتصل بيها وقولها على زيارة دار الأيتام ، وشوف كده عمال يجهزوا الدور الأول عشان يكون دار وأعمله كده يفطة كبيرة وسميه دار الفرحة ، ولما يجهز أعمللها مفأجأة ، وهتشوف ساعتها رد فعلها مش بعيد تقلك امتى هنحدد معاد الفرح 😀
..........
يارب تكون عجبتكم حلقتنا النهردة متنسوووش لايك و كومنت 💖💖
وعايزة توقعاتكم لعديلة لما تعرف أن شقى عمرها راح لهانم 
عايزين ايه ټموت 😂 ولا ندخلها مستشفى المجانين  
الحلقة الجاية الأخيرة ان شاءالله 
هتكون بعد بكرة  وهسبلكم انتم اخراج اخر حلقة وهكتب توقعاتكم ..هستناكم 😀
ام فاطمة ⁦❤️⁩
الجزء العاشر والأخير 
فرحة عمرى 
🌹🌹🌹🌹
اللهم لا نبتلينا فيمن نحب وإصرف عنا الوباء 
وصدق الله حين قال ( ومن يتق الله يجعل له مخرجا و يرزقه من حيث لا يحتسب ) 
فرحة قعدة سرحانة فى عمر لما زارت معاه ملجأ الأيتام ، قد إيه كان حنين أوى وبيشيل الأطفال ويبوسهم ويلعب معاهم ويأكلهم بإيده ، والأطفال كانوا فرحانين اووى وبينادوه ( بابا ) وهى ( ماما ) 
فقرب منها عمر هامساً....سمعه الولاد بيقولوا إيه ؟ بابا وماما يعنى خلاص إثبات حالة وإنك مراتى شئتى أم أبيتى ، فضحكت فرحة واكسفت وبعدت عنه .
عمر..أهى الضحكة دى ال مصبرانى عليكِ يا جميل .
..............
وفقت فرحة بعد الموقف ده إنهم يعملوا يقرءوا الفاتحة وكمان ( سارة وعبد المنعم ) 
بس قلب فرحة ديماً كان مترقب عمر وكأنها بتختبر مشاعره عشان تتأكد من حبه ليها ،وهو كان فاهم ده وبيحاول بقدر الأستطاعة إظهار حبه ليها.
..عبد المنعم بعد قرءاة الفاتحة ..قعد مع سارة شوية لوحدهم بس باباها ومماتها كانوا طبعا رايحين جايين عليهم عشان متنفعش خلوة كاملة.
عبد المنعم.....متصوريش أنا سعيد قد إيه ؟ إنه اخيرا ربنا كرمنا وارتبطنا بعد فرحة مربنا هداها ووفقت على عمر.
سارة بخجل...الحمد لله .
عبد المنعم...تصورى أن شكلك جميل اوى وأنتِ مكسوفة كده .
سارة...وبعدين ،بلاش الكلام ده .
عبد المنعم...بلاش إيه ، أنا حبيتك سارة من أول مرة شفتك .
وحاول عبد المنعم ېلمس إيديها ، فشدتها سارة بزعل .
سارة..لو سمحت كده مينفعش ، إحنا لسه مفيش بنا رابط رسمى.
عبد المنعم...بس إحنا خلاص فى حكم المخطوبين وقرينا الفاتحة.
سارة..ولو ختمنا المصحف كله مينفعش برده ، طول ملسه معملناش كتب الكتاب .
عبد المنعم محدثاً نفسه ... ماشاءالله عليها ، ياريت كل البنات يحافظوا على نفسهم كده ، ويكونوا غاليين وميرخصوش نفسهم .
عبد المنعم...خلاص نبعت نجيب المأذون .
فابتسمت سارة بخجل...شكلك مستعجل وفى العجلة الندامة.
عبد المنعم بضحك..لا العجلة بتعتى مخرومة وعايزة أصلحها ومحدش هيصلحها غير المأذون .
