رواية خطيبتي واخواتها التوأم لكاتبتها رحاب القاضي
المحتويات
اعتذر بدل المره الف
جني بسخريه
ومستعد برضو في لحظة زعل منك تهيني وقدام اي حد ومش هيفرق معاك مشاعري ومدام ما فرقتش معاك مشاعري يبقي انت ما حبتنيش اصلا
لا لا انتي مش من حقك تقولي انا بحبك ولا لا وانتي لو بتحبيني بجد كنتي هتعدي اللي حصل ده عشان نكمل وانا اعتذرت يا جني واعترفت بغلطي
وقفت جني وقالت
سكتت ودموعها نزلت وقالت
لو زي ما بتقول كده ما كنتش چرحتني ووجعتني كده يا انس انا عمري ما هنسي كلامك ليا وقتها والاحساس الۏحش اللي انت حسستهولي
ما تسبنيش يا جني بالله عليكي والله مش عارف اعمل اي حاجه من غيرك وحياتي كلهة واقفه
سحبت ايدها منه ومشيت وجيلان اللي كانت واقفه بعيد راحت وراها وهي بتبص لانس بحزن
في بيت امجد البحيري
دخل امجد ونسمه البيت واستقبلتهم صفاء اللي قالت
كل ده عند الدكتور يا حلو انت وهي
امجد بسخريه
يا سلام عايزه تعملي فيها حما بجد مش لايق عليكي
يا حبيبي بهزر معاكم المهم اتبسطتو
امجد بصوت واطي
كان ناقص اوديها القمر وشايفه قالبه وشها ازاي
نسمه
انا هطلع اغير هدومي وانام تصبحو علي خير
طلعت فوق وصفاء قالت لامجد
معلش نصيبك بقي تصالحها في وسط هرمونات الحمل
امجد بضيق
خلاص بقي نأجل ام الصلح ده
صفاء
اوعي تبوظ اللي انت عملته ده يا امجد هي مراتك انت ومعاك انت وتفكيرها انت بايدك تخليه فيك وقلبها ليك برضو
امجد ابتسم وقال
وكأنك بتقري افكاري يا ماما هروح انام انا كمان عشان الشغل
صفاء بخبث
عشان الشغل برضو ولا عشان افرجت عنك وخلتك تقعد معاها في اوضه واحده
امجد
اقسم بالله انتي فاهمه شغل الحموات ده غلط ده بيبقي عليها هي مش عليا انا
ضحكت صفاء وامجد طلع فوب ولاقاها غيرت هدومها ونامت اتنهد بضيق وقال
امجد
هو انا ايه اللي عملته طيب يخليكي تدايقي كده
قعدت نسمه وقالت بدموع
تحب افكرك كويس باللي عملته فيا
امجد پحده
انتي هتجننيني وبعدين انا فاكره كويس وقولنا هننسي ونبدأ من الاول
نسمه بسخريه
النسيان ساهل ليك عشان انت اذيت مش اتأذيت في فرق كبير يا امجد بيه
قرب منها امجد وقال
امشي روحي مكان ما عايزه مدام مش قادره تسامحي انما جو عايزه ومش عايزه ده ما يمشيش معايا
نسمه بدموع
كل ما افكر اصفالك واتعامل معاك عادي بشوف كل لحظه عشتها معاك قبل كده قدامي
امجد بجمود
والمطلوب!
نسمه پبكاء
انا ااا انا هبقي مهزأه لو قولتلك اني بحبك مش كده
بصلها امجد وابتسم وقال
لا ما تخفيش انا مش هقول لحد
نسمه اتوترت وقالت
علي فكره انت مستفز وانا عايزه انام
مسك امجد ايدها وقال
استني بس هو بعد الاعتراف ده هيبقي في نوم ده حلم سنين واتحقق وكنت هضيعك من بغبائيي
بعدت عنه نسمه وقالت
محتاجه وقت انت بالنسبالي شخصين وو
امجد بهدوء
براحتك خاالص انا معاكي للاخر كفايه انك جنبي وعارف ان مشاعرك ليا
قال كلامه وقام من قدامها عشان يغير هدومه وهي رجعت نامت ومش عارفه تطمنله ولا تخاف منه زي زمان
بقلم الكاتبه رحاب القاضي
وفي القاهره
كانت جني قاعده في اوضتها وبتقلب في صورها هي وانس ودموعها علي وشها ودخلت عندها عزه وقالت
عزه بجمود
انا عايزة اتكلم معاكي
جني بضيق
انا رايحه انام
عزه پحده
لا اصحي احنا لازم تكلم
جني
نعم يا ماما في ايه
عزه بضيق
انا فكرت واخدت قراري خلاص في موضوع سفرك مع عمك
جني اتنهدت وقالت
سواء فكرتي او لا انا خلاص اخدت قراري انا هرجع البلد يعني هرجع البلد
عزه پحده
وانا قولت لا ما فيش رجوع البلد تاني فاهمه ولا لا
جني بسخريه
انتي عايزاني اقعد هنا ليهايه مصلحتك يا ماماعشان انتي طول عمرك بتعملي كل حاجه لمصلحتك وبس
عزه بدموع
انتي هتقعدي هنا عشان مصلحتي انا فعلابس عشان الحزن اللي علي وشك ده يختفي
جني دموعها نزلت وقالت
لو سمحتي انا عايزه انام ممكن
عزه
هطلع حاضر بس انا كلمت عمك وقولتله بنتي مش هتسيبني وهتفضل تحت عيني لاخر لحظه في عمريتصبحي علي خير يا حبيبتي
طلعت عزه وجني قفلت النور وراحت تنام بس افتكرت كلام انس معاها وانها خلاص قفلت معاه كل الابواب وفضلت ټعيط لحد ما نامت
بقلم الكاتبه رحاب القاضي
في الاسكندريه
في مكتب فؤاد كان بيكلم في بهاء وقاله
فؤاد
ايوه يا دكتور بهاء نعم برضو مش فاهم انت عايزني اعمل ايه
بهاء
تهدي وتصبر المواضيع ما بتجيش قفش
فؤاد بضيق
لا بتيجي كده بقولك في واحد رخم كده جه سلم عليها وفضلو يضحكو مع بعض
بهاء ضحك وقاال
الغيره بتخرب العلاقات بص انت روح سلم عليهم واعرف هو مين يمكن اخوها
فؤاد
يا دكتور ما عندهاش اخوات ولاد اصلا وده باينله واحد كده مش كويس بيبصلها وو بص انا هروح اقولها كل حاجه ولو رفضتني والله العظيم مش هقعد في اسكندريه يوم واحد
قال كده وقفل مع بهاء وطلع راح اوضة مكتب ناني ودخل من غير ما يخبط ولقاها نايمه علي الكنبه
متابعة القراءة