....
فرحة مع عمر⁦❤️⁩
عمر....ياااه أنا مش مصدق إن أخيرا إرتبطنا ووفقتى ، ده أسعد يوم فى حياتى .
فرحة بخجل...بجد يا عمر سعيد وأنت معايا ؟
عمر...أنتِ لسه برده عندك شك فى كده ، صدقينى يا فرحة لو قلتلك إن عينى مشفتش قبلك ولا هتشوف بعدك.
فرحة بغيظ...أمال إزاى شافت نوران ؟
عمر مبتسماً لغيرتها.....لا تفرق كتير ، تقدرى تقولى عجبنى البريق الخارجى ووهمت نفسى بس الحمد لله فوقت فى الوقت المناسب لما قلبى أعلن الحړب وقال إنه مفيش غير فرحة وبس ، ومش كلام والله ، هتصدقى ده مع الأيام .
فرحة محدثة نفسها وهى تضع يدها على قلبها الذى دق پعنف......إهدى يا قلبى مش كده ، عشان ميسمعكش دقاتك ، وخلى الأيام فعلا تثبتلك حبه الأول، انت ياما إنتظرت كتير ، فخلاص مبقاش غير القليل ، ثم حمدت الله على عطفه وكرمه .
ثم أجتمع الأهل مرة أخرى معهم .
عبد المنعم....عمى ، بستأذنك إننا نعمل كتب كتاب مع الخطوبة بالمرة إن شاءالله .
ولا إيه رئيك يا عمر ؟
عمر بفرحة...ياريت .
فابتسمت فرحة بخجل ونظر لها والدها بسعادة وها هو الآن علِم لما كانت ترفض من يتقدم إليها ،فطمئن قلبه عليها وعلى أختها فوافق أن تكون الخطوبة وعقد القران معاً ثم الزفاف بعده بثلاث أشهر .
......
آسر فى الجامعة.
عادل..إيه يا عم الحاج ، كل ده مكلمتهاش لسه ، يلا ده أخر يوم لينا فى الأمتحانات ومش هتعرف تشوفها تانى .
آسر بحرج....حاااضر هروح أهو .
عادل...تحب أزوقك عشان أخلص ، يا ابنى بطل كسوف ، البنات بتحب الحِرج كده فخلص يلا .
آسر.....ماشى وسع للحِرج .
عادل....وسعنا لما نشوف .
فتقدم آسر ببطىء إلى نوران التى كانت تقف تنتظر ريتال التى تركتها لشراء كوب من النسكافيه من كافتيريا الجامعة .
آسر...إزيك يا نورا .
لمعت عين نوران عندما وجدته أمامها ودق قلبها پعنف .
نوران...الحمد لله .
آسر...عملتى إيه فى الامتحان؟
نوران...يعنى ماشى الحال ، الحمد لله.
آسر....نورا ،أنا مش عارف أجبهالك إزاى ، يعنى أنا عايز أقلك ...
نوران...قول يا آسر ، أنا سمعاك .
آسر...بصى من غير لف كده ولا دوران ، أنااااااا معجب بيكِ وبتمنى تكونى زوجة ليه فى الحلال الطيب ، بس حاليا الظروف مش هتسمح إنى أتقدملك عشان لسه محتاج أثبت فى وظيفة وده مش هينفع غير لما استلم شهادة التخرج ، وطبعا مش هينفع أكلمك وتكلمينى الفترة دى طول ملسه مفيش بينا شىء رسمى ، فلو وفقتى هتكلمك أختى بإستمرار تأكد وعدى ليكِ وتتطمن عليكِ وتطمنى .
ووعد اول مأمسك الشغل ، فى يومها هكون عندكم بالليل ، ها قلتى إيه ؟ 
قفز قلب نوران من الفرحة فأجابتها 
نوران  بخجل ..مقلتليش إيه هو رقم أختك.
فابتسم آسر ....جمعنا الله بيكِ قريباً يا قرة العين ،
ثم أعطاها رقم أخته ووعدته أن تراسلها على الواتس .
آسر...السلام عليكم يا نورا فى حفظ الله ثم تركها وانصرف .
ريتال....إيه يا حاجة نورا ، ماله آسر كمان؟
نوران....عريس يا أختاه .
ريتال بفرحة....بجد طلبك للجواز، صراحة هو شاب كويس وال بيعجبنى فيه أن كل صلاة تمر علينا فى الكلية ألاقيه داخل يصلى .
نوران...فعلا وده ال خطڤ قلبى .
ريتال...أنتِ اتغيرتى كتير يا نورا ، وربنا هيعوضك خير.
نوران....يارب .
............
عديلة....كده يا واد يا عامر نسيت أمك كل ده ، بس لما أطلعلك بكرة إن شاءالله هوريك ، يا ترى عامل ايه ؟ أنا خاېفة تكون العقربة هانم أكلت بعقله حلاوة ، منه عرفاها سهونة ، بس جوزتهاله عشان عشان وشها والقپر فيورث قرشين ينفعوه ، وأستفيد كمان أنا وأكمل فلوسى حبايبى ال ربتهم بإيدى سنة ورا سنة ، يا ترى عمالين إيه ؟ وحشونى اووى , لمستهم وريحتهم ، رجعلكوا خلاص قربت يا صندوقى حبيبى ودنيتى كلها .
ونامت عديلة تحلم بالصندوق ....وحلمت أن هانم بتكبش وبتديها فلوس وتحط فى الصندوق بس إن الغريب إنها كل مبتديها عشان تحط بتلاقى الصندوق فاضى .
فقامت مڤزوعة وقلبها هيقف عليها..
عديلة....خير يارب...الحمد لله إنه حلم 
وبعدين نادوا عليها عشان تحضر حالها وتخلص أوراقها عشان هتخرج .
خرجت عديلة من السچن فرحانة إنها اخيرا هتشوف عامر وتتطمن على صندوقها 
عديلة...دلوقتى امشيها للبيت بس دى مسافة ساعتين مشى وأنا رجلى وجعانى ، هتعملى إيه يا عديلة مهو لو ركبت هضطر ادفع اتنين جنى بحالهم فى الأتوبيس .
خلاص أنا هركب وهعمل نفسى نسيت الفلوس وأكيد ولاد الحلال كتير هيدفعولى .
وفعلا ركبت وجه الكمسرى ، الأجرة يا ست ؟
عديلة ....تعمل نفسها بتدور يمين شمال وبعدين ټعيط ، إظاهر إنى نسيت الفلوس .
شاب واقف صعبت عليه...خلاص يا امى متعيطيش أنا هدفعلك.
عديلة بمكر...ربى يخليك ويسعدك يا ابنى.
وصلت عديلة لبيتها وهى فرحانة وبتبص ملقتش باب شقتها فى مكانه على اليمين ولا باب هانم على الشمال ولقت باب فى النص .
عديلة...إيه ده ؟ ماله الباب هو مشى لوحده ولا ايه ؟ لا أنا قلبى بدء يتوغوش .
فخبطت عديلة ....سمعت صوت هانم 
هانم...مبراحة شوية يلى على الباب مش كده .
عديلة...براحة ، طيب لما تفتحى بس .
فتحت هانم ال كانت لبسه فستان أحمر مليان ترتر بيلمع وضړبة ميكب ولا عروسة المولد ،غير شعرها ضړبة فيه ألوان الطيف كلها ( عروسة يا أخواتى 😀)
هانم پصدمة...عديلة، هما أفرجوا عنك إمتى ؟
عديلة وهى بتبصلها من فوق لتحت ....زى منتى شايفة يا ست هانم ، بس إيه الروشنة دى كلها ؟ وإيه ال حصل فى باب الشقة وفين عامر ابنى يا ولية ؟
ووسعى كده أقعد شوية عشان تعبانة من المشوار .
هانم بأرف....لا تقعدى إيه بمنظرك ده ، خشى الحمام إستحمى الأول وهجبلك عباية تلبسيها من عندى وأمرى لله وعامر يوصلك لبيتك التانى قصدى شقته ال كان عايز يجوز فيها .
عديله......شقته يا ولية ، شكلك كبرتى وخرفتى ، وماله شكلى ، الله يرحم أمك ، وسعى كده أوعى وفين إبنى ؟.
زقتها عديلة وبصت كده فى الشقة ،وعنيها كانت هتطلع ...إيه الهلُمَة دى كلها ، دى ولا شقق أصحاب الأعيان ( كويس إنى جوزتها للواد عامر يتهنى واتهنى معاه ) 
عامر قام من النوم على الصوت وطلع وهو بيفرك فى عنيه ..
عامر...هو فيه إيه يا هنومة يا حبيبتى ؟ إيه الصوت ده ، مش عارف أنام .
عديلة پصدمة....واد يا عامر ! إيه ده ،هو أنت دخلت عليها وأمك فى الس.جن يا ولا ، دى عمله تعملها  ، مش قادر تصبر، وعشان كده مكنتش فاضى تزور أمك ، هونت عليك يا عامر؟
عامر پخوف....معلش يمه ال حصل ، المهم إنك كويسة ، أقعدى إرتاحى .
هاتلها لقمة تكلها يا هانم .
هانم...لا تقعد إيه ؟ خليها تستحمى الأول عشان العفش والفرشة كده  لسه جداد وملحقتش أتهنى بيهم .
عامر...طيب خشى يمه استحمى .
عديلة بحزن...يعنى قرفان منى يا واد ، مهو كل ال حصلى ده بسببك .
عامر...خلاص ال حصل حصل ،خلينا فى النهاردة.
هانم...بقلك إيه يا عامر خد عايزاك .
دخل وراها عامر.
هانم....بص يا سيد الرجالة ، أمك تستحمى وتغير وتكلها لقمة زى بعضه عشان خاطرك بس ، لكن تاكل من هنا وتوديها شقتك ، انا عايزة اخد راحتى فى بيتى .
عامر...اصبرى بس ترتحلها يومين ، دى امى برضك .
هانم...لا ولا ليلة وحدة ، لو عايز انت تقعد معاها هناك روح ، لكن هنا لأ يا عين أمك ، وابقا أصرف عليها من جيبك هناك.
عامر....لا لا خلاص تاكل وتمشى ،متزعليش نفسك يا هنومة .
ضحكت هانم بدلع ، وكان فى الوقت ده عديلة عمالة تفتح كل الأوض بتدور على الكنبة بتعتها ال فيها الصندوق مش لاقياها ، فحطت إيديها على قلبها ،وعرقت ،ومش قادرة تطلع النفس ونادت على عامر.
عديلة... يا واد يا عامر ، تعال بسرعة .
جرى عامر ووراه هانم .
عامر...مالك يمه فى إيه ؟ وشك مخطۏف كده .
عديلة...فين يا واد الكنبة بتاعتى ؟
عامر وشه جاب ألوان ومش عارف ينطق .
هانم بمكر....يختى كنبة إيه القديمة المكسرة دى ال هنحطها وسط العفش المودرن ال أنتِ شيفاه ، عطناها لبتوع الروبابيكيا .
عديلة بصړيخ...روبا بيكيا وصندوقى فين ؟؟؟ شقى عمرى كله فين ، فلوسى ، صندوقى .
عامر يبص لهانم ومش عارف يقول إيه .
هانم ..صندوق وفلوس إيه يا ولية يا خرفانة أنتِ، بصى لمنظرك ،هو إحنا عمرنا شوفنا فى إيديك مليم ، ده أنتِ كنتِ بتشحتى من الجيران اللقمة والهدمة ليكِ ولعامر ولا نسيتى افكرك.
عامر دموعه بتنزل بس هانم مسيطرة عليه.
عديلة قامت ومس.كت فى ر.قبة هانم.....إنطقى يأما هاخد روحك ، فلوسى فين ، أنا غلطانة ال جوزته وحده أكبر من أمه ، طلعتى حرباية ولئيمة وخدتيه منى وخدتى شقا عمرى ، فين فلوسى ال كانت فى الصندوق.
هانم ...إلحقنى يا عامر ، امك هتموتنى ، إلحقونى يا ناس ،هتموتنى.
عامر قام يبعد امه...سبيها يا امى هتموتيها وهتروحى فى حديد تانى ، تعالى لما اوديكى شقتى ال فى عمارة الإحسان .
عديلة ...عايز ترمينى فى الخړابة دى ، أنا أمك ال كبرتك وخليتك راجل وجوزتك ،تعمل فيه كده ، وكمان سرقتوا فلوسى .
عامر...ربتينى هههههه فين ده ، قصدك كنتِ بتشحتى عليه زى مقالت هانم وحرمتينى من كل حاجة ،بسبب بخلك وعمالة بس تحوشى الفلوس ، أهى راحت وضيعت عمرك وعمرى على الفاضى .
عديلة...لا ده أنا اقت.لها وأقت.لك إلا فلوسى .
واتجمع الجيران على الصوت ، وعديلة تصرخ وهانم تصرخ وطلبوا البوليس .
بس عديلة كانت عمالة تقطع فى هدومها وشعرها وبدئت تخرف وتقول كلام مش مظبوط .
فحولها الظابط لمستشفى الأمراض النفسية والعقلية .
وراحت عديلة وكل شوية تصرخ وتقول صندوقى ، فلوسى .
واخر مزهق منها الدكتور هناك جبلها صندوق وبقت تقعد فى جنينة المستشفى تلم الظلط وتحطه فى الصندوق ويجى وحدة من المرضى زيها تخده وتجرى وهى تجرى وراها 😂 
وعاشت هانم مع عامر ال كان تحت سيطرتها يمين يمين شمال شمال .
لكن فى النهاية هى كمان ليها يوم ومش هتعيش قد معاشت وكله عند الديان لا يضيع وستسئل عن مثقال ذرة .
يوم لا ينفع مال ولا بنون إلا من أتى الله بقلب سليم 
................
عمر بيتصل بـ فرحة.
عمر بحب واشتياق....وحشتينى .
فرحة بخجل....وانت .
عمر ..وانت إيه ؟ بقلنا شهرين مكتوب كتابنا ونفسى إسمعها منك ، ده خلاص فاضل ايام ويجمعنا بيت واحد .
فرحة...خلاص هتسمعها لما نكون فى بيتنا.
عمر...يا صبر أيوب.
طيب النهاردة الإتنين وصايم واكيد أنتِ كمان صايمة عشان عارف إنتِ مدوامة على سنة الحبيب صل الله عليه وسلم .
إيه رئيك اجى ونفطر سوا برا ، إعزمك على ال تحبيه .
فرحة...بيتزا بمۏت فيها ومعاها شيبسى الحجم العائلى وقزازة بيبسى ٢لتر ونحلى بقا بشيكولاتة جلاكسى وويفر ويسلام لو إيس كريم بعدها وإحنا بنتمشى على الكورنيش  بس كده عشان لما بكون صايمة مش بحب أتقل فى الأكل .
عمر....لا واضح واضح 😂
ربنا يستر أنا بقول اليوم ال هتصومى فيه بعد الجواز هبعتك لخالتى تسليها فى الفطار .
فرحة...قصدك إيه ؟
عمر بضحك...لا مش قصدى ، كنت بقول ..بحبك.
فرحة. ..وبعدين .
‌عمر...بحبك برده، وعلى فكرة محضرلك مفاجأتين حلوين .
‌فرحة....يا ترى إيه ؟ لا قول دلوقتى مش هصبر .
‌عمر....لا أنا صبرت كتير عليكِ ، فاصبرى أنتِ عليه ساعتين كده.
‌فرحة....كده ، بتردهالى يعنى ، ماشى يا سى عمر لما أشوف .
‌عمر....يا حلاوتك وأنتِ بتقولى سى عمر ، قوليها تانى كده .
‌فرحة بضحك...ليه مصدقت تبقا سى السيد ولا إيه ؟
عمر....لا أنا سى السيد بيكِ أنتِ ، لإن بحبك ملكت الدنيا كلها .
عمر ....مش بتردى برده.
فرحة....  هو إحنا هنروح إنهو مطعم عشان ناكل البيتزا.😀
عمر....كده طيب خليكِ صايمة ليوم الخميس 
سلام يا قمر .
........ 
فرحة ضحكت ودخلت عليها سارة.
سارة...ماله الجميل مبسوط وبيضحك ،ضحكينى معاكِ.
فرحة....عوض ربنا حلو اوى يا سارة وفعلا نهاية كل صبر جبر ، أنا فرحانة اووى وكل يوم عن التانى عمر يثبتلى إنه بيحبنى .
سارة...ربنا يفرح قلبك كمان وكمان يا حبيبتى ، أنتِ تستهلى كل خير ، وصبرتى كتير .
فرحة...يارب أنا وانتِ ، واخبار عبدو إيه معاكِ؟ 
شيفاكِ مش بتنزلى الموبيل من على ودنك ، وكر كر ضحك على طول .
سارة....إسكتى يا فرحة، مش بيبطل لوكلوك ، ودخلى آفيه على طول زى ميكون اسماعيل ياسين وشوية يقلب رومانسى ولا عبد الحليم حافظ.
فرحة....ههه عبد المنعم دمه خفيف وما جمع إلا موفق زى مبتقول ماما ، ربنا يسعدك معاه حبيبتى .
سارة...يارب.
......
خرجت فرحة مع عمر ومع كل خطوة بتمشى معاه فيها كان قلبها بيدق وعنيها بتبص على كل ال حواليها كأنهم بتقولهم ( شايفنى بجد ايدى فى إيد عمر ) وكأن السعادة كلها تجمعت فى قرب عمر .
أكلت سارة البيتزا وهى مبسوطة وجبلها عمر كل ال كانت عيزاها وفجأة وقف قصادها وقلها غمضى عنيكِ.
غمضت عنيها فرحة وحست إن فى إيديها حاجة ، فتحت عنيها وبصت لقت تذكرتين عمرة المولد النبوى ال هيصادف معاد فرحهم .
فرحة بصت للتذكرة فى إيديها ومن الفرحة قعدت تننطط زى الأطفال فى الشارع .
ولأول مرة لسانها يقول ( بحبك يا عمر ) 
عمر....ياااه أخيرا كان نفسى اسمعها من زمان ، وتمام كده أن شاءالله المرة الجاية تكون تذكرتين حج يمكن ترضى عنى وتنولينى المراد ثم غمز لها بعينيه ، فضړبته ضړبة خفيفة فى كتفه فضحك .
فرحة...طيب دى المفاجأة الاولى ،إيه التانية .
عمر ....هتعرفى دلوقتى ، تعالى نركب العربية.
فرحة فى الطريق ...إحنا هنروح عند خالتو والدتك ؟
عمر....الصبر حلو .
وعندما اقتربوا من منزل والدة عمر، طلب منها مرة أخرى ان تغمض عينيها ،ففعلت وأمسك بيديها لتنزل.
عمر فتحى خلاص.
فرحة بذهول لما شافت اسم ( دار الفرحة لتحفيظ القران الكريم ) 
فرحة...لا لا أنا اكيد بحلم ، مش معقول  .
بكت فرحة من الفرحة وقلتله ..( انت فرحة عمرى⁦♥️⁩)
عمر...إيه أنا عملته عشان تفرحى ، تقومى تعيطى .
فرحة...انا ببكى من فرط كرم الله عليه ، ثم دخلت إلى مدخل العمارة وقامت بالسجود إلى الله شكر وحمد أن أكرمها الله بهذا العطاء ، فهذا حلم حياتها تحقق بفضل الله على يد من تحب ، فأى كرم بعد هذا .
نظر لها عمر بعين الفرحة وحمد الله أن أبدله الله بتلك التقية النقية التى ملئت حياته بالفرحة .
.........
ومرت الايام وجاء يوم الزفاف الذى كان حفل بسيط فى حديقة المنزل .
وكان به فرقة لشباب دينية .
واصرت كل من فرحة وسارة إنها يجهزون أنفسهم فى البيت دون الحاجة لمركز تجميل .
فارتدت كل منهما فستانها الأبيض التى كانت فيه كالملاك مع طرحة بيضاء مزينة بالتاج .
وبعض من المساحيق التجميلية البسيطة التى أظهرت جمالهما أكثر مع بساطته المتناهية .
عمر عندما رآى فرحة ....دمعت عيناه وضمھا لصدره وحملها ولف بها فى الغرفة 
أما عبد المنعم اول مشاف سارة....غنى هجوز هجوز ، إيه الحلاوة دى يا سرسورة ، هاتى بوسة .
ثم ضمھا لصدره وحملها كما فعل عمر .
....
ونزلوا إلى الحديقة حيث كان الشباب ينشدون ..
" زفوا القمر "

زفوا القمر ع القمرايه و قولوا لهم مبروك ويايا

غالية و غالي يا فرحة تعالي

هنقدم لكم أحلى تهاني

إسلامنا صوته في العالي و عريسنا نجمه بيلالي

و عروسته عاشت ع التقوى ع السنة و على القرآن

الشرع لما يحكمنا الخير أكيد هيوصلنا

إسلامنا دستورنا الغالي بالنور هيرجع من تاني

يا رب تمم فرحتنا و اسعدنا و اسعد لمتنا

بالحب نغني في فرقتنا و الكل أهو سامع ألحانى

عمر...يلا يا فرحة عشان معاد الطيارة 
فرحة بصت لوالدتها ووالدها وسارة وحضنتهم وبكت ودعولها بالبركة والسعادة.
سارة ...كان نفسى كمان أنا أعمل عمرة زيهم .
عبد المنعم ...تصورى وأنا 
سارة..طيب ليه يا خفيف معمتليش مفاجأة زيها .
عبد المنعم ...تعالى بس نوصلهم ، ونكلم فى الموضوع ده وقت تانى.
سارة بزعل....ماشى يلا .
وصل العرسان المطار 
وسلمت سارة على فرحة، وقلتلها دعواتك نحصلك وربنا يهدى عبد المنعم.
فرحة بضحك...شوفتى دعوتك ربنا إستجبها فى الحال .
سارة بتعجب...إزاى؟
فرحة مسكت إيديها ...يلا بينا عشان نلحق نركب الطيارة .
سارة...بتهزرى صح ، هو انا كمان هروح ؟
فرحة ...اه طبعا يا بنتى ، عمر حكالى على كل حاجة وعبد المنعم اصلا المقترح رحلة العمرة دى ، وكان هعملهالك النهاردة مفأجاة لإنه خلاص نسى كل عمره ال فات وهيبتدى من النهاردة فى بيت الله .
بكت سارة من الفرحة فى حضڼ فرحة 😀
ورزقنا الله وإياكم عمرة وحجة تامة لبيته ورفع الله عننا البلاء والوباء ورزقنا حسن الخاتمة.
بتمنى تكون القصة عجبتكم بجد ⁦❤️⁩
فياريت أشوف منكم ريفيو ليها جميل زيكم فى بوست لوحده وتعليقات اجمل عشان احتفظ بيها وانشرها .
بحبكم في الله 
أم فاطمة 💖 شيماء سعيد